Daniel 4
4
At Nebukadnezar en logo pagathwerlesi ano pam onuk erlak aga wene
1At ’gain a’ge Nebukadnezar en asogo edigenebesirik, aphwami ena’gul onuk lo’bok, enagap lo’bok, eniak lo’bok, o di owi yu owi welagai a’ge ’berlegat mo’gulentasu lemagoluk wene edip disogo egei,
“Narilak norokhwi. Henede ha’buksogo op welemagoluk hau wathenebegis o. 2Allah lok logo welat anni a’bik ai en, at ebe pobi tuagoluk tagalat, modok elalin a’ge tagalat, an nebaget tegei a’ge mo’gulhonto nagai en mo’gulhentaik o. 3At ebe pobi tuagoluk, modok loksogo tagalat, elalin a’ge modok annisogo tagalat, tago ani o. Holuk e, Allah ’gain a’ge welat, aphwami enebe pobuk dagagalat, nin pobuk dagagalat til lagaihwe tenentarok modok welema o.
4An nowi pam op modok oruakhwe, nogola nagai hasu modok welat, 5agauwa mesik pam nogo eselat eba oruakma, nabi hasulat, nabi ’gela’ge pam wene modok onogorlok a’ge yethegirik, nogum modok peregei o. 6Asogo hegirik e, ap enede modok ’gagalak o Babel welagai a’ge en nabi ai,
Ebe disogo ema a’ge paget hegenma o, oluk mo’gulnosumagoluk wene wusogo lebikpegi o. 7Asogo a’geat de, is ap wene pobuk ema a’ge mo’gulontogwi a’ge emin, asuagun di a’ge yu a’ge elalin togwi a’ge emin, di wene yu wene enaluk a’ge emin, ap hwesagal owene enaluk a’ge emin, enebe wegesema, is en an nabi hegi a’ge ai,
Ebe disogo ema a’ge paget hegenma o, oluk mo’gulnemagoluk nabi hegi a’ge ’beli’gogo mo’gulentegis a’geat de, is en mo’gulnum erlak o. 8Asogo wegesarikmu en, pobuk ap onuk Daniel ogulat, an dogwi asua Beltsazar onuk a’ge hegitsogo ogulat, ogwi a’ge ano ne’bek waga o. At Daniel ai, is logon en,
Nenaik ebe degelak welago a’ge yuat oluk erliktogwi a’ge arogun ogola modok ’beterak welago a’ge ai, an en nabi hegi a’ge ai ’beli’gogo mo’guleselat, disogo mo’guligisat,
9Beltsazar. Ap wene pobuk ema a’ge mo’gulontogwi a’ge onue yu. Not o. Hat e, aphwami logon en,
Nenaik ebe degelak welago a’ge yuat oluk erliktogwi a’ge arogun hogola modok ’beterak oruakma re, di wene yu wene logon hat hil pam hisogo welago modok erlak ai, an naluk o. Holuk e, an en nabi hegi a’ge ai mo’gulheik a’ge ai, hesa’go holholuk e,
Ebe disogo ema a’ge paget hegenma o, oluk mo’gulnomup o.
10An nebe nogo osoma eba welat, nabi ’gela’ge pam e, o ’gwiangma di owi yu owi yema ’burlmu e mesik ’baktegeirik modok yat ligagoma nil yethegi o. 11E ai ebe modok yat ebagase lok anni modok a’bik agokhwe yethegi o. Asogo lok agalat, ede’bi ’bogorl pam hegit modok ligagama, aphwami o di owi yu owi ’berlek en enil elit yetho a’ge oruakma yethegi o. 12Ye, e ai e’gela op modok a’ge re, e’gen modok a’bik e’gin wiak osoam e, aphwami o ’gwiangma di owi yu owi welagai a’ge elitsogo no’gulom a’ge oruakma hegi. Asogo oruakma, di wam yu wam maro a’ge, e ai edipmu ’gunmu ’boutak welat, sue, e ai e’gik petne owi wetil wagalat, asogo tagokhwe hegi o. Di a’ge yu a’ge elaluk welago a’ge, e ai e’gen elit no’gulom a’ge yethegi o.
