Yoel 1
1
1Nenaik ’gain Onuk Logo a’ge en iak ap Petuel omlogo Yoel en mo’gulontuagoluk ebam pesi re, yu.
Aphwami Israel a’ge eniabukmu yogo a’ge ho’bukhak en ne’geimu enede modok ’gorlo aga wene
2Asogo ebam pasulat disogo mo’gulesi,
“His aphwami Yehuda a’ge ’berlegat emin, honuelak yu emin, henesa’go daintak poluk, henesa’go opsogo hwelip o. His welegep eria pam disogo mesik aga no? Ye, hene’balak welegesa eria pam mesik lai laga no? 3Wene lai laga a’ge ai, his heneiyagai en is en dagonobua a’ge hene’balak mo’gulontogu lemagoluk e, ’beli’gogo mo’gulontogu lomup o. Asogo mo’gulontogwiam enaluk welat, is en pobuk eneiyagai dagetil laga lema a’ge wene ai mo’gulentil modok laga lemak o.
4Ho’bukhak lang’bal holuk ene’gik wenaru modok mia a’ge yabukmu di a’ge yu a’ge yogo a’ge pam lo’bok oluk, nil laga ai o. Is ho’bukhak naduk a’ge ai en ado nasuam e, ho’bukhak pobuk logon lang’bal holuk wotluk nasulat, is ai en ado pasuam, pobuk nin logon wotluk nasulat, is ai en ado pasuam, pobuk nin logon wotluk nasulat, modok perlengsogo ne’gesa ai o.
5His aphwami ik anggur a’bosu a’bik noluk honuk-honuk togu legep a’ge yu, anggur a’bosu ’get a’ge henemdema en delegisa ai en e, henebe siaksogo inotluk, nge togu lemis o. 6#Wah. 9:8Ho’bukhak en, ap tentara esan logolak waronobuogoluk wagai ’gela’ge, nonowi wiagaruogoluk arat pulholuk wegesa ai o. Is enebe modok a’bik, ene’gik wenaru modok mia, enanni modok a’bigat. Is eniak e, e’gat modok ’gabelik, singa iak ’gela’ge. 7Is ho’bukhak ai en e, nis en a’ge anggur edip modok erlagap pogulat, e ara edip atok nak ukpogulat, tigisarik, agap e’gen wokhegeik modok ne’gesema, modok eterle wayo egei o.
8Holuk e, hwelani dogum a’ge onogunlak en e ’gelogumu enede hwedik a’ge enebe waragaiam enede wiak otluk, enebaget enede en nge a’bik togwi ai ’gela’ge, nge togu lemis o. 9Gandum emin, anggur emin, Nenaik ’gain Onuk Logo a’ge owi werikmu onobo a’ge modok erlak aga ai o. Holuk e, his ap Allah eiye welat, at ebaget togu legep a’ge yu, aphwami waragaiam pong worogwi ai ’gela’ge, nge togu lemis o. 10Gandum wiak agalat, anggur edip ’buk agalat, e zaitun e’gen minyak a’bosu arat erlak agalat, tegei ai en e, yabuk wiak agama ’gwiang ede wiak agarik aphwami waragaiam pong worogwi ai ’gela’ge, nge tiso yo.
11 Gandum emin, jelai emin, yabukmu yogo a’ge e’gen ’balu a’ge modok erlak aga ai en, his aphwami yabuk wogu legep a’ge emin, anggur yabukmu emining ’balogu legep a’ge emin, ngi togwi nge togwi togu lemis o. 12Nis en a’ge anggur herle edip emin, e ara emin, delima emin, kurma emin, apel emin, yabukmu yogo a’ge edip modok sawet agalat, ’buk agalat tegeimu, aphwami ’berlegat onogola enagai ho erlakma en enede modok wiak aga ai o.
