Hosea 14
14
1“Is aphwami Samaria a’ge en, an uknoboluk enebirap nebegesa ai en, wene enebam po a’ge hegitsogoat poma, weim obogulat waronobua o. Waronobogulat, eneiyagai malik owan a’ge enebe wusogo erlagap onobogulat, hwami malik onogola a’ge onogum ’baksogo waronobogulat, tua o,” oluk egei.
Hosea en aphwami Israel a’ge enebabut heberlotluk Allah yo’go pouwagoluk mo’gulentesi wene
2Asogo egeimu, an en aphwami Israel a’ge mo’gulentasulat e,
“His aphwami Israel a’ge yu. Henebe nenaik Allah ’gain Onuk Logo a’ge e’bek togolik manis o. His en Allah iak sagalogo wiak togu legep ai en, honoyuk ’beiksogo henebe wathorlogu legep ai o. 3Ai henebe togolik Allah e’bek wotluk e, wam domba, di a’ge yu a’ge at ebaget po ’gela’ge, se’ban disogo ogu lomup o,
Allah ’gain Honuk Logo a’ge, nenaik. Nis hat hiak sagalogo wiak togu lege a’ge wokho erlagap poluk, yo’go hobogu lege a’ge yu neniak hesa’go hwelip o. Neniak asogo hologun holuk, nis en wene wathebige hegitsogoat hau wathobogulat, erlikhobogulat, togu lomul ani o. 4Ap Asyur a’ge en nis delnonobu miayat o. Nonu’gwarek en wam kuda o’borl pam ligotluk weim obogu lomul erlagat o. Ye, nis en dogwi asua nonu’gwarek nene’gik en hele’gogu lege a’ge mo’gulogulat e,
Nondogwi o, oluk mo’gulogu lege ai ’gela’ge pobuk ogu lomul erlagat o, naik. Nenaik ’gain Honuk Logo a’ge, Nenaik. Hat e, aphwami se’bin a’ge hedeap enebise legen a’ge o, naik, oluk yo’go hobogu lomul ani o,” oluk mo’gulentegis ai o.
Nenaik ’gain Onuk Logo a’ge en eiyagai Israel a’ge pobuk ’gerap enebaigoluk egei wene
5Asogo mo’gulentegismu, Nenaik ’gain Onuk Logo a’ge en e, disogo egei,
“An neiyagai uknoboluk nal agai a’ge ai, an en pobuk is enebam nolot het paik erlak ai en e, togolik wogonoboluk wotluk, nede pam enat nedeap enebik o. 6An en aphwami Israel a’ge enebaget e, o moru en ’gwiang a’bosu modok erlak a’ge sakhorak pasu ai ’gela’ge, obap enebaik ani o. Asogo enebasuam, di a’ge yu a’ge e’gen hebeliso ai ’gela’ge seik-’beik eselat, e wo’bi ’gela’ge onuk cemara en eme’gen ’gwiang ogola modok yeriso ’gela’ge agalat, tua ani o. 7Is enebe pobuk di a’ge yu a’ge yogo a’ge a’gum etleba yema ligago ai ’gela’ge otluk, enebe op welema o. Asogo welat e, enebe e zaitun op welago ai ’gela’ge welat, e cemara e’ben op a’ge ’gela’ge otluk welat, tua o.
8Is pobuk togolik ne’bek wotluk, neragam welema o. Asogo welat, enebe gandum yabukmu yogo a’ge moli op ago ai ’gela’ge agalat, anggur yabukmu yogo a’ge op a’ge ’gela’ge agalat, anggur e’gen a’bosu o Libanon a’ge ’gela’ge ononuk da ya lasulat, tua o. 9Pobuk aphwami Israel a’ge dogwi asua arat ukpouwa o. Asogo ukpogwiam e, an en is tenentarok welat, is en yo’go nobogwiam eniak nesa’go hwelise leik ani o. E e’gela a’bik a’ge lekho ’gunmu welagai ai ’gela’ge, is enebe An neragam op at welema ani o. Asogo oruakma, di e yu e e’gen oso ’gela’ge, op a’ge di a’ge yu a’ge edip anatma, an en wogentasu leik ani o, oluk an ’gain Nonuk Logo a’ge en arat egi ai o,” oluk mo’gulnesi.
Wene ologun pam mo’gulentesi wene
10Nenaik ’gain Onuk Logo a’ge en e,
“Disogo togu lomup, asogo togu lomup,” oluk mo’gulnentasu wene ai, hegit modok ai en e, aphwami enebabut hegitsogo togwi a’ge en wene ai hologo hegitsogo togwi o. Asogo a’geat de, is logon enebabut wene ai sagalogo ukpoluk togwi a’ge, onoyuk ’beiksogo ’bule ’bogwi o. Holuk e, wene ai, honogola ’gagalak a’ge en e, pobi togulat, hena’gul erlebetak a’ge en e, henaluk agalat, tip o.
