Daniel 3
3
Ap ’gain Nebukadnezar dogwi asua aphwami ’gela’ge ogut heli’gogo weregeitik, wene edip lebikpesi wene
1Asogo enebesirik welat, agauwa mesik pam e, ap ’gain Nebukadnezar en dogwi asua mesigat nak emas a’ge aphwami gela’ge ogut heli’gogo pasulat e, ebe uak yat e, 27 meter, ye, ebagase re, 3 meter ’gela’ge a’ge o propinsi Babel lei lokma onuk Dura eba dogwi wusogo pogwi ai ’gela’ge heli’gogo edikpesi. 2Asogo heli’gogo pesirik, osi e’gik ’bekhit akhit a’ge aphwami o da ya onuelak welagai a’ge, gubernur emin, bupati emin, is ap logon ’gaindek enesa’go worogwi a’ge emin, uang tenakho welagai a’ge emin, wene ’beli’gogwi a’ge emin, wene enebam pogulat, no’gorlogulat, togwi enaluk a’ge emin, camat emin, enebe ’berlegat, dogwi asua wusogo pogwi ai ’gela’ge weregei a’ge ano ’baksogo telakma paigoluk yo’go enebesi. 3Asogo yo’go enebesimu is ’berlegat wegesarik, enebe dogwi asua ano ologotma edik oruakhwe, 4ap mesik at ’gain en wene edip lebegeimu mo’gulentil noso a’ge en disogo mo’gulentesi,
“His aphwami ena’gul onuk lo’bok emin, enagap lo’bok emin, eniak lo’bok emin, tenentarok welegep a’ge wegep ai nari o, oluk hau wathenebegis o. Yogodak, ap ’gain a’ge en wene edip lebegei a’ge yu henesa’go hwelip o. At en disogo egei,
5His aphwami ’berlegat e, ’bi’gong iak lok a’ge emin, me’gin uak pam ele delogo iak hwa’gen ’gela’ge loksogo worogwi a’ge emin, hwa’gen ’gela’ge weisogo worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam worogwi a’ge emin, ’bi’gong logon muat a’ge emin, iak inghasu holuk, an ’gain Nebukadnezar en dogwi asua weregis a’ge ai hondogorlu pam sakhun otluk erliktu o. 6Asogo a’geat de, is logon sa lak ’gela’ge en an niak egi a’ge ai hologo tua erlak holuk, enebe odouk magale modok a’bik nasumu woroksogo hwigentaik o, oluk egei o,” oluk mo’gulentesi.
7Asogo mo’gulentesimu, is aphwami ena’gul onuk lo’bok, enagap lo’bok, eniak lo’bok, ’berlegat ’bi’gong iak lok a’ge emin, me’gin uak pam ele delogo iak hwa’gen ’gela’ge worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam worogwi a’ge emin, iak inghogwiam e, dogwi asua emas a’ge ano onodogorlu pam sakhun otluk erliktogu legesa.
At Daniel arilak en ap ’gain iak hwologo dogwi asua erliktu erlakma, wene e’gin enebam pegesa wene
8At ’gain en asogo egei ai pam, ap Babel a’ge logon en aphwami Yahudi a’ge,
“His wiak,” oluk panoasuagat wene enebam pouwogoluk egesa. 9Asogo egesarik, at ’gain Nebukadnezar disogo mo’guligisa,
“Nonue. Helaluk modok wolomup o. 10Hat en wene edip arat lebikpasulat e,
’Bi’gong iak lok a’ge emin, me’gin uak pam ele delogo iak hwa’gen ’gela’ge loksogo worogwi a’ge emin, hwa’gen ’gela’ge weisogo worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam worogwi a’ge emin, inghogwi holuk e, aphwami ’berlegat dogwi asua emas a’ge weregis a’ge ai ondogorlu pam sakhun otluk erliktu o. 11Asogo a’geat de, is logon sa lak ’gela’ge en an niak egi a’ge ai hologo tua erlak holuk, enebe odouk magale modok a’bik nasumu woroksogo hwigentaik o, oluk e’gen epegi. 12Asogo a’geat de, ap pema Yahudi a’ge Sadrakh emin, Mesakh emin, Abednego emin, enebe o propinsi Babel yema ’gain welemagoluk edigenebegen a’ge ano wene edip hat en lebigen a’ge ai onogola mi-miarak pegesarik hologo togwi erlak o. Is ap ai en e, nonue hat en,
Nenaik ebe yuat o, oluk erliktise legen a’ge ai erliktu enebirat welat, dogwi asua emas werigen a’ge ai erliktogwi modok erlagat o, nue,” oluk mo’guligisa.
