Yeremia 47
47
Aphwami Filistin a’ge tagonobo wene
1 #
Yes. 14:29-31; Yeh. 25:15-17; Yoe. 3:4-8; Amo. 1:6-8; Zef. 2:4-7; Zak. 9:5-7 At Firaun en o Gaza owan sebelak erlak oruakhwe, aphwami Filistin a’ge tagonobo wene At ’gain Onuk Logo a’ge Allah en mo’gulosokhwe mo’gulentasu a’ge Yeremia mo’gulesi ano re, yuat o. 2-4At ’gain Onuk Logo a’ge Allah en eselat, “O abel erabu akhit o’gwe eba en ik hettak til orlu ago ai yethomup o. Ik ai ebe wagalat, horluk-horluk o’borlma libagalat, ’gwiang emin, di a’ge yu a’ge emin, sebelil lasulat, o kota-kota emin, is kota-kota oruak a’ge emin, sebelenebil lasulat, tua ani o. Is aphwami Filistin a’ge ’berlegat erlagapsogo onobo erlige arat horok etil wagalat, is ’bullak onobo a’ge Tirus emin, Sidon emin, lerontogwi a’ge ebano ena’guluak erlagapsogo po erlige lau wagalat, tegeimu re, kuda pungtak wagai a’ge onoyuk o’borlogouk emin, eneselei a’ge ono’gwiangso oyuk o’borlogouk kerlit-kerlat oso a’ge emin, oyuk o’borlogouk erledeng tago a’ge emin, til wagai ano pam aphwami eniak eiga-ougwa ogulat, is o eba welagai a’ge ebano lo’gu marogulat, enaiklak arat enanni erlak agalat, enemalik ebet onto erlakma en ugonobogulat, tua ani o. Is ap pema ’bullak ik ede’burl ik e’gen onuk Kaftor eba welegesa a’ge is Filistin a’ge ebano, An Henaik ’gain Onuk Logo a’ge Allah en enebe erlagapsogo onobo a’ge paget tagoma re, 5is o Gaza a’ge ai, enede en enasu ’balogulat, is Askelon a’ge eniak erlak agalat enemde piok ogulat, tua o. Is welagaimu o emik enago ano ado ukpogwiam enagap ’balil lagaihwe, agauwa meren lai louwano? 6Is en ogulat e, At ’gain Onuk Logo a’ge Allah uagun pit, hat yu, weim pam waronobu erlakma en oruakhwe, agauwa meren ema o, togolik howi ogola yagat agalat, ho’borlogouk erlak mo eselat, tak pagathorloluk, set hwal hwerlasu lomup o, oluk, mo’gulema a’geat de, 7An Henaik ’gain Onuk Logo a’ge Allah en, nil lasu lomup o, oluk, mo’guleselat, ye, o Askelon oruak a’ge emin, ik laut esagoma oruak a’ge emin, wat enebil lasu lomup o, oluk, ’gagalogo mo’guleselat, tegismu re, ’gesogoat mo uano, erlagat o,” oluk, egei o.
Currently Selected:
Yeremia 47: Wul
Highlight
Copy
Compare
Share
Want to have your highlights saved across all your devices? Sign up or sign in