Currently Selected:
Hosea 14: Wul
Highlight
Copy
Compare
Share
Want to have your highlights saved across all your devices? Sign up or sign in
Hosea 14
14
1“Is aphwami Samaria a’ge en, an uknoboluk enebirap nebegesa ai en, wene enebam po a’ge hegitsogoat poma, weim obogulat waronobua o. Waronobogulat, eneiyagai malik owan a’ge enebe wusogo erlagap onobogulat, hwami malik onogola a’ge onogum ’baksogo waronobogulat, tua o,” oluk egei.
Hosea en aphwami Israel a’ge enebabut heberlotluk Allah yo’go pouwagoluk mo’gulentesi wene
2Asogo egeimu, an en aphwami Israel a’ge mo’gulentasulat e,
“His aphwami Israel a’ge yu. Henebe nenaik Allah ’gain Onuk Logo a’ge e’bek togolik manis o. His en Allah iak sagalogo wiak togu legep ai en, honoyuk ’beiksogo henebe wathorlogu legep ai o. 3Ai henebe togolik Allah e’bek wotluk e, wam domba, di a’ge yu a’ge at ebaget po ’gela’ge, se’ban disogo ogu lomup o,
Allah ’gain Honuk Logo a’ge, nenaik. Nis hat hiak sagalogo wiak togu lege a’ge wokho erlagap poluk, yo’go hobogu lege a’ge yu neniak hesa’go hwelip o. Neniak asogo hologun holuk, nis en wene wathebige hegitsogoat hau wathobogulat, erlikhobogulat, togu lomul ani o. 4Ap Asyur a’ge en nis delnonobu miayat o. Nonu’gwarek en wam kuda o’borl pam ligotluk weim obogu lomul erlagat o. Ye, nis en dogwi asua nonu’gwarek nene’gik en hele’gogu lege a’ge mo’gulogulat e,
Nondogwi o, oluk mo’gulogu lege ai ’gela’ge pobuk ogu lomul erlagat o, naik. Nenaik ’gain Honuk Logo a’ge, Nenaik. Hat e, aphwami se’bin a’ge hedeap enebise legen a’ge o, naik, oluk yo’go hobogu lomul ani o,” oluk mo’gulentegis ai o.
Nenaik ’gain Onuk Logo a’ge en eiyagai Israel a’ge pobuk ’gerap enebaigoluk egei wene
5Asogo mo’gulentegismu, Nenaik ’gain Onuk Logo a’ge en e, disogo egei,
“An neiyagai uknoboluk nal agai a’ge ai, an en pobuk is enebam nolot het paik erlak ai en e, togolik wogonoboluk wotluk, nede pam enat nedeap enebik o. 6An en aphwami Israel a’ge enebaget e, o moru en ’gwiang a’bosu modok erlak a’ge sakhorak pasu ai ’gela’ge, obap enebaik ani o. Asogo enebasuam, di a’ge yu a’ge e’gen hebeliso ai ’gela’ge seik-’beik eselat, e wo’bi ’gela’ge onuk cemara en eme’gen ’gwiang ogola modok yeriso ’gela’ge agalat, tua ani o. 7Is enebe pobuk di a’ge yu a’ge yogo a’ge a’gum etleba yema ligago ai ’gela’ge otluk, enebe op welema o. Asogo welat e, enebe e zaitun op welago ai ’gela’ge welat, e cemara e’ben op a’ge ’gela’ge otluk welat, tua o.
8Is pobuk togolik ne’bek wotluk, neragam welema o. Asogo welat, enebe gandum yabukmu yogo a’ge moli op ago ai ’gela’ge agalat, anggur yabukmu yogo a’ge op a’ge ’gela’ge agalat, anggur e’gen a’bosu o Libanon a’ge ’gela’ge ononuk da ya lasulat, tua o. 9Pobuk aphwami Israel a’ge dogwi asua arat ukpouwa o. Asogo ukpogwiam e, an en is tenentarok welat, is en yo’go nobogwiam eniak nesa’go hwelise leik ani o. E e’gela a’bik a’ge lekho ’gunmu welagai ai ’gela’ge, is enebe An neragam op at welema ani o. Asogo oruakma, di e yu e e’gen oso ’gela’ge, op a’ge di a’ge yu a’ge edip anatma, an en wogentasu leik ani o, oluk an ’gain Nonuk Logo a’ge en arat egi ai o,” oluk mo’gulnesi.
Wene ologun pam mo’gulentesi wene
10Nenaik ’gain Onuk Logo a’ge en e,
“Disogo togu lomup, asogo togu lomup,” oluk mo’gulnentasu wene ai, hegit modok ai en e, aphwami enebabut hegitsogo togwi a’ge en wene ai hologo hegitsogo togwi o. Asogo a’geat de, is logon enebabut wene ai sagalogo ukpoluk togwi a’ge, onoyuk ’beiksogo ’bule ’bogwi o. Holuk e, wene ai, honogola ’gagalak a’ge en e, pobi togulat, hena’gul erlebetak a’ge en e, henaluk agalat, tip o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in