Yoel 2
2
Nenaik ’gain Onuk Logo a’ge owi dakha ua ai paget eberak welemagoluk mo’gulentesi wene
1“Waronobua a’ge wegesema, oluk enede we’gerlogo eniak me’gin-mo’gu a’ge ele’gwe en hogwiam iak oso ai ’gela’ge, Nenaik ’gain Onuk Logo a’ge owi dakha ua ano horogat lau wagama o. Arat dakha ua ai en e, nenaik Allah odom Sion ebe welagoma eba en ’bi’gong iak lok a’ge inghomup o. Asogo inghasuam, his aphwami o Yehuda welegep a’ge honuak erlik ogup ani o. 2O eria pam e, modok hup hik-haktak a’ge dakha eselat, modok hiktak a’ge sebelua o. Ap tentara esan pulogo wagai ai ’gela’ge, is ho’bukhak ai o hena dom petne sebelogo wago ai ’gela’ge wegesa. Wene asogo lai laga ai ’gela’ge mesik agokhwe hogu lege modok erlak a’ge o. Ye, pobuk mesik lai lasuam hogu lomul modok erlagat a’ge aga ai o.
3Ho’bukhak ai orogole di e’gela yu e’gela lei nasu ’gela’ge, nil lasulat, oyuk pam, odouk en di a’ge yu a’ge wialiso ai ’gela’ge lopungsogo ligagalat tago ai o. O yema is ho’bukhak en wiagap po erlakma nadugat e, Nenaik ’gain Onuk Logo a’ge iabuk o Eden ’gela’ge welaga a’ge ano pobuk ho’bukhak en wiagap pesirikmu en e, o leimu ’gwiang ’bukmu a’bosu modok erlak welago ai ’gela’ge lai laga ai o. Aphwami ’boloksogo mesik libom erlakma en perlengsogo waronobogwi ai ’gela’ge, is en di a’ge yu a’ge owi yogo a’ge mesik ukpo erlakma en ’berlegat wiagap pegesa o. 4#Wah. 9:7-9Is enebe re, wam kuda ’gela’ge a’ge re, dasogo lagaiam e, wam kuda weim obogulat, ’golokho lasu ’gela’ge. 5Ye, is enebe re, o dom petne da ’golek ya ’golek lagaiam e, enagapsaburl o’borlogouk e, ’gwiangso ’gela’ge weim obogulat woluk lagaiam oyuk o’borlogouk oso ai ’gela’ge. Onoyuk o’borlogouk e, lei nasulat odouk magale o’borlogouk polung-polung oso ai ’gela’ge. Is enebe logolak oruakma re, ap tentara enanni wiak a’ge weim obuogoluk sinalogo ’gogwi ai ’gela’ge.
6Is enebe aphwami enebe hegit wagaiam e, aphwami enarogun loluk e, onorogole erlak ago yo. 7Is en ap tentara onosi enebabut heberlak a’ge en weim obuogoluk pungtak lagai ai ’gela’ge, lagalat, is en tentara enebe leget pakleget siatle pam ligotluk tuganogo ’gogwi ’gela’ge ’gogulat, togulat, enebe esan logolak onorogole hegit lagalat, enepe ’gwani ogulat, enebe hegil agalat, togwi modok erlak o. 8Is ebela louwogoluk lagalat e, mesik pela’gogo hwigontogulat lo erlakma en ene’gebela lo’bok hegit-hegit lagai o. Is a’golukwiaksogo logologo lagalat e, leget pakleget aphwami eneselei a’ge en waronobo ’guma no oluk ’gagalak welagaimu ’bekhirat ’gogwiam, is ene’gebela ’balu mia o. 9Is enebe o kota pulholuk ’gu egesarik, leget pakleget werikmu siatle petne lagai. Asogo loluk e, enebe o hebat petne ligagalat, aphwami en yogorlia wouwogoluk jendela emde ’belak o’gwe en ’gu agai ’gela’ge ’gu agai o.
