Yehezkiel 2
2
1“Hat aphwami a’ge yu. An wene mesik mo’gulheik en e, hebe inla suk o,” oluk mo’gulnesi. 2Asogo mo’gulnesimu nesa’go hwelisokhwe erianoat, Allah Arogun nogola ’gwegeitik e, nebe ediknebesimu, at mesik iak ano en disogo mo’gulnosoma nesa’go hwelegisat,
3“Hat aphwami a’ge yu. An en yo’go hoboluk, aphwami Israel a’ge enebabut ene’balak an neragam a’ge wolom enebit en uknoboluk wiak togu legesa ai ’gela’ge, is en asogoat an neragam a’ge wolom enebit en uknoboluk wiak togwi modok oruak a’ge ai, ene’bek perakhebaik o. 4Is ena’gul modok helep, enede anni a’ge ai, ene’bek loluk, an henaik ’gain Nonuk Logo a’ge Allah en wene is mo’gulontuagoluk mo’gulheik a’ge ai, mo’gulentai lanok en e, ene’bek perakhebaik o. 5Asogo mo’gulentasuam, is ai a’ge enebabut an neragam wolom enebit ano en e, enesa’go holua de a? Holu erlakma en mo ua de a. Asogo a’geat de, is en e,
Ap ai Allah iak mo’gulnentasu a’ge nene’gerlakma oruak, oluk pobi togu lema o.
6Hat aphwami a’ge yu. Is enebabut an neragam wolom enebit ai en e, is enebe emin, eniak ogumu emin, hogorlok hagun no yo. Hat hebe is ai enebabut e, e ’gowe orlok a’bik ai ’gela’ge emin, e ’bagi orlok a’bik ai ’gela’ge emin, saniwak orlok a’bik ai ’gela’ge emin, ene’gerlakma wolorogun ai en e, hogorlok modok hagun o. 7Hat en wene an en mo’gulheik a’ge ai, is mo’gulontomup o. Asogo mo’gulentagunmu, is enebabut an neragam a’ge wolom enebit ai en e, wene mo’gulentagun a’ge ai, is enesa’go holua de a? Holu erlakma en mo ua de a.
8Hat aphwami a’ge yu. Is enebabut an neragam a’ge wolom enebit en uknoboluk wiak togwi ai ’gela’ge, enebabut wokho togun no oluk e, wene an en mo’gulheik a’ge ai hesa’go opsogo hwelip o. Hat hebe an en mesik wokheik a’ge ai, hemde la oluk e, monup o,” oluk mo’gulnesi. 9Asogo mo’gulnesimu nil yethegi ’gal e, e’gikmu tuesi’ga e’gerlik a’ge tenakho welat nebam ’bilogo pou agoma hegi o. 10Nebam ’bilogo pou agarik, hebelisoam pobi hegi ’gal e, abel pema-pema wene ebe re, nge tua a’ge emin,
Eige, nebit e, oluk ogu lema a’ge emin, nonouk togulat eniak ’gwe ogu lema a’ge emin, pelal wogo oruakma yethegi o.
Currently Selected:
Yehezkiel 2: Wul
Highlight
Copy
Compare
Share
Want to have your highlights saved across all your devices? Sign up or sign in