13His ap Allah eiye a’ge at ebaget togulat, wam, di a’ge yu a’ge at oboluk wogogu legep a’ge yu, anggur emin, gandum emin, Allah paget oboluk wogoum a’ge erlak aga ai en e, honosum ’garum a’ge ’buksogo re, nge togu lemis o. Nenaik ’gain Onuk Logo a’ge owi werikmu eba ’goluk hup-erlige nge togu lomogoluk ’gogu lomup o. 14Aphwami ’berlegat odoktak poluk, so’boru no erlakma en Allah yo’go pogu lemagoluk yo’go enebemin o. Yo’go onoboma, his aphwami Yehuda a’ge ’berlegat emin, honuelak enarlue emin, heneminat Allah owi werikmu wotluk, at en lethontuagoluk yo’go obogu lemis o. 15#Yes. 13:6O Nenaik ’gain Onuk Logo a’ge di a’ge yu a’ge tu nak a’ge ano en, modok wiagap pouwa erlige owi dakha ua ano horogat lau waga ai ’gesogo togup, henebe nede o.
16Nis nenilem nonso’boru modok erlak agalat, Nenaik ’gain Onuk Logo a’ge owi werikmu onogola enagai en weni worogwi a’ge modok erlagat agalat, tegeimu o. 17Di a’ge yu a’ge e’gen hwikhogwi a’ge ’gwiang a’bosu modok erlak en ’gwiangma wiak agama, gandum ebe ’balogo po modok erlak agama ebale pogumu weat oruakma modok wiak etil laga o. 18Di sapi, yu sapi ogola modok wiak welat, iak ’gwe oso ai o. O leimu e’gela is no a’ge modok erlak agama, domba oluk esan a’ge en no’gwi a’ge ebe modok mia ago yo,” oluk mo’gulentegis.
19Asogo mo’gulentegistik, Allah disogo mo’gulegis,
“’Gain Honuk Logo a’ge, naik o. Lei en nasuam e’gela erlak ago ’gela’ge, o leimu e’gela modok ’buk agalat, di e yu e ’berlegat erlak agalat, tegei ai en e, letnentemin o, oluk niak loksogo nerlagaiksogo mo’gulhegis ai o, naik. 20Ye, wam maro emin, ’baik emin, mene orlomene emin, e’gelema welago a’ge ogo re, hat en lerontuagoluk yo’go hobogwiat o, naik. Ik ’berlegat perek agalat, o leimu e’gela modok ’buk agalat, tegei ai en, yo’go hobogwi ai o,” oluk yo’go ebegi.
Currently Selected:
Yoel 1: Wul
Highlight
Copy
Compare
Share
Want to have your highlights saved across all your devices? Sign up or sign in
Yoel 1
1
1Nenaik ’gain Onuk Logo a’ge en iak ap Petuel omlogo Yoel en mo’gulontuagoluk ebam pesi re, yu.
Aphwami Israel a’ge eniabukmu yogo a’ge ho’bukhak en ne’geimu enede modok ’gorlo aga wene
2Asogo ebam pasulat disogo mo’gulesi,
“His aphwami Yehuda a’ge ’berlegat emin, honuelak yu emin, henesa’go daintak poluk, henesa’go opsogo hwelip o. His welegep eria pam disogo mesik aga no? Ye, hene’balak welegesa eria pam mesik lai laga no? 3Wene lai laga a’ge ai, his heneiyagai en is en dagonobua a’ge hene’balak mo’gulontogu lemagoluk e, ’beli’gogo mo’gulontogu lomup o. Asogo mo’gulontogwiam enaluk welat, is en pobuk eneiyagai dagetil laga lema a’ge wene ai mo’gulentil modok laga lemak o.
4Ho’bukhak lang’bal holuk ene’gik wenaru modok mia a’ge yabukmu di a’ge yu a’ge yogo a’ge pam lo’bok oluk, nil laga ai o. Is ho’bukhak naduk a’ge ai en ado nasuam e, ho’bukhak pobuk logon lang’bal holuk wotluk nasulat, is ai en ado pasuam, pobuk nin logon wotluk nasulat, is ai en ado pasuam, pobuk nin logon wotluk nasulat, modok perlengsogo ne’gesa ai o.
5His aphwami ik anggur a’bosu a’bik noluk honuk-honuk togu legep a’ge yu, anggur a’bosu ’get a’ge henemdema en delegisa ai en e, henebe siaksogo inotluk, nge togu lemis o. 6#Wah. 9:8Ho’bukhak en, ap tentara esan logolak waronobuogoluk wagai ’gela’ge, nonowi wiagaruogoluk arat pulholuk wegesa ai o. Is enebe modok a’bik, ene’gik wenaru modok mia, enanni modok a’bigat. Is eniak e, e’gat modok ’gabelik, singa iak ’gela’ge. 7Is ho’bukhak ai en e, nis en a’ge anggur edip modok erlagap pogulat, e ara edip atok nak ukpogulat, tigisarik, agap e’gen wokhegeik modok ne’gesema, modok eterle wayo egei o.