10 #
Wah. 8:12
Asogo ’gu agalat wagaimu, ’gwiang o’borlogouk eselat, ’bogorl o’borlogouk eselat, tago yo. Asogo tagoam, mo emin, dugwi emin, hik eselat, hwesagal yoru erlakma en mo eselat, tisoat o. 11#Wah. 6:17Allah osi at iak hologo weim obogwi a’ge enanni modok a’bik enebe ene’gik wenaru modok mia a’ge en obogukhwe, Allah en iak orlolu iak oso ’gela’ge,
Disogo tip, asogo tip, oluk mo’gulentasuam togwi o. Asogoat Nenaik ’gain Onuk Logo a’ge owi dakha ua ai, modok onogorlok a’ge dakha ua o. Asogo dakha osoam, aphwami logon en onogorlok erlak, enede ’buk welema modok erlak o,” oluk mo’gulentegis.
Enebabut heberlemagoluk mo’gulentesi wene
12Asogo mo’gulentegismu, at Nenaik ’gain Onuk Logo a’ge en e, disogo egei,
“Asogo a’geat de, yogodak henede pam en togolik ne’bek manis o. Asogo wagalat e, so’boru no erlakma en se’banat ogulat, ngi togwi nge togwi, togu lemis o. 13His en e,
Nis wiak togu lege ai nebit e, oluk honosum ’buktak a’ge derlep tu erlakma en, we, henede wathorlomup o,” oluk mo’gulentesi. Asogo mo’gulentesimu, an en e, disogo mo’gulentegis,
“Nenaik ’gain Allah Onuk Logo a’ge ebabut op en e, edeap enebiselat, ebam haro perleneat ligom pukmu en epe mosogo welat, ede hwedik modok welat, wene wiak a’ge enebam pasu erlak wiak togwi a’ge sebelogo ukpasulat, tago ai en e, henede asogo wathorloluk, henebe henebabut heberlogoat wogomup o. 14Henaik ’gain Onuk Logo a’ge Allah re, wene henebam paigoluk ede eberegei a’ge ukpoluk, pobuk ede muat ebetholuk, loksogo obap honobo a’ge wolom o. Asogo obaphenebasu holuk, his en anggur emin, gandum emin, at ebaget elit po a’ge ema o.
15Henebe mesikmu odoktak poluk, so’boru no erlak welat, Allah yo’go pogu lorogup en e, dom Sion Allah odom pam eba en ’bi’gong iak lok a’ge ingholuk yo’go pomup o. 16Aphwami ’berlegat odogonobogulat, Allah paget degelonobogulat, tit o. Enarlue a’ge odogonobogulat, malik emin, malik pou agamu no’gwi a’ge emin, odogonobogulat, togulat e, ap is onugwami ’gerat wogentigisa a’ge onowi pam ugonoboluk wagalat, hwami onogunlak ’get hwerlegesa a’ge onowi pam nogogumu ugonoboluk wagalat, tuagat o. 17Is at Allah eiyeat Nenaik ’gain Onuk Logo a’ge paget togwi a’ge, enebe wam, di a’ge yu a’ge Allah paget wusogo narlik obogumu ho’gorlakma, o sorlo’bonma ho’gorlakma eba en nge tuak o. Asogo nge togulat, disogo uak,
Allah ’gain Honuk Logo a’ge, naik. Heiyagai hedeap nenebin o, naik. Aphwami ena’gul onuk lo’bok logon en heiyagai pulenebigen a’ge ai ena’gul onuk wiagapsogo eniak esegen wogontogulat e,
Israel a’ge enaik Allah ebe ’geba oruak no? oluk ogu lema no oluk en e, hat en is wiak emagoluk enebe ugenebagun no yo, naik o,” oluk yo’go pou wagoluk mo’gulentegis.