13Asogo yethegirik e, nede eberiso oruakma, at malaikat a’ge mesigat a’ge degelak modok welat, ’gagalak welago a’ge ’bogorl pam en ’bu agoma yethegi o. 14Asogo ’bu agarik e, iak loksogo disogo egei,
E ebe mukho ’bo pasulat e, e’gik ede’bi ’balogo hwikhasulat, e’gela lologo ’belakpasulat, e’gen daganogo linlansogo hwikhasulat, tip o. Asogo tagalat, di wam yu wam e edipmu ’boutak oruak a’ge ai emin, tue e e’gik eterle pam owi werik oruak a’ge emin, ’bogulogo lebigonobomup o. 15Asogo a’geat de, e atok nak e, ’besieme’gen pam emin, tembaga pam emin, herle hetsogo poluk e, ebam lil yaro’gwisokhwe, wam sapi, domba emin e’gela nil o leimu eba nese lemagoluk e, ukpomup o. 16At ebabut aphwami a’ge ai, wam ebabut a’ge emarik, 7 tahun welemak o. 17Wene nis malaikat Allah u’gwarek paget degelak welat, ’gagalak welege a’ge en arat deksogo ege a’ge re, ai o. Nis asogo ege ai re, is aphwami o di owi yu owi a’ge en e,
Allah lok logo welat anni a’bik ano en di a’ge yu a’ge e’gik pam welago ai en e, ap ononuk logo a’ge welat aphwami tenentarok welemagoluk wogentasuat pobuk wokho ap logon enebe malik mia a’geat de, ononuk logo welemagoluk wogentasu hegi, oluk enaluk emagoluk asogo ege ai, oluk ogukhwe yethegi o.
18Beltsazar not o. An nabi hegi a’ge re, ai o. Asogo hegirik, ap enede ’gagalak di wene yu wene enaluk a’ge an en tenentarok welagoma yema a’ge en e,
Ebe disogo ema a’ge paget hegenma, oluk mo’gulnum modok mia aga a’geat de, hat nak e, aphwami logon en,
Nenaik ebe degelak welago a’ge yuat, oluk erliktogwi a’ge arogun hogola modok ’beterak oruakma re, elit mo’gulnum ai en e, mo’gulnemin o, not,” oluk mo’gulesi.
At Daniel en, ap Nebukadnezar abi pobuk hesi a’ge ai, “Disogo a’ge paget hegenma o,” oluk mo’gulesi wene
19Asogo mo’gulesimu, at onuk Daniel ogulat, Beltsazar ogulat, ogwi a’ge ano en wene ai esa’go holegeitik, arogun youk egeitik e, ogorlok modok agarik aregenat ede eberiso modok welaga. Asogo oruakma, at ’gain Nebukadnezar en disogo mo’gulesi,
“Beltsazar, an nabi hegi a’ge ai paget emin, ebe disogo ema a’ge paget hegenma, oluk mo’gulnoum, ai paget emin,
Nogorlok o, oluk ogun no yo,” oluk mo’gulesi.
Asogo mo’gulesimu, at Beltsazar en e,
“Nue. Hat habi pam agoma yethegen ai ebe hat hebam ema erlak, hat heselei a’ge enebam om a’ge! 20E yat ede’bi ’bogorl hegitsogo ligagama re, e ai ebe re ebagase lok welat ebe anni oruakhwe, aphwami o di owi yu owi welagai a’ge ai ’berlegat enil yetho elit nak oruakma hegen ai o. 21Ye, e’gela op modok a’ge re, e’gen modok a’bik e’gin wiak osoam, aphwami o di owi yu owi welagai a’ge en elitsogo no’gulema a’ge paget hegen ai o. Asogo oruakma, di wam yu wam maro a’ge e ai edipmu ’gunmu ’boutak welat, tue e ai e’gik eterle petne owi wosu agalat, tagoma hegen ai o. 22Nue. E ai ebe modok yat ebagase lok a’ge anni modok a’bik ai ebe re, hat hebeat o, nue. Hat honuk oruak ai lok etil, lok etil, ’bogorl pam hegit ligagalat, heragam enebasu a’ge ai lok otluk, o di owi yu owi ’bogorl edip-edip wiyal agalat, tago ai o, nue. 23Ye, hat en at malaikat a’ge mesik ’bogorl pam en ’bu agarik, disogo osoma hegen ai ebe re,
E yu ebe mukho re, erlagap pomup o. Asogo a’geat de, e atok ai nak e, ’besieme’gen pam emin, herle tembaga a’ge pam emin, herle hetsogo poluk e, ebetne hena’gil’gil ’bogorl pam en werisokhwe, wam, sapi, domba emin e’gela nil o leimu eba neselat, 7 tahun welemagoluk ukpemin o, oluk egei ai o.