8Holuk e, hwelani dogum a’ge onogunlak en e ’gelogumu enede hwedik a’ge enebe waragaiam enede wiak otluk, enebaget enede en nge a’bik togwi ai ’gela’ge, nge togu lemis o. 9Gandum emin, anggur emin, Nenaik ’gain Onuk Logo a’ge owi werikmu onobo a’ge modok erlak aga ai o. Holuk e, his ap Allah eiye welat, at ebaget togu legep a’ge yu, aphwami waragaiam pong worogwi ai ’gela’ge, nge togu lemis o. 10Gandum wiak agalat, anggur edip ’buk agalat, e zaitun e’gen minyak a’bosu arat erlak agalat, tegei ai en e, yabuk wiak agama ’gwiang ede wiak agarik aphwami waragaiam pong worogwi ai ’gela’ge, nge tiso yo.
11 Gandum emin, jelai emin, yabukmu yogo a’ge e’gen ’balu a’ge modok erlak aga ai en, his aphwami yabuk wogu legep a’ge emin, anggur yabukmu emining ’balogu legep a’ge emin, ngi togwi nge togwi togu lemis o. 12Nis en a’ge anggur herle edip emin, e ara emin, delima emin, kurma emin, apel emin, yabukmu yogo a’ge edip modok sawet agalat, ’buk agalat tegeimu, aphwami ’berlegat onogola enagai ho erlakma en enede modok wiak aga ai o.
13His ap Allah eiye a’ge at ebaget togulat, wam, di a’ge yu a’ge at oboluk wogogu legep a’ge yu, anggur emin, gandum emin, Allah paget oboluk wogoum a’ge erlak aga ai en e, honosum ’garum a’ge ’buksogo re, nge togu lemis o. Nenaik ’gain Onuk Logo a’ge owi werikmu eba ’goluk hup-erlige nge togu lomogoluk ’gogu lomup o. 14Aphwami ’berlegat odoktak poluk, so’boru no erlakma en Allah yo’go pogu lemagoluk yo’go enebemin o. Yo’go onoboma, his aphwami Yehuda a’ge ’berlegat emin, honuelak enarlue emin, heneminat Allah owi werikmu wotluk, at en lethontuagoluk yo’go obogu lemis o. 15#Yes. 13:6O Nenaik ’gain Onuk Logo a’ge di a’ge yu a’ge tu nak a’ge ano en, modok wiagap pouwa erlige owi dakha ua ano horogat lau waga ai ’gesogo togup, henebe nede o.
16Nis nenilem nonso’boru modok erlak agalat, Nenaik ’gain Onuk Logo a’ge owi werikmu onogola enagai en weni worogwi a’ge modok erlagat agalat, tegeimu o. 17Di a’ge yu a’ge e’gen hwikhogwi a’ge ’gwiang a’bosu modok erlak en ’gwiangma wiak agama, gandum ebe ’balogo po modok erlak agama ebale pogumu weat oruakma modok wiak etil laga o. 18Di sapi, yu sapi ogola modok wiak welat, iak ’gwe oso ai o. O leimu e’gela is no a’ge modok erlak agama, domba oluk esan a’ge en no’gwi a’ge ebe modok mia ago yo,” oluk mo’gulentegis.
19Asogo mo’gulentegistik, Allah disogo mo’gulegis,
“’Gain Honuk Logo a’ge, naik o. Lei en nasuam e’gela erlak ago ’gela’ge, o leimu e’gela modok ’buk agalat, di e yu e ’berlegat erlak agalat, tegei ai en e, letnentemin o, oluk niak loksogo nerlagaiksogo mo’gulhegis ai o, naik. 20Ye, wam maro emin, ’baik emin, mene orlomene emin, e’gelema welago a’ge ogo re, hat en lerontuagoluk yo’go hobogwiat o, naik. Ik ’berlegat perek agalat, o leimu e’gela modok ’buk agalat, tegei ai en, yo’go hobogwi ai o,” oluk yo’go ebegi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in