Allah en aphwami Israel a’ge onowi obap pesi wene
18Asogo mo’gulentegismu re, Nenaik ’gain Onuk Logo a’ge en eiyagai edeap enebegeitik e, onowi pam ’gwiang eba obap paigoluk epesi. 19Asogo epesirik disogo mo’gulentesi,
“An en yogodak his honogum ningsogo no’gu lemagoluk, gandum emin, anggur emin, minyak e zaitun e’gen a’bosu emin, wokhentaik o. Asogo wokhontoluk, aphwami ena’gul onuk muat a’ge en onogola mi-miarak honoboluk eida honobogu lemagoluk takhenebegi ano, pobuk asogo takhenebaik modok erlak o.
20Ye, is ho’bukhak o ik eraluk hegit en esan pulholuk wegesa a’ge ai, his hene’bek en silogo perakpaik o. Asogo perakpasulat, logon o leimu e’gela erlakma modok ’bukmu eba perakpasulat, esan naduk waga a’ge ai, ik laut ye’gelak mo liplau wago hegit perakpasulat, esan logolak pobuk ene’berlik wegesa a’ge ai, ik laut ye’gelak mo obuk oso hegit perakpasulat, tik o. Is en his modok wiagap henebegisa ai en, an en is enebe asogo peragonoboma, waragaiam, ene’ben modok wiak a’ge libagalat, sang eselat, tua ai o,” oluk mo’gulentesi.
21-22Asogo mo’gulentesirik, ’gwiang emin, wam emin, tue ’baik, mene emin, enemin aphwami mo’gulontogwi ai ’gela’ge, mo’gulentasulat, disogo mo’gulentesi,
“Hat ’gwiang yu, an ’gain Nonuk Logo a’ge en loksogoat obaphebegis ai en e, hogorlok erlak o. Hogola hagai hasulat, erliktagalat, taga lomup o. Ye, his wam, sue, ’baik, mene, his henagan e’gela o leimu moli op modok agalat, di e yu e, e’gen a’bik eselat, anggur emin, e ara emin, e’gen a’bik eselat, tegei ai en e, henede yamuksogo wolomup o,” oluk mo’gulentesi.
23Asogo mo’gulentesirik, aphwami disogo mo’gulentesi,
“His aphwami o Sion a’ge yu, an henaik Allah ’gain Nonuk Logo a’ge nebabut op en obaphenebegis ai en e, honogola henagai hogulat, erlikhorlogulat, togu lemis o. Asogo wiak agarikmu en ologun pam mo ’bisokhwe moru nasu ano a’ge elitsogo wokhentegis o. Moru mo ’bisokhwe nasu a’ge emin, ligagokhwe nasu a’ge emin, naduk wokhentasu legi ai ’gela’ge wokhentegis o. 24Pobuk gandum e’gen sagalogumu eba loropsogo yagasogo pagup o. Ye, anggur e’gen emin, e zaitun e’gen emin, sagalogo a’bosu ’berelogwiam lorop otluk emde horluksogo libema o. 25An en is di ho’bukhak yu ho’bukhak ai, yo’go poluk perakpou wegimu, is en di tahun yu tahun hena’ge di a’ge yu a’ge owi yogo a’ge e’gen wiagaregisa a’ge ai, ebalema wokhontoma di tahun yu tahun at welat, op no’gu lorogup o. 26His pobuk e, honso’boru ebam louksogo honogum ningsogo no’gu lorogup o. An henaik ’gain Nonuk Logo a’ge Allah en his henebaget elalin a’ge a’bik tegis ai en, an erliknobogu lema o. Aphwami logon en neiyagai eniak esegen wokho yakhontogu legesa ano, pobuk mo’gulhontogu lema erlak o. 27Asogo takhonobogwiam, his en e,
Nenaik ’gain Onuk Logo a’ge Allah emategat o. Muat mesik modok erlak o. At ebe nis nene’gerlakma oruak o, oluk pobi togu lomup o. An neiyagai pobuk hene’gerli worua modok erlak o,” oluk mo’gulentesi.