24Hat habi ’gela’ge pam hegen ai ebe re, disogo, Allah lok logo welat anni a’bik a’ge en hat hebe takhobouwa a’ge paget wene edip egei a’ge ebe re, disogo,
25Hat hebe aphwami enebam en mukho perakhobouwama re, di wam yu wam maro a’ge hemin o leimu wolorogup ani o. Eba 7 tahun welat e, wam sapi en e’gela nasu ’gela’ge nasulat, parema leimu nogo eselat, tisokhwe, lil ’bo’gorl pam en hebam yaro’gua o. Asogo 7 tahun arat wolotluk, hat en e,
Ap ’gain welat, aphwami tenentarok welagai ai, at Allah lok logo welat e’gik anni pam welagai hegi o. Asogo e’gik anni pam welat, at en,
At ai ’gela’ge ’gain welemak, oluk epasu hegitsogoat, ononuk logo a’ge welemagoluk edikpasumu hegi o, oluk hemde pam en ’baksogo ogun o. 26At malaikat ai en, eselat e, e atok ai ’gwiang ogola ukpou wagoluk egei ai, ebe re, hat en e,
O di owi yu owi ’berlegat Allah anni a’bik a’ge e’gik pam welagai, oluk hiak pam ’baksogo oluk en pobuk ’gain wolorogunat ai o. 27Ai en e, ’gain, nue. An en hesa’go werik a’ge ai hologo hegitsogo taga lomup o. Wiak taga legen a’ge ukpoluk e, op nak tagalat, aphwami ena’ge-a’ge erlak a’ge enerlagaik a’ge hedeap enebiselat, taga lomup o. Asogo taga lorogun holuk e, hat pobuk op wolorogun ani o,” oluk mo’gulesi,
28Asogo mo’gulesirik e,
“Asogo lai louwa,” oluk egei ai, ’berlegat at ’gain Nebukadnezar ebam aga. 29Dugwi 12 welagarik en, at owi o Babel werik a’ge o dum petne lak-wak eselat 30disogo egei,
“O kota Babel yu, eige, nogorlok e. Aphwami logon en,
Ap ai ’gain modok, oluk erliknobogu lemagoluk, an nu’gwarek nanni a’bik ano pam nowi lok a’ge arat weregis a’ge yu o,” oluk, 31owan osoma, at mesik iak ’bogorl pam en disogo mo’gulesi,
“Hat Nebukadnezar ’gain yu o. Hat hebaget wene disogo oruak ai, hwelin o. Hat ’gain welat, o da ya he’gik pam oruak a’ge ai, hat hebam en wokho is logon enebam agama o. 32Holuk e, hat hebe aphwami enebam en mukho perakhobouwama, di wam yu wam maro a’ge emin o leimu eba wolorogup ai o. Eba 7 tahun welat, e’gela wam sapi en nasu ’gela’ge nasu lorogun o. Asogo 7 tahun arat woloroguntik, hat en e,
Ap ’gain welat, aphwami tenentarok welagai ai, at Allah lok logo welat e’gik anni pam welagai ai at hegi o. Asogo e’gik pam welat, at en,
At ai ’gela’ge ’gain welemak, oluk epasu hegitsogoat ononuk logo welemagoluk edigenebasumu, hegi o, oluk hiak pam en ’baksogo ogun ani o,” oluk mo’gulesi.
33Wene asogo mo’gulosokhwe erianoat demat aga. At ebe aphwami enebam en mukho perakpegesema, e’gela wam sapi en nasu ai ’gela’ge nasu laga. Asogo oruakhwe, lil ’bogorl pam en ebam sepniselat, asu hogobi asu ’gela’ge yat agalat, e’gik ogop tue e’gik ogop ’gela’geat yat agalat, tegei.
Nebukadnezar en Allah erliktegei wene
34At Nebukadnezar asogo otluk welagarik e, pobuk disogo egei,
“Asogo 7 tahun welemak, oluk egei hegitsogoat welegirik, nil ’bogorl pam likhegimu, nebabut pobuk togolik heberlaga o. Nebabut asogo heberlagoam, Allah lok logo welat e’gik anni modok welago a’ge erliktagalat, logo pasulat, tegis o. Asogo erliktagalat disogo egi,
Allah helaluk modok wolorogun a’ge modok-modok welat, aphwami enebe pobuk dagagalat, pobuk nin dagagalat, til lagaihwe tenentarok modok welema o. 35Aphwami ena’gul onuk lo’bok o ’gwiangma welagai a’ge ’berlegat mia nak o. Hat Allah re, malaikat ’bo’gorl pam enebe a’bik welagai a’ge emin, aphwami ’gwiangma a’ge emin, ’berlegat hat hede epasu legen hegitsogo tagenebasu legen ai o, naik. Hat hede epasu legen a’ge tigoluk osoam, aphwami logon en,
’Gesogo tigoluk, oluk hin wokhioluk, he’gik tenhio modok mia hegi o, naik, oluk erliktegis.
36An nebabut asogo arat heberlegimu, an en aphwami tenentarok oruakma, is logon en erliknobogwi ’gela’ge, erliknobogu lemagoluk, hau watnobogulat, nonuk oruak a’geat oruakhwe erliknobogulat, tigisa. Asogo tigisema, ap ’gaindek nesa’go worogwi a’ge en emin, ap ’gaindek logon en emin, an nebe arat woknebigisarik e, nonuk logoat welat, aphwami tenentarok welemagoluk niabuk togolik woknegisema re, naduk weiyat mia ’gela’ge welegi a’geat de, pobuk nak e, nanni modok a’bigat welegi o.
37Holuk e, yogodak an Nebukadnezar en at Allah anni a’bik a’ge ’bogorl pam welat a’ge onuk logap pasulat, erliktagalat, taga legi o. At en e, hegitsogo tagalat, demat a’ge tagalat, asogo tisokhweat de, aphwami onu’gwarek en enede logo pagathorlogulat erlikhorlogwi holuk elit ’belagenebasumu hegi o,” oluk egei.
Currently Selected:
Daniel 4: Wul
Highlight
Copy
Compare
Share
Want to have your highlights saved across all your devices? Sign up or sign in
Daniel 4
4
At Nebukadnezar en logo pagathwerlesi ano pam onuk erlak aga wene
1At ’gain a’ge Nebukadnezar en asogo edigenebesirik, aphwami ena’gul onuk lo’bok, enagap lo’bok, eniak lo’bok, o di owi yu owi welagai a’ge ’berlegat mo’gulentasu lemagoluk wene edip disogo egei,
“Narilak norokhwi. Henede ha’buksogo op welemagoluk hau wathenebegis o. 2Allah lok logo welat anni a’bik ai en, at ebe pobi tuagoluk tagalat, modok elalin a’ge tagalat, an nebaget tegei a’ge mo’gulhonto nagai en mo’gulhentaik o. 3At ebe pobi tuagoluk, modok loksogo tagalat, elalin a’ge modok annisogo tagalat, tago ani o. Holuk e, Allah ’gain a’ge welat, aphwami enebe pobuk dagagalat, nin pobuk dagagalat til lagaihwe tenentarok modok welema o.
4An nowi pam op modok oruakhwe, nogola nagai hasu modok welat, 5agauwa mesik pam nogo eselat eba oruakma, nabi hasulat, nabi ’gela’ge pam wene modok onogorlok a’ge yethegirik, nogum modok peregei o. 6Asogo hegirik e, ap enede modok ’gagalak o Babel welagai a’ge en nabi ai,
Ebe disogo ema a’ge paget hegenma o, oluk mo’gulnosumagoluk wene wusogo lebikpegi o. 7Asogo a’geat de, is ap wene pobuk ema a’ge mo’gulontogwi a’ge emin, asuagun di a’ge yu a’ge elalin togwi a’ge emin, di wene yu wene enaluk a’ge emin, ap hwesagal owene enaluk a’ge emin, enebe wegesema, is en an nabi hegi a’ge ai,
Ebe disogo ema a’ge paget hegenma o, oluk mo’gulnemagoluk nabi hegi a’ge ’beli’gogo mo’gulentegis a’geat de, is en mo’gulnum erlak o. 8Asogo wegesarikmu en, pobuk ap onuk Daniel ogulat, an dogwi asua Beltsazar onuk a’ge hegitsogo ogulat, ogwi a’ge ano ne’bek waga o. At Daniel ai, is logon en,
Nenaik ebe degelak welago a’ge yuat oluk erliktogwi a’ge arogun ogola modok ’beterak welago a’ge ai, an en nabi hegi a’ge ai ’beli’gogo mo’guleselat, disogo mo’guligisat,
9Beltsazar. Ap wene pobuk ema a’ge mo’gulontogwi a’ge onue yu. Not o. Hat e, aphwami logon en,
Nenaik ebe degelak welago a’ge yuat oluk erliktogwi a’ge arogun hogola modok ’beterak oruakma re, di wene yu wene logon hat hil pam hisogo welago modok erlak ai, an naluk o. Holuk e, an en nabi hegi a’ge ai mo’gulheik a’ge ai, hesa’go holholuk e,
Ebe disogo ema a’ge paget hegenma o, oluk mo’gulnomup o.
10An nebe nogo osoma eba welat, nabi ’gela’ge pam e, o ’gwiangma di owi yu owi yema ’burlmu e mesik ’baktegeirik modok yat ligagoma nil yethegi o. 11E ai ebe modok yat ebagase lok anni modok a’bik agokhwe yethegi o. Asogo lok agalat, ede’bi ’bogorl pam hegit modok ligagama, aphwami o di owi yu owi ’berlek en enil elit yetho a’ge oruakma yethegi o. 12Ye, e ai e’gela op modok a’ge re, e’gen modok a’bik e’gin wiak osoam e, aphwami o ’gwiangma di owi yu owi welagai a’ge elitsogo no’gulom a’ge oruakma hegi. Asogo oruakma, di wam yu wam maro a’ge, e ai edipmu ’gunmu ’boutak welat, sue, e ai e’gik petne owi wetil wagalat, asogo tagokhwe hegi o. Di a’ge yu a’ge elaluk welago a’ge, e ai e’gen elit no’gulom a’ge yethegi o.
13Asogo yethegirik e, nede eberiso oruakma, at malaikat a’ge mesigat a’ge degelak modok welat, ’gagalak welago a’ge ’bogorl pam en ’bu agoma yethegi o. 14Asogo ’bu agarik e, iak loksogo disogo egei,
E ebe mukho ’bo pasulat e, e’gik ede’bi ’balogo hwikhasulat, e’gela lologo ’belakpasulat, e’gen daganogo linlansogo hwikhasulat, tip o. Asogo tagalat, di wam yu wam e edipmu ’boutak oruak a’ge ai emin, tue e e’gik eterle pam owi werik oruak a’ge emin, ’bogulogo lebigonobomup o. 15Asogo a’geat de, e atok nak e, ’besieme’gen pam emin, tembaga pam emin, herle hetsogo poluk e, ebam lil yaro’gwisokhwe, wam sapi, domba emin e’gela nil o leimu eba nese lemagoluk e, ukpomup o. 16At ebabut aphwami a’ge ai, wam ebabut a’ge emarik, 7 tahun welemak o. 17Wene nis malaikat Allah u’gwarek paget degelak welat, ’gagalak welege a’ge en arat deksogo ege a’ge re, ai o. Nis asogo ege ai re, is aphwami o di owi yu owi a’ge en e,
Allah lok logo welat anni a’bik ano en di a’ge yu a’ge e’gik pam welago ai en e, ap ononuk logo a’ge welat aphwami tenentarok welemagoluk wogentasuat pobuk wokho ap logon enebe malik mia a’geat de, ononuk logo welemagoluk wogentasu hegi, oluk enaluk emagoluk asogo ege ai, oluk ogukhwe yethegi o.
18Beltsazar not o. An nabi hegi a’ge re, ai o. Asogo hegirik, ap enede ’gagalak di wene yu wene enaluk a’ge an en tenentarok welagoma yema a’ge en e,
Ebe disogo ema a’ge paget hegenma, oluk mo’gulnum modok mia aga a’geat de, hat nak e, aphwami logon en,
Nenaik ebe degelak welago a’ge yuat, oluk erliktogwi a’ge arogun hogola modok ’beterak oruakma re, elit mo’gulnum ai en e, mo’gulnemin o, not,” oluk mo’gulesi.
At Daniel en, ap Nebukadnezar abi pobuk hesi a’ge ai, “Disogo a’ge paget hegenma o,” oluk mo’gulesi wene
19Asogo mo’gulesimu, at onuk Daniel ogulat, Beltsazar ogulat, ogwi a’ge ano en wene ai esa’go holegeitik, arogun youk egeitik e, ogorlok modok agarik aregenat ede eberiso modok welaga. Asogo oruakma, at ’gain Nebukadnezar en disogo mo’gulesi,
“Beltsazar, an nabi hegi a’ge ai paget emin, ebe disogo ema a’ge paget hegenma, oluk mo’gulnoum, ai paget emin,
Nogorlok o, oluk ogun no yo,” oluk mo’gulesi.
Asogo mo’gulesimu, at Beltsazar en e,
“Nue. Hat habi pam agoma yethegen ai ebe hat hebam ema erlak, hat heselei a’ge enebam om a’ge! 20E yat ede’bi ’bogorl hegitsogo ligagama re, e ai ebe re ebagase lok welat ebe anni oruakhwe, aphwami o di owi yu owi welagai a’ge ai ’berlegat enil yetho elit nak oruakma hegen ai o. 21Ye, e’gela op modok a’ge re, e’gen modok a’bik e’gin wiak osoam, aphwami o di owi yu owi welagai a’ge en elitsogo no’gulema a’ge paget hegen ai o. Asogo oruakma, di wam yu wam maro a’ge e ai edipmu ’gunmu ’boutak welat, tue e ai e’gik eterle petne owi wosu agalat, tagoma hegen ai o. 22Nue. E ai ebe modok yat ebagase lok a’ge anni modok a’bik ai ebe re, hat hebeat o, nue. Hat honuk oruak ai lok etil, lok etil, ’bogorl pam hegit ligagalat, heragam enebasu a’ge ai lok otluk, o di owi yu owi ’bogorl edip-edip wiyal agalat, tago ai o, nue. 23Ye, hat en at malaikat a’ge mesik ’bogorl pam en ’bu agarik, disogo osoma hegen ai ebe re,
E yu ebe mukho re, erlagap pomup o. Asogo a’geat de, e atok ai nak e, ’besieme’gen pam emin, herle tembaga a’ge pam emin, herle hetsogo poluk e, ebetne hena’gil’gil ’bogorl pam en werisokhwe, wam, sapi, domba emin e’gela nil o leimu eba neselat, 7 tahun welemagoluk ukpemin o, oluk egei ai o.
24Hat habi ’gela’ge pam hegen ai ebe re, disogo, Allah lok logo welat anni a’bik a’ge en hat hebe takhobouwa a’ge paget wene edip egei a’ge ebe re, disogo,
25Hat hebe aphwami enebam en mukho perakhobouwama re, di wam yu wam maro a’ge hemin o leimu wolorogup ani o. Eba 7 tahun welat e, wam sapi en e’gela nasu ’gela’ge nasulat, parema leimu nogo eselat, tisokhwe, lil ’bo’gorl pam en hebam yaro’gua o. Asogo 7 tahun arat wolotluk, hat en e,
Ap ’gain welat, aphwami tenentarok welagai ai, at Allah lok logo welat e’gik anni pam welagai hegi o. Asogo e’gik anni pam welat, at en,
At ai ’gela’ge ’gain welemak, oluk epasu hegitsogoat, ononuk logo a’ge welemagoluk edikpasumu hegi o, oluk hemde pam en ’baksogo ogun o. 26At malaikat ai en, eselat e, e atok ai ’gwiang ogola ukpou wagoluk egei ai, ebe re, hat en e,
O di owi yu owi ’berlegat Allah anni a’bik a’ge e’gik pam welagai, oluk hiak pam ’baksogo oluk en pobuk ’gain wolorogunat ai o. 27Ai en e, ’gain, nue. An en hesa’go werik a’ge ai hologo hegitsogo taga lomup o. Wiak taga legen a’ge ukpoluk e, op nak tagalat, aphwami ena’ge-a’ge erlak a’ge enerlagaik a’ge hedeap enebiselat, taga lomup o. Asogo taga lorogun holuk e, hat pobuk op wolorogun ani o,” oluk mo’gulesi,
28Asogo mo’gulesirik e,
“Asogo lai louwa,” oluk egei ai, ’berlegat at ’gain Nebukadnezar ebam aga. 29Dugwi 12 welagarik en, at owi o Babel werik a’ge o dum petne lak-wak eselat 30disogo egei,
“O kota Babel yu, eige, nogorlok e. Aphwami logon en,
Ap ai ’gain modok, oluk erliknobogu lemagoluk, an nu’gwarek nanni a’bik ano pam nowi lok a’ge arat weregis a’ge yu o,” oluk, 31owan osoma, at mesik iak ’bogorl pam en disogo mo’gulesi,
“Hat Nebukadnezar ’gain yu o. Hat hebaget wene disogo oruak ai, hwelin o. Hat ’gain welat, o da ya he’gik pam oruak a’ge ai, hat hebam en wokho is logon enebam agama o. 32Holuk e, hat hebe aphwami enebam en mukho perakhobouwama, di wam yu wam maro a’ge emin o leimu eba wolorogup ai o. Eba 7 tahun welat, e’gela wam sapi en nasu ’gela’ge nasu lorogun o. Asogo 7 tahun arat woloroguntik, hat en e,
Ap ’gain welat, aphwami tenentarok welagai ai, at Allah lok logo welat e’gik anni pam welagai ai at hegi o. Asogo e’gik pam welat, at en,
At ai ’gela’ge ’gain welemak, oluk epasu hegitsogoat ononuk logo welemagoluk edigenebasumu, hegi o, oluk hiak pam en ’baksogo ogun ani o,” oluk mo’gulesi.
33Wene asogo mo’gulosokhwe erianoat demat aga. At ebe aphwami enebam en mukho perakpegesema, e’gela wam sapi en nasu ai ’gela’ge nasu laga. Asogo oruakhwe, lil ’bogorl pam en ebam sepniselat, asu hogobi asu ’gela’ge yat agalat, e’gik ogop tue e’gik ogop ’gela’geat yat agalat, tegei.
Nebukadnezar en Allah erliktegei wene
34At Nebukadnezar asogo otluk welagarik e, pobuk disogo egei,
“Asogo 7 tahun welemak, oluk egei hegitsogoat welegirik, nil ’bogorl pam likhegimu, nebabut pobuk togolik heberlaga o. Nebabut asogo heberlagoam, Allah lok logo welat e’gik anni modok welago a’ge erliktagalat, logo pasulat, tegis o. Asogo erliktagalat disogo egi,
Allah helaluk modok wolorogun a’ge modok-modok welat, aphwami enebe pobuk dagagalat, pobuk nin dagagalat, til lagaihwe tenentarok modok welema o. 35Aphwami ena’gul onuk lo’bok o ’gwiangma welagai a’ge ’berlegat mia nak o. Hat Allah re, malaikat ’bo’gorl pam enebe a’bik welagai a’ge emin, aphwami ’gwiangma a’ge emin, ’berlegat hat hede epasu legen hegitsogo tagenebasu legen ai o, naik. Hat hede epasu legen a’ge tigoluk osoam, aphwami logon en,
’Gesogo tigoluk, oluk hin wokhioluk, he’gik tenhio modok mia hegi o, naik, oluk erliktegis.
36An nebabut asogo arat heberlegimu, an en aphwami tenentarok oruakma, is logon en erliknobogwi ’gela’ge, erliknobogu lemagoluk, hau watnobogulat, nonuk oruak a’geat oruakhwe erliknobogulat, tigisa. Asogo tigisema, ap ’gaindek nesa’go worogwi a’ge en emin, ap ’gaindek logon en emin, an nebe arat woknebigisarik e, nonuk logoat welat, aphwami tenentarok welemagoluk niabuk togolik woknegisema re, naduk weiyat mia ’gela’ge welegi a’geat de, pobuk nak e, nanni modok a’bigat welegi o.
37Holuk e, yogodak an Nebukadnezar en at Allah anni a’bik a’ge ’bogorl pam welat a’ge onuk logap pasulat, erliktagalat, taga legi o. At en e, hegitsogo tagalat, demat a’ge tagalat, asogo tisokhweat de, aphwami onu’gwarek en enede logo pagathorlogulat erlikhorlogwi holuk elit ’belagenebasumu hegi o,” oluk egei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in