Yehezkiel 19
19
Israel onuelak ’gain-’gain a’ge en leweni dain tu wene
1Israel onuelak ’gain-’gain en leweni edip lebogulat,
2 Singa e’gerlakma singa holou modok op a’ge ’gela’ge hia ai modok logat o! Singa emalik ene’gerlakma ’bourak welat, emalik agamu wogentasulat,
3At emalik ene’gerlakma en emalik mesik logap pasuam, emalik ai arat lok agarik, at ebe penpeni dain eselat, at en nasulom a’ge ebano lebilogo po a’ge mo’gulhwerlasulat, aphwami lebilogo onoboluk, emdema yagat enebiselom a’ge mo’gulhwerlasulat, tago yo.
4At asogo tago ano di aphwami yu aphwami en enesa’go hologulat, ’gwiang ele delak pogumu ’bisoam, sebelak pogulat, sebelak poluk, herle litluk o Mesir pei legesa.
5Asogo togwiam e, singa ia en tu a’ge ede eberegei a’ge ano dagan eselat, ede hwedik welaga a’ge ano erlak agalat, tago hesirik, emalik mu mesik logwap sogo pasulat, singa ot penpeni daintak pasulat, tagoam,
6 Singa emalik ano re, arat penpeni dain egeimu re, arilak enemin neselat, at en no a’ge ebano lebilogo po a’ge mo’gulhwerlasulat, aphwami lebilogo poluk, emdema yagat enebiselom a’ge mo’gulhwerlasulat, tegei.
7Asogo tegeirik, aphwami enebe op wolomma leget pak wokho pegesema ebano ’bulogo pasulat, onowi werik kota-kota ebano moluk-melaksogo pasulat, asogo tagalat, ’gwiang emin, is aphwami ’gwiang ai pam welagai a’ge emin, at iak hurle oso ano enesa’go hwelak poluk, onogorlok en onuak erlik ’bo pogu legesa o.
8Erliktil lasukhwe re, di aphwami yu aphwami at o’borl-o’borl welagai a’ge en lagak hogulat, at sebelogo pouwogoluk wagalat, at ’gotnok uagoluk, herle hol pil lagalat, ’gwiang ele delakma ’bisoam e, sebelak pogulat,
9Ye, lisogo ’besi herle hol pil-pil legenakma ’gwela’bogulat, ’gwelebak poluk, woluk ap onue ’gain Babel a’ge oruakma pouwagalat, herle wusogo onobogumu ebano ’gwelebak onobogulat, tigisema re, dom-dom Israel a’ge welagaimu eba en iak osoma hologu legesa ano re, pobuk logon holu erlakma en welegesa.
10Hia ai re, hiabukmu anggur yogoma e anggur ik eralukmu yogo a’ge ’gela’ge welat, ik eraluk lebagoma ebano yogoma e’gik duelak pasulat, e’gen a’bigat eselat, tegei o.
11Edip obat ligagarik, e’gik ano anni a’bikmu re, ai pam ap ’gain o’bouwa’gun heli’gogo po a’ge op at welaga. Ede’bi saga-baga tak a’ge e’gerlakma edip modok yat nak welaga o. Edip modok yat welat, ye, e’gik a’bik welat, tak oruakma re, e ai, telakmasogo modok nak welaga o.
12Asogoat a’geat de, aphwami onolot het en henokho ’gwiang pam ukpogwiam e, o sogwei o mo liplau wago akhit hegit eba en pu til wagalat, aganhan en e ano tawerap pasuam e, e’gen egeik a’ge ano lol-lol ’begei o. Ye, e’gik anni ano re, porlok-perlaksogo ’berlegat ’buk agoam e, odouk en ’berlegat ne’gei o.
13O yogodak e ano re, ’gwiang ’buk ik erlakma o leimuat yogo oruak o.
14E, e’gik pam en odouk dain egeirik, nil-nil e e’gik emin, e’gen emin, ’berlegat ne’geimu re, e’gik anni pam ap ’gain o’bouwa’gun hele’gu a’ge ano re erlagat aga o. Wene yu re, leweni atma re, aphwami waragai holuk, edip lebikpogu legesa.
Currently Selected:
Yehezkiel 19: Wul
Highlight
Copy
Compare
Share
Want to have your highlights saved across all your devices? Sign up or sign in