Nenaik ’gain Onuk Logo a’ge owi dakha ua wene
28Asogo mo’gulentesirik, mesik disogo egei,
“Asogo lai lotlukmu en an nowi ai dakha osoam e, an Narogun loksogo aphwami ’berlegat enebam ’belagonobou weik o. Asogo ’belabagonobou agoam e, eneiyagai ap emin, hwelani emin, enemin en an niak mo’gulontogu lema o. Ye, enarlue a’ge enabi hogulat, ap souwe enabi ’gela’ge hogulat, togu lemayat o. 29O eria hegit e, an neragam a’ge, ap emin, hwami emin, an Narogun loksogo ene’bek ’belabagonobou weigat o. 30Eria hegit e, ’bogorl pam emin, ’gwiangma emin, an en elalin a’ge a’bik tak paik o. Asogo takpasuam, mep ’gela’ge agalat, odouk magale agalat, hobu a’bik ligagalat, 31#Mat. 24:29; Mrk. 13:24,25; Luk. 21:25; Wah. 6:12,13o mo hik eselat, dugwi orogole mep ’gela’ge agalat, tua o. Asogo ’berlegat lai louwa ai re, an henaik nowi logo onogorlok a’ge dakha ua ai, owan we dakha u erlak oruakhwe naduk-nadugat ema ai o. 32#Per. 2:17-21#Rom. 10:13Asogo a’geat de, sa en an henaik ’gain Nonuk Logo a’ge nonuk ’balua a’ge nagat ’berlegat an en delenebik o. An henaik ’gain Nonuk Logo a’ge en eselat e,
An neiyagai ado enelaluk welema a’ge poligenebegi a’ge nak, o Yerusalem dom Sion pam oruakma delenebik o,” oluk egei.
Currently Selected:
Yoel 2: Wul
Highlight
Copy
Compare
Share
Want to have your highlights saved across all your devices? Sign up or sign in
Yoel 2
2
Nenaik ’gain Onuk Logo a’ge owi dakha ua ai paget eberak welemagoluk mo’gulentesi wene
1“Waronobua a’ge wegesema, oluk enede we’gerlogo eniak me’gin-mo’gu a’ge ele’gwe en hogwiam iak oso ai ’gela’ge, Nenaik ’gain Onuk Logo a’ge owi dakha ua ano horogat lau wagama o. Arat dakha ua ai en e, nenaik Allah odom Sion ebe welagoma eba en ’bi’gong iak lok a’ge inghomup o. Asogo inghasuam, his aphwami o Yehuda welegep a’ge honuak erlik ogup ani o. 2O eria pam e, modok hup hik-haktak a’ge dakha eselat, modok hiktak a’ge sebelua o. Ap tentara esan pulogo wagai ai ’gela’ge, is ho’bukhak ai o hena dom petne sebelogo wago ai ’gela’ge wegesa. Wene asogo lai laga ai ’gela’ge mesik agokhwe hogu lege modok erlak a’ge o. Ye, pobuk mesik lai lasuam hogu lomul modok erlagat a’ge aga ai o.
