Yoel 3
3
Allah en aphwami ena’gul onuk lo’bok wene enebam pasulat, no’gorliselat, tua wene
1At Nenaik ’gain Onuk Logo a’ge en asogo egeitik mesik disogo egei,
“O eria hegit e, aphwami Yerusalem a’ge emin, Yehuda a’ge emin, nadugat op welegesa ai ’gela’ge, pobuk obap onoboma welema. 2-3Asogo tagenebasulat e, aphwami ena’gul onuk lo’bok ’berlegat an en odoksogo onoboluk e, o do’goma onuk Yosafat wene enebam paikmu eba wogonoboluk laik o. Asogo wogonoboluk loluk, an neiyagai Israel a’ge o da ya ’bogulogo peragenebegesarik eniabuk ’berlegat so’busogo hwerlegesa. Asogo togulat, is en eneragam a’ge emagaluk, an neiyagai tenagonoboluk,
Sa welema, oluk, helep e’gen enede we’gerlogo hwikhai lagalat, hwikhau wagalat toluk en, onot souwe a’ge mesik ebam e, o’go uang is logon enebam horloluk, uang ai hwami ’babi tenontogu lomogoluk pogulat, ye, enagalogo hwelani a’ge mesik agoam, o’go uang is logon enebam horloluk, uang ai anggur a’bosu paget o’go wouwogoluk pogulat, tigisayat. Asogo tigisa ai paget wene enebam paik o.
4 #
Yes. 23:1-18; Yeh. 26:1–28:26; Amo. 1:9,10; Zak. 9:1-4; Mat. 11:21,22; Luk. 10:13,14 #
Yes. 14:29-31; Yer. 47:1-7; Yeh. 25:15-17; Amo. 1:6-8; Zef. 2:4-7; Zak. 9:5-7 His aphwami Tirus a’ge emin, Sidon a’ge emin, aphwami o Filistin da ya welagai a’ge ’berlegat emin, henemin en e, an no’gosogo taknobouwogoluk ogu legep. An en mesik wiagap henebise legi a’ge wene e’gen nebam poluk welegeptik o’go houwogoluk a? His en an disogo asogo mesik taknebagup holuk e, an en his honu’gwarek henebabut tigep a’ge ai, wene henebam poluk o’go lagaksogo hisat perlene wiagap henebik o. 5His en an na’ge emas emin, perak emin, di a’ge yu a’ge logon o’go a’bik a’ge emin, hene’gik abusak woluk legeptik honodogwi henasua owi werikmu at ebaget togu legepma pagathorlogulat, 6ye, aphwami Yehuda a’ge emin, Yerusalem a’ge emin, enemin e, is onowi pam ukpoluk walekma loluk welemagoluk epegeptik e, aphwami Yunani a’ge enebam o’go wogulat, tigep ai o. 7An en is enebe his en o’go wegepma welagai o’gwe lo’bok en odogonobogulat, his henebabut wiak tagenebegep ai o’go lagaksogo honu’gwaregat wiagap henebiselat, tik o. 8An en his heneiyagai logomalik emin, honogulani emin, aphwami Yehuda a’ge en o’go ’baluagoluk enebam o’go waik o. Asogo waikmu, is en e, aphwami o Syeba walekma eba a’ge enebam o’go wouwa o, oluk an ’gain Nonuk Logo a’ge en arat egi o.
9Wene yu, aphwami ena’gul onuk lo’bok holuagoluk lebikpasulat e, disogo ip,
Weim obuogoluk degelogo poluk, ap tentara enanni wiak a’ge odogonobogulat, onosi e’garagun ’berlegat wemagoluk worlontogulat, toluk e, weim sinalogo manis o. 10#Yes. 2:4; Mik. 4:3Yabuk wa’gun yabuk wogu legep a’ge ai ’garok weim obu a’ge hele’gugulat, ’bisok di a’ge yu a’ge emining ’balogu legep a’ge ai, wa’gun hele’gugulat, tip o. Ye, is ap logon enanni erlak a’ge en e,
An nebe tentara ’gela’ge nanni wiagat o, oluk uagat. 11His ap tentara hena’gul onuk lo’bok o di owi yu owi erabu en, orogobu en, etleba en, yema en, weim obuogoluk o do’goma eba porlo odoktu manup o, oluk mo’gulontomup o,” oluk egei.