13Asogo mo’gulegisema at ’gain esa’go holegeitik olot het a’bik agarik e,
“Ap enebe henagan Sadrakh emin, Mesakh emin, Abednego emin, ai perleneat an ne’bek wogonoboluk wom o,” oluk mo’gulentesimu, wogonoboluk wegesa. 14Asogo wegesema, at en e, ap enebe henagan eriano disogo mo’gulentesi,
“Sadrakh emin, Mesakh emin, Abednego emin, his en an en,
Naik ebe yuat o, oluk erliktaga legi a’ge ai, erliktugulom henebirat welat, dogwi asua emas a’ge weregis a’ge ai erliktogu legep erlak, egesa ai demat a? 15Demat holuk, yogodak ’bi’gong iak lok a’ge emin, me’gin uak pam ele delogo iak hwa’gen ’gela’ge loksogo worogwi a’ge emin, hwa’gen ’gela’ge weisogo worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam inghogulat worogwi a’ge emin, ’bi’gong iak mu a’ge emin, iak inghasuam e, an en dogwi asua weregis a’ge ai hondogorlu pam sakhun otluk erliktogup a? Henebit a. Henebit holuk, an en his henebe odouk magale modok nasumu woroksogo hwikhontouwagoluk, aphwami logon yo’go enebaik o. Ye, aphwami logon en nenasua a’ge paget,
Nenaik ebe yuat, oluk ogwi a’ge mesik en an nanni a’bik di a’ge yu a’ge ne’gik pam welago a’ge ai mabenap poluk his delhonobua epegep a? Modok erlak o,” oluk mo’gulentesi.
16Asogo mo’gulentesimu, is Sadrakh emin, Mesakh emin, Abednego emin en, disogo mo’guligisa,
“’Gain Nebukadnezar nue. Nis nenebe erlele wokho wene hat en nenebam pegen ai ’goroksogo wokhouwogoluk tul modok erlak o. 17Holuk e, hat en nenebe odouk magale a’bikmu ai hwiknentagun holuk, nis nenaik Allah erliktogwi a’ge ai delnonobu holuk, hat hanni pam odoukmu hwiknentasuam, elit delnonobuat o. 18Asogo a’geat de, at en delnonobu erlak holuk, nis en e, hat en,
Nenaik ebe yuat o, oluk ebam he’berik welat erliktise legen a’ge ai erliktogulat, asua emas a’ge werigen a’ge ai nondogorlu pam sakhun otluk erliktogulat, tul erlagat ai hat haluksogo wolomup o, nue,” oluk mo’guligisa.