3Ho’bukhak ai orogole di e’gela yu e’gela lei nasu ’gela’ge, nil lasulat, oyuk pam, odouk en di a’ge yu a’ge wialiso ai ’gela’ge lopungsogo ligagalat tago ai o. O yema is ho’bukhak en wiagap po erlakma nadugat e, Nenaik ’gain Onuk Logo a’ge iabuk o Eden ’gela’ge welaga a’ge ano pobuk ho’bukhak en wiagap pesirikmu en e, o leimu ’gwiang ’bukmu a’bosu modok erlak welago ai ’gela’ge lai laga ai o. Aphwami ’boloksogo mesik libom erlakma en perlengsogo waronobogwi ai ’gela’ge, is en di a’ge yu a’ge owi yogo a’ge mesik ukpo erlakma en ’berlegat wiagap pegesa o. 4#Wah. 9:7-9Is enebe re, wam kuda ’gela’ge a’ge re, dasogo lagaiam e, wam kuda weim obogulat, ’golokho lasu ’gela’ge. 5Ye, is enebe re, o dom petne da ’golek ya ’golek lagaiam e, enagapsaburl o’borlogouk e, ’gwiangso ’gela’ge weim obogulat woluk lagaiam oyuk o’borlogouk oso ai ’gela’ge. Onoyuk o’borlogouk e, lei nasulat odouk magale o’borlogouk polung-polung oso ai ’gela’ge. Is enebe logolak oruakma re, ap tentara enanni wiak a’ge weim obuogoluk sinalogo ’gogwi ai ’gela’ge.
6Is enebe aphwami enebe hegit wagaiam e, aphwami enarogun loluk e, onorogole erlak ago yo. 7Is en ap tentara onosi enebabut heberlak a’ge en weim obuogoluk pungtak lagai ai ’gela’ge, lagalat, is en tentara enebe leget pakleget siatle pam ligotluk tuganogo ’gogwi ’gela’ge ’gogulat, togulat, enebe esan logolak onorogole hegit lagalat, enepe ’gwani ogulat, enebe hegil agalat, togwi modok erlak o. 8Is ebela louwogoluk lagalat e, mesik pela’gogo hwigontogulat lo erlakma en ene’gebela lo’bok hegit-hegit lagai o. Is a’golukwiaksogo logologo lagalat e, leget pakleget aphwami eneselei a’ge en waronobo ’guma no oluk ’gagalak welagaimu ’bekhirat ’gogwiam, is ene’gebela ’balu mia o. 9Is enebe o kota pulholuk ’gu egesarik, leget pakleget werikmu siatle petne lagai. Asogo loluk e, enebe o hebat petne ligagalat, aphwami en yogorlia wouwogoluk jendela emde ’belak o’gwe en ’gu agai ’gela’ge ’gu agai o.
10 #
Wah. 8:12
Asogo ’gu agalat wagaimu, ’gwiang o’borlogouk eselat, ’bogorl o’borlogouk eselat, tago yo. Asogo tagoam, mo emin, dugwi emin, hik eselat, hwesagal yoru erlakma en mo eselat, tisoat o. 11#Wah. 6:17Allah osi at iak hologo weim obogwi a’ge enanni modok a’bik enebe ene’gik wenaru modok mia a’ge en obogukhwe, Allah en iak orlolu iak oso ’gela’ge,
Disogo tip, asogo tip, oluk mo’gulentasuam togwi o. Asogoat Nenaik ’gain Onuk Logo a’ge owi dakha ua ai, modok onogorlok a’ge dakha ua o. Asogo dakha osoam, aphwami logon en onogorlok erlak, enede ’buk welema modok erlak o,” oluk mo’gulentegis.
Enebabut heberlemagoluk mo’gulentesi wene
12Asogo mo’gulentegismu, at Nenaik ’gain Onuk Logo a’ge en e, disogo egei,
“Asogo a’geat de, yogodak henede pam en togolik ne’bek manis o. Asogo wagalat e, so’boru no erlakma en se’banat ogulat, ngi togwi nge togwi, togu lemis o. 13His en e,
Nis wiak togu lege ai nebit e, oluk honosum ’buktak a’ge derlep tu erlakma en, we, henede wathorlomup o,” oluk mo’gulentesi. Asogo mo’gulentesimu, an en e, disogo mo’gulentegis,
“Nenaik ’gain Allah Onuk Logo a’ge ebabut op en e, edeap enebiselat, ebam haro perleneat ligom pukmu en epe mosogo welat, ede hwedik modok welat, wene wiak a’ge enebam pasu erlak wiak togwi a’ge sebelogo ukpasulat, tago ai en e, henede asogo wathorloluk, henebe henebabut heberlogoat wogomup o. 14Henaik ’gain Onuk Logo a’ge Allah re, wene henebam paigoluk ede eberegei a’ge ukpoluk, pobuk ede muat ebetholuk, loksogo obap honobo a’ge wolom o. Asogo obaphenebasu holuk, his en anggur emin, gandum emin, at ebaget elit po a’ge ema o.
15Henebe mesikmu odoktak poluk, so’boru no erlak welat, Allah yo’go pogu lorogup en e, dom Sion Allah odom pam eba en ’bi’gong iak lok a’ge ingholuk yo’go pomup o. 16Aphwami ’berlegat odogonobogulat, Allah paget degelonobogulat, tit o. Enarlue a’ge odogonobogulat, malik emin, malik pou agamu no’gwi a’ge emin, odogonobogulat, togulat e, ap is onugwami ’gerat wogentigisa a’ge onowi pam ugonoboluk wagalat, hwami onogunlak ’get hwerlegesa a’ge onowi pam nogogumu ugonoboluk wagalat, tuagat o. 17Is at Allah eiyeat Nenaik ’gain Onuk Logo a’ge paget togwi a’ge, enebe wam, di a’ge yu a’ge Allah paget wusogo narlik obogumu ho’gorlakma, o sorlo’bonma ho’gorlakma eba en nge tuak o. Asogo nge togulat, disogo uak,
Allah ’gain Honuk Logo a’ge, naik. Heiyagai hedeap nenebin o, naik. Aphwami ena’gul onuk lo’bok logon en heiyagai pulenebigen a’ge ai ena’gul onuk wiagapsogo eniak esegen wogontogulat e,
Israel a’ge enaik Allah ebe ’geba oruak no? oluk ogu lema no oluk en e, hat en is wiak emagoluk enebe ugenebagun no yo, naik o,” oluk yo’go pou wagoluk mo’gulentegis.
Allah en aphwami Israel a’ge onowi obap pesi wene
18Asogo mo’gulentegismu re, Nenaik ’gain Onuk Logo a’ge en eiyagai edeap enebegeitik e, onowi pam ’gwiang eba obap paigoluk epesi. 19Asogo epesirik disogo mo’gulentesi,
“An en yogodak his honogum ningsogo no’gu lemagoluk, gandum emin, anggur emin, minyak e zaitun e’gen a’bosu emin, wokhentaik o. Asogo wokhontoluk, aphwami ena’gul onuk muat a’ge en onogola mi-miarak honoboluk eida honobogu lemagoluk takhenebegi ano, pobuk asogo takhenebaik modok erlak o.
20Ye, is ho’bukhak o ik eraluk hegit en esan pulholuk wegesa a’ge ai, his hene’bek en silogo perakpaik o. Asogo perakpasulat, logon o leimu e’gela erlakma modok ’bukmu eba perakpasulat, esan naduk waga a’ge ai, ik laut ye’gelak mo liplau wago hegit perakpasulat, esan logolak pobuk ene’berlik wegesa a’ge ai, ik laut ye’gelak mo obuk oso hegit perakpasulat, tik o. Is en his modok wiagap henebegisa ai en, an en is enebe asogo peragonoboma, waragaiam, ene’ben modok wiak a’ge libagalat, sang eselat, tua ai o,” oluk mo’gulentesi.
21-22Asogo mo’gulentesirik, ’gwiang emin, wam emin, tue ’baik, mene emin, enemin aphwami mo’gulontogwi ai ’gela’ge, mo’gulentasulat, disogo mo’gulentesi,
“Hat ’gwiang yu, an ’gain Nonuk Logo a’ge en loksogoat obaphebegis ai en e, hogorlok erlak o. Hogola hagai hasulat, erliktagalat, taga lomup o. Ye, his wam, sue, ’baik, mene, his henagan e’gela o leimu moli op modok agalat, di e yu e, e’gen a’bik eselat, anggur emin, e ara emin, e’gen a’bik eselat, tegei ai en e, henede yamuksogo wolomup o,” oluk mo’gulentesi.
23Asogo mo’gulentesirik, aphwami disogo mo’gulentesi,
“His aphwami o Sion a’ge yu, an henaik Allah ’gain Nonuk Logo a’ge nebabut op en obaphenebegis ai en e, honogola henagai hogulat, erlikhorlogulat, togu lemis o. Asogo wiak agarikmu en ologun pam mo ’bisokhwe moru nasu ano a’ge elitsogo wokhentegis o. Moru mo ’bisokhwe nasu a’ge emin, ligagokhwe nasu a’ge emin, naduk wokhentasu legi ai ’gela’ge wokhentegis o. 24Pobuk gandum e’gen sagalogumu eba loropsogo yagasogo pagup o. Ye, anggur e’gen emin, e zaitun e’gen emin, sagalogo a’bosu ’berelogwiam lorop otluk emde horluksogo libema o. 25An en is di ho’bukhak yu ho’bukhak ai, yo’go poluk perakpou wegimu, is en di tahun yu tahun hena’ge di a’ge yu a’ge owi yogo a’ge e’gen wiagaregisa a’ge ai, ebalema wokhontoma di tahun yu tahun at welat, op no’gu lorogup o. 26His pobuk e, honso’boru ebam louksogo honogum ningsogo no’gu lorogup o. An henaik ’gain Nonuk Logo a’ge Allah en his henebaget elalin a’ge a’bik tegis ai en, an erliknobogu lema o. Aphwami logon en neiyagai eniak esegen wokho yakhontogu legesa ano, pobuk mo’gulhontogu lema erlak o. 27Asogo takhonobogwiam, his en e,
Nenaik ’gain Onuk Logo a’ge Allah emategat o. Muat mesik modok erlak o. At ebe nis nene’gerlakma oruak o, oluk pobi togu lomup o. An neiyagai pobuk hene’gerli worua modok erlak o,” oluk mo’gulentesi.
Nenaik ’gain Onuk Logo a’ge owi dakha ua wene
28Asogo mo’gulentesirik, mesik disogo egei,
“Asogo lai lotlukmu en an nowi ai dakha osoam e, an Narogun loksogo aphwami ’berlegat enebam ’belagonobou weik o. Asogo ’belabagonobou agoam e, eneiyagai ap emin, hwelani emin, enemin en an niak mo’gulontogu lema o. Ye, enarlue a’ge enabi hogulat, ap souwe enabi ’gela’ge hogulat, togu lemayat o. 29O eria hegit e, an neragam a’ge, ap emin, hwami emin, an Narogun loksogo ene’bek ’belabagonobou weigat o. 30Eria hegit e, ’bogorl pam emin, ’gwiangma emin, an en elalin a’ge a’bik tak paik o. Asogo takpasuam, mep ’gela’ge agalat, odouk magale agalat, hobu a’bik ligagalat, 31#Mat. 24:29; Mrk. 13:24,25; Luk. 21:25; Wah. 6:12,13o mo hik eselat, dugwi orogole mep ’gela’ge agalat, tua o. Asogo ’berlegat lai louwa ai re, an henaik nowi logo onogorlok a’ge dakha ua ai, owan we dakha u erlak oruakhwe naduk-nadugat ema ai o. 32#Per. 2:17-21#Rom. 10:13Asogo a’geat de, sa en an henaik ’gain Nonuk Logo a’ge nonuk ’balua a’ge nagat ’berlegat an en delenebik o. An henaik ’gain Nonuk Logo a’ge en eselat e,
An neiyagai ado enelaluk welema a’ge poligenebegi a’ge nak, o Yerusalem dom Sion pam oruakma delenebik o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in