Asogo egeimu, is en mo’gulontogwiam, is ai enebe wagaiam, an en e,
Naik ’gain Honuk Logo a’ge, naik. Hosi tentara a’ge is enemin weim obuagoluk, peragenebi suk o, naik, oluk ik o.
12At Nenaik ’gain Onuk Logo a’ge en pobuk mesik disogo egeiyat,
“An nebe hweriogo welat, aphwami ena’gul onuk lo’bok neiyagai eneragam o’gwe o da ya likho’gwe opma’gwe etleba akhit yema akhit welagai a’ge eba, an en wene enebam paigoluk eba weleik ai en e, enebe pulholuk weim sinalogo o do’goma eba wemak o. 13#Wah. 14:14-16,19-20; 19:15Is aphwami ai enebabut modok wiak a’bik togwi ai en e, owi yogo a’ge e’gen arat hurle agoam ’balogwi ai ’gela’ge, ’garok woluk warenebi lak o. Ye, anggur e’gen sagalogwi ebano sagalogumu, a’bosu na’gogo emde lorop oso ai ’gela’ge, enebe lologunsogo warenebip o. 14An ’gain Nonuk Logo a’ge nowi perleneat dakha ua ai en e, aphwami di deng yu deng ene’gik wenaru modok mia a’ge, o degelonobuama eba oruak o. 15Mo emin, dugwi emin, hik eselat, hwesagal yoru erlakma en mo eselat, tua o,” oluk egei.
Allah en eiyagai obap onobua wene
16 #
Amo. 1:2
Nenaik ’gain Onuk Logo a’ge ebe odom Sion pam welat, iak hum eselat, o Yerusalem welat, iak orlolu iak ’gela’ge eselat, tua o. Asogo osoam, ’bogorl, ’gwiang o’borlogouk lebe-leba ua o. Asogo o’borlogouk ua a’geat de, Nenaik ’gain Onuk Logo a’ge ebe eiyagai Israel oruak o’gwe otluk eragam onobua o. 17Asogo eragam onobua ai paget, at en e, disogo oso,
“His Israel a’ge yu. His en e,
Nenaik ’gain Allah Onuk Logo a’ge re, arat o, oluk pobi nobogup ani o. An nebe nodom Sion pam weleik o. Ye, Yerusalem an nu’gwarek nowi kota at ema o. Asogo agoam, aphwami ena’gul onuk mu a’ge pobuk sebelo ’gogu lema modok erlak o.
18O eria hegit e, o dom petne ’berlegat e, anggur e’gen a’bosu a’bigat agalat, duk petne en sapi agamu a’bosu ’buma o. Aphwami Yehuda a’ge enegeik ’berlegat deng u erlakma en, modok welema o. Ye, ik mesik an henaik ’gain Nonuk Logo a’ge nowi werikmu en eraluk ’gulogo o Akasia do’goma eba lasulat, ’gwiang opsogo sakho hasu lema o.
19Asogo a’geat de, is Mesir a’ge en emin, Edom a’ge en emin, enemin en, aphwami Yehuda a’ge wiak tu erlakma en, onowi pam eba oruakma enemep enamogo warenebigisa ai en, o Mesir o leimu ’gwiang a’bosu modok erlak ’bukmu ’gela’ge agalat, o Edom lei asu ’belak modok agoam, aphwami enebe wolom a’ge erlak agalat, tua o. 20-21An neiyagai warenebigisa a’ge ai ena’gulmu apware logon ugonobo erlakma en, warenebik o. Asogo a’geat de, aphwami Yehuda a’ge emin, Yerusalem a’ge emin, onowi pam eba poluk om erlakma en, enebe welema nak o. Ye, an nebe nodom Sion pam modok weleigat o,” oluk egei.
Currently Selected:
Yoel 3: Wul
Highlight
Copy
Compare
Share
Want to have your highlights saved across all your devices? Sign up or sign in
Yoel 3
3
Allah en aphwami ena’gul onuk lo’bok wene enebam pasulat, no’gorliselat, tua wene
1At Nenaik ’gain Onuk Logo a’ge en asogo egeitik mesik disogo egei,
“O eria hegit e, aphwami Yerusalem a’ge emin, Yehuda a’ge emin, nadugat op welegesa ai ’gela’ge, pobuk obap onoboma welema. 2-3Asogo tagenebasulat e, aphwami ena’gul onuk lo’bok ’berlegat an en odoksogo onoboluk e, o do’goma onuk Yosafat wene enebam paikmu eba wogonoboluk laik o. Asogo wogonoboluk loluk, an neiyagai Israel a’ge o da ya ’bogulogo peragenebegesarik eniabuk ’berlegat so’busogo hwerlegesa. Asogo togulat, is en eneragam a’ge emagaluk, an neiyagai tenagonoboluk,
Sa welema, oluk, helep e’gen enede we’gerlogo hwikhai lagalat, hwikhau wagalat toluk en, onot souwe a’ge mesik ebam e, o’go uang is logon enebam horloluk, uang ai hwami ’babi tenontogu lomogoluk pogulat, ye, enagalogo hwelani a’ge mesik agoam, o’go uang is logon enebam horloluk, uang ai anggur a’bosu paget o’go wouwogoluk pogulat, tigisayat. Asogo tigisa ai paget wene enebam paik o.
4 #
Yes. 23:1-18; Yeh. 26:1–28:26; Amo. 1:9,10; Zak. 9:1-4; Mat. 11:21,22; Luk. 10:13,14 #
Yes. 14:29-31; Yer. 47:1-7; Yeh. 25:15-17; Amo. 1:6-8; Zef. 2:4-7; Zak. 9:5-7 His aphwami Tirus a’ge emin, Sidon a’ge emin, aphwami o Filistin da ya welagai a’ge ’berlegat emin, henemin en e, an no’gosogo taknobouwogoluk ogu legep. An en mesik wiagap henebise legi a’ge wene e’gen nebam poluk welegeptik o’go houwogoluk a? His en an disogo asogo mesik taknebagup holuk e, an en his honu’gwarek henebabut tigep a’ge ai, wene henebam poluk o’go lagaksogo hisat perlene wiagap henebik o. 5His en an na’ge emas emin, perak emin, di a’ge yu a’ge logon o’go a’bik a’ge emin, hene’gik abusak woluk legeptik honodogwi henasua owi werikmu at ebaget togu legepma pagathorlogulat, 6ye, aphwami Yehuda a’ge emin, Yerusalem a’ge emin, enemin e, is onowi pam ukpoluk walekma loluk welemagoluk epegeptik e, aphwami Yunani a’ge enebam o’go wogulat, tigep ai o. 7An en is enebe his en o’go wegepma welagai o’gwe lo’bok en odogonobogulat, his henebabut wiak tagenebegep ai o’go lagaksogo honu’gwaregat wiagap henebiselat, tik o. 8An en his heneiyagai logomalik emin, honogulani emin, aphwami Yehuda a’ge en o’go ’baluagoluk enebam o’go waik o. Asogo waikmu, is en e, aphwami o Syeba walekma eba a’ge enebam o’go wouwa o, oluk an ’gain Nonuk Logo a’ge en arat egi o.
9Wene yu, aphwami ena’gul onuk lo’bok holuagoluk lebikpasulat e, disogo ip,
Weim obuogoluk degelogo poluk, ap tentara enanni wiak a’ge odogonobogulat, onosi e’garagun ’berlegat wemagoluk worlontogulat, toluk e, weim sinalogo manis o. 10#Yes. 2:4; Mik. 4:3Yabuk wa’gun yabuk wogu legep a’ge ai ’garok weim obu a’ge hele’gugulat, ’bisok di a’ge yu a’ge emining ’balogu legep a’ge ai, wa’gun hele’gugulat, tip o. Ye, is ap logon enanni erlak a’ge en e,
An nebe tentara ’gela’ge nanni wiagat o, oluk uagat. 11His ap tentara hena’gul onuk lo’bok o di owi yu owi erabu en, orogobu en, etleba en, yema en, weim obuogoluk o do’goma eba porlo odoktu manup o, oluk mo’gulontomup o,” oluk egei.
Asogo egeimu, is en mo’gulontogwiam, is ai enebe wagaiam, an en e,
Naik ’gain Honuk Logo a’ge, naik. Hosi tentara a’ge is enemin weim obuagoluk, peragenebi suk o, naik, oluk ik o.
12At Nenaik ’gain Onuk Logo a’ge en pobuk mesik disogo egeiyat,
“An nebe hweriogo welat, aphwami ena’gul onuk lo’bok neiyagai eneragam o’gwe o da ya likho’gwe opma’gwe etleba akhit yema akhit welagai a’ge eba, an en wene enebam paigoluk eba weleik ai en e, enebe pulholuk weim sinalogo o do’goma eba wemak o. 13#Wah. 14:14-16,19-20; 19:15Is aphwami ai enebabut modok wiak a’bik togwi ai en e, owi yogo a’ge e’gen arat hurle agoam ’balogwi ai ’gela’ge, ’garok woluk warenebi lak o. Ye, anggur e’gen sagalogwi ebano sagalogumu, a’bosu na’gogo emde lorop oso ai ’gela’ge, enebe lologunsogo warenebip o. 14An ’gain Nonuk Logo a’ge nowi perleneat dakha ua ai en e, aphwami di deng yu deng ene’gik wenaru modok mia a’ge, o degelonobuama eba oruak o. 15Mo emin, dugwi emin, hik eselat, hwesagal yoru erlakma en mo eselat, tua o,” oluk egei.
Allah en eiyagai obap onobua wene
16 #
Amo. 1:2
Nenaik ’gain Onuk Logo a’ge ebe odom Sion pam welat, iak hum eselat, o Yerusalem welat, iak orlolu iak ’gela’ge eselat, tua o. Asogo osoam, ’bogorl, ’gwiang o’borlogouk lebe-leba ua o. Asogo o’borlogouk ua a’geat de, Nenaik ’gain Onuk Logo a’ge ebe eiyagai Israel oruak o’gwe otluk eragam onobua o. 17Asogo eragam onobua ai paget, at en e, disogo oso,
“His Israel a’ge yu. His en e,
Nenaik ’gain Allah Onuk Logo a’ge re, arat o, oluk pobi nobogup ani o. An nebe nodom Sion pam weleik o. Ye, Yerusalem an nu’gwarek nowi kota at ema o. Asogo agoam, aphwami ena’gul onuk mu a’ge pobuk sebelo ’gogu lema modok erlak o.
18O eria hegit e, o dom petne ’berlegat e, anggur e’gen a’bosu a’bigat agalat, duk petne en sapi agamu a’bosu ’buma o. Aphwami Yehuda a’ge enegeik ’berlegat deng u erlakma en, modok welema o. Ye, ik mesik an henaik ’gain Nonuk Logo a’ge nowi werikmu en eraluk ’gulogo o Akasia do’goma eba lasulat, ’gwiang opsogo sakho hasu lema o.
19Asogo a’geat de, is Mesir a’ge en emin, Edom a’ge en emin, enemin en, aphwami Yehuda a’ge wiak tu erlakma en, onowi pam eba oruakma enemep enamogo warenebigisa ai en, o Mesir o leimu ’gwiang a’bosu modok erlak ’bukmu ’gela’ge agalat, o Edom lei asu ’belak modok agoam, aphwami enebe wolom a’ge erlak agalat, tua o. 20-21An neiyagai warenebigisa a’ge ai ena’gulmu apware logon ugonobo erlakma en, warenebik o. Asogo a’geat de, aphwami Yehuda a’ge emin, Yerusalem a’ge emin, onowi pam eba poluk om erlakma en, enebe welema nak o. Ye, an nebe nodom Sion pam modok weleigat o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in