Sadrakh emin, Mesakh emin, Abednego emin, wene enebam pegesarik odouk magale a’bikmu hwigenta ’gwigisa wene
19Asogo mo’gulegisema, at Nebukadnezar olot het Sadrakh emin, Mesakh emin, Abednego emin enebam pesirik e, orogole haro ’bo pasulat anni a’bik agarik, osi en odouk weisogo mu’galogumu odouk orlouk weiyat nomor 1 pam ogwi ai ’gela’ge re, erlak. We, modok loksogo narlogwiam odouk orlouk hwerli nomor 7 pam logon eminat orlouk modok a’bik a’ge mu’galuagoluk mo’gulentesimu, mu’galegisa. 20Asogo mu’galegisema, at ’gain en, osi tentara logon enanni a’ge pulogo Sadrakh emin, Mesakh emin, Abednego emin, ene’gik herle wusogo odouk magale a’bik nasumu ano hwigentai louwagoluk mo’gulentesi. 21Asogo mo’gulentesimu, is ap enebe henagan ano onosum ena’gul akhit a’ge emin, onosum ogola a’ge emin, o’borl o’gwe a’ge emin, ena’gul sum emin, modok ’buksogoat ene’gik herle hetsogo odouk magale a’bikmu ano hwigentai legesa. 22At ’gain en iak ningsogoat, odouk orlouk modok a’biksogo narlip o, oluk mo’gulentesi ai en odouk orlouk modok a’bik nasumu ano en e, ap tentara a’ge en Sadrakh emin, Mesakh emin, Abednego emin, odouk magale ligagoma hwigentai lagaiam e, odouk magale en is ap tentara a’ge ai enebe modok ’be’gi odouk orlouk en warenebegeimu waregesa. 23Asogo waregesa a’geat de, is ap henagan Sadrakh emin, Mesakh emin, Abednego emin, eriano ene’gik herle weragat odouk magale ogola ’begisa.
24Asogo ’begisema, at ’gain Nebukadnezar youk egeitik, perleneat inagarik e, osilak ’gaindek a’ge disogo mo’gulentesi,
“Nis en e, ap enebe henagan ene’gik herle wusogo odouk magale ogola ’gwelebak enebege erlak no?” oluk mo’gulentesimu, is en e,
“Demat o, nue,” oluk mo’guligisa. 25Asogo mo’gulegisema, at ’gain Nebukadnezar en e,
“Asogo a’geat de, ap enebe 4 a’ge odouk magale ogola’gwe lak-wak ogumu nil yerentegis ai nogorlok e. Is ene’gik herle hebelik odouk magale ogola’gwe lak-wak ogukhwe, enebe emin, enebam di a’ge yu a’ge emin, mesik odouk en no erlak en oruak o. Is enebe henagan asogo oruakhwe, at mesik ai, ebe aphwami en e,
Nenaik ebe yuat o, oluk erliktogwi a’ge orogole ’gela’ge hegi o,” oluk mo’gulentesi.
Is ap enebe henagan eriano lebigenebesirik, enebe modok ’gain welemagoluk edigenebesi wene
26At ’gain Nebukadnezar en asogo mo’gulentesirik, ebe o odouk pegesema ano ’godukmu lagarik e, iak loksogo disogo mo’gulentesi,
“Sadrakh, Mesakh, Abednego, his henebe ’gain Allah lok logo welat anni a’bik a’ge ano eragam a’ge o. Holuk e, his henebe odoukmu en liplau manis o,” oluk mo’gulentesimu liplau wegesa. 27Asogo liplau wegesema, is ap ’gain ano osi e’gik ’bekhit akhit a’ge emin, gubernur emin, bupati emin, at ’gain esa’go worogu legesa a’ge emin, enebe ’berlegat is Sadrakh emin, Mesakh emin, Abednego emin, eneragam o’gwe en leget ’gela’ge wali’gogo enebegesa. Asogo wale’gik enebegesa a’ge re, is enebam odouk en logon ’balenebegeimu ene’ben hegesa modok erlak. Enasu e’gen odouk en wisogo logon no erlagat, onosum odouk en ’balegei erlagat, enebetne odouk en ne’gei a’ge ene’ben ogo erlagat, hegesa.
28Asogo hegesarik, at ’gain en disogo mo’gulentesi,
“At Allah Sadrakh emin, Mesakh emin, Abednego emin en, erliktogwi a’ge aiyat erliktogu lomok o. Is e, aphwami en e,
Nenaik ebe yuat o, oluk erliktogwi a’ge ai erliktu enebit o. We, Allah is erliktogwi a’ge ai nak erliktul ai o oluk, enede at ebam he’berik poluk welat,
Nenebe watnonobua holuk obat o, oluk an en wene edip lebikpegi a’ge ukpegesema, wene enebam pegi a’geat de, at Allah en is malaikat a’ge mesik ene’bek perakpou wagarik is delenebegei ai o.
29Ai en e, aphwami en,
Nenaik ebe yuat o, oluk ogwi a’ge logon e Allah en is delenebegei ai ’gela’ge togwi modok erlak ai en e, his aphwami hena’gul onuk lo’bok, henagap lo’bok, heniak lo’bok, logon en e,
Allah Sadrakh emin, Mesakh emin, Abednego emin, enaik erliktogwi ai wiak, oluk obok wiak ogwi holuk, enebe lebil-lebalsogo weragonoboluk, onowi werik moluk-melaksogo ’bo pouwa ani o, oluk an nebe enat wene lebikpegi ai o,” oluk mo’gulentesi.
30Asogo mo’gulentesirik, is Sadrakh emin, Mesakh emin, Abednego emin, o propinsi Babel enebe modok ’gain ononuk logo a’ge welat tenentarok welemagoluk edigenebesiat o.
Currently Selected:
Daniel 3: Wul
Highlight
Copy
Compare
Share
Want to have your highlights saved across all your devices? Sign up or sign in
Daniel 3
3
Ap ’gain Nebukadnezar dogwi asua aphwami ’gela’ge ogut heli’gogo weregeitik, wene edip lebikpesi wene
1Asogo enebesirik welat, agauwa mesik pam e, ap ’gain Nebukadnezar en dogwi asua mesigat nak emas a’ge aphwami gela’ge ogut heli’gogo pasulat e, ebe uak yat e, 27 meter, ye, ebagase re, 3 meter ’gela’ge a’ge o propinsi Babel lei lokma onuk Dura eba dogwi wusogo pogwi ai ’gela’ge heli’gogo edikpesi. 2Asogo heli’gogo pesirik, osi e’gik ’bekhit akhit a’ge aphwami o da ya onuelak welagai a’ge, gubernur emin, bupati emin, is ap logon ’gaindek enesa’go worogwi a’ge emin, uang tenakho welagai a’ge emin, wene ’beli’gogwi a’ge emin, wene enebam pogulat, no’gorlogulat, togwi enaluk a’ge emin, camat emin, enebe ’berlegat, dogwi asua wusogo pogwi ai ’gela’ge weregei a’ge ano ’baksogo telakma paigoluk yo’go enebesi. 3Asogo yo’go enebesimu is ’berlegat wegesarik, enebe dogwi asua ano ologotma edik oruakhwe, 4ap mesik at ’gain en wene edip lebegeimu mo’gulentil noso a’ge en disogo mo’gulentesi,
“His aphwami ena’gul onuk lo’bok emin, enagap lo’bok emin, eniak lo’bok emin, tenentarok welegep a’ge wegep ai nari o, oluk hau wathenebegis o. Yogodak, ap ’gain a’ge en wene edip lebegei a’ge yu henesa’go hwelip o. At en disogo egei,
5His aphwami ’berlegat e, ’bi’gong iak lok a’ge emin, me’gin uak pam ele delogo iak hwa’gen ’gela’ge loksogo worogwi a’ge emin, hwa’gen ’gela’ge weisogo worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam worogwi a’ge emin, ’bi’gong logon muat a’ge emin, iak inghasu holuk, an ’gain Nebukadnezar en dogwi asua weregis a’ge ai hondogorlu pam sakhun otluk erliktu o. 6Asogo a’geat de, is logon sa lak ’gela’ge en an niak egi a’ge ai hologo tua erlak holuk, enebe odouk magale modok a’bik nasumu woroksogo hwigentaik o, oluk egei o,” oluk mo’gulentesi.
7Asogo mo’gulentesimu, is aphwami ena’gul onuk lo’bok, enagap lo’bok, eniak lo’bok, ’berlegat ’bi’gong iak lok a’ge emin, me’gin uak pam ele delogo iak hwa’gen ’gela’ge worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam worogwi a’ge emin, iak inghogwiam e, dogwi asua emas a’ge ano onodogorlu pam sakhun otluk erliktogu legesa.
At Daniel arilak en ap ’gain iak hwologo dogwi asua erliktu erlakma, wene e’gin enebam pegesa wene
8At ’gain en asogo egei ai pam, ap Babel a’ge logon en aphwami Yahudi a’ge,
“His wiak,” oluk panoasuagat wene enebam pouwogoluk egesa. 9Asogo egesarik, at ’gain Nebukadnezar disogo mo’guligisa,
“Nonue. Helaluk modok wolomup o. 10Hat en wene edip arat lebikpasulat e,
’Bi’gong iak lok a’ge emin, me’gin uak pam ele delogo iak hwa’gen ’gela’ge loksogo worogwi a’ge emin, hwa’gen ’gela’ge weisogo worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam worogwi a’ge emin, inghogwi holuk e, aphwami ’berlegat dogwi asua emas a’ge weregis a’ge ai ondogorlu pam sakhun otluk erliktu o. 11Asogo a’geat de, is logon sa lak ’gela’ge en an niak egi a’ge ai hologo tua erlak holuk, enebe odouk magale modok a’bik nasumu woroksogo hwigentaik o, oluk e’gen epegi. 12Asogo a’geat de, ap pema Yahudi a’ge Sadrakh emin, Mesakh emin, Abednego emin, enebe o propinsi Babel yema ’gain welemagoluk edigenebegen a’ge ano wene edip hat en lebigen a’ge ai onogola mi-miarak pegesarik hologo togwi erlak o. Is ap ai en e, nonue hat en,
Nenaik ebe yuat o, oluk erliktise legen a’ge ai erliktu enebirat welat, dogwi asua emas werigen a’ge ai erliktogwi modok erlagat o, nue,” oluk mo’guligisa.
13Asogo mo’gulegisema at ’gain esa’go holegeitik olot het a’bik agarik e,
“Ap enebe henagan Sadrakh emin, Mesakh emin, Abednego emin, ai perleneat an ne’bek wogonoboluk wom o,” oluk mo’gulentesimu, wogonoboluk wegesa. 14Asogo wegesema, at en e, ap enebe henagan eriano disogo mo’gulentesi,
“Sadrakh emin, Mesakh emin, Abednego emin, his en an en,
Naik ebe yuat o, oluk erliktaga legi a’ge ai, erliktugulom henebirat welat, dogwi asua emas a’ge weregis a’ge ai erliktogu legep erlak, egesa ai demat a? 15Demat holuk, yogodak ’bi’gong iak lok a’ge emin, me’gin uak pam ele delogo iak hwa’gen ’gela’ge loksogo worogwi a’ge emin, hwa’gen ’gela’ge weisogo worogwi a’ge emin, gitar lok a’ge ’gela’ge emin, wei a’ge ’gela’ge emin, gitar ’gela’ge logon egerle pam inghogulat worogwi a’ge emin, ’bi’gong iak mu a’ge emin, iak inghasuam e, an en dogwi asua weregis a’ge ai hondogorlu pam sakhun otluk erliktogup a? Henebit a. Henebit holuk, an en his henebe odouk magale modok nasumu woroksogo hwikhontouwagoluk, aphwami logon yo’go enebaik o. Ye, aphwami logon en nenasua a’ge paget,
Nenaik ebe yuat, oluk ogwi a’ge mesik en an nanni a’bik di a’ge yu a’ge ne’gik pam welago a’ge ai mabenap poluk his delhonobua epegep a? Modok erlak o,” oluk mo’gulentesi.
16Asogo mo’gulentesimu, is Sadrakh emin, Mesakh emin, Abednego emin en, disogo mo’guligisa,
“’Gain Nebukadnezar nue. Nis nenebe erlele wokho wene hat en nenebam pegen ai ’goroksogo wokhouwogoluk tul modok erlak o. 17Holuk e, hat en nenebe odouk magale a’bikmu ai hwiknentagun holuk, nis nenaik Allah erliktogwi a’ge ai delnonobu holuk, hat hanni pam odoukmu hwiknentasuam, elit delnonobuat o. 18Asogo a’geat de, at en delnonobu erlak holuk, nis en e, hat en,
Nenaik ebe yuat o, oluk ebam he’berik welat erliktise legen a’ge ai erliktogulat, asua emas a’ge werigen a’ge ai nondogorlu pam sakhun otluk erliktogulat, tul erlagat ai hat haluksogo wolomup o, nue,” oluk mo’guligisa.
Sadrakh emin, Mesakh emin, Abednego emin, wene enebam pegesarik odouk magale a’bikmu hwigenta ’gwigisa wene
19Asogo mo’gulegisema, at Nebukadnezar olot het Sadrakh emin, Mesakh emin, Abednego emin enebam pesirik e, orogole haro ’bo pasulat anni a’bik agarik, osi en odouk weisogo mu’galogumu odouk orlouk weiyat nomor 1 pam ogwi ai ’gela’ge re, erlak. We, modok loksogo narlogwiam odouk orlouk hwerli nomor 7 pam logon eminat orlouk modok a’bik a’ge mu’galuagoluk mo’gulentesimu, mu’galegisa. 20Asogo mu’galegisema, at ’gain en, osi tentara logon enanni a’ge pulogo Sadrakh emin, Mesakh emin, Abednego emin, ene’gik herle wusogo odouk magale a’bik nasumu ano hwigentai louwagoluk mo’gulentesi. 21Asogo mo’gulentesimu, is ap enebe henagan ano onosum ena’gul akhit a’ge emin, onosum ogola a’ge emin, o’borl o’gwe a’ge emin, ena’gul sum emin, modok ’buksogoat ene’gik herle hetsogo odouk magale a’bikmu ano hwigentai legesa. 22At ’gain en iak ningsogoat, odouk orlouk modok a’biksogo narlip o, oluk mo’gulentesi ai en odouk orlouk modok a’bik nasumu ano en e, ap tentara a’ge en Sadrakh emin, Mesakh emin, Abednego emin, odouk magale ligagoma hwigentai lagaiam e, odouk magale en is ap tentara a’ge ai enebe modok ’be’gi odouk orlouk en warenebegeimu waregesa. 23Asogo waregesa a’geat de, is ap henagan Sadrakh emin, Mesakh emin, Abednego emin, eriano ene’gik herle weragat odouk magale ogola ’begisa.
24Asogo ’begisema, at ’gain Nebukadnezar youk egeitik, perleneat inagarik e, osilak ’gaindek a’ge disogo mo’gulentesi,
“Nis en e, ap enebe henagan ene’gik herle wusogo odouk magale ogola ’gwelebak enebege erlak no?” oluk mo’gulentesimu, is en e,
“Demat o, nue,” oluk mo’guligisa. 25Asogo mo’gulegisema, at ’gain Nebukadnezar en e,
“Asogo a’geat de, ap enebe 4 a’ge odouk magale ogola’gwe lak-wak ogumu nil yerentegis ai nogorlok e. Is ene’gik herle hebelik odouk magale ogola’gwe lak-wak ogukhwe, enebe emin, enebam di a’ge yu a’ge emin, mesik odouk en no erlak en oruak o. Is enebe henagan asogo oruakhwe, at mesik ai, ebe aphwami en e,
Nenaik ebe yuat o, oluk erliktogwi a’ge orogole ’gela’ge hegi o,” oluk mo’gulentesi.
Is ap enebe henagan eriano lebigenebesirik, enebe modok ’gain welemagoluk edigenebesi wene
26At ’gain Nebukadnezar en asogo mo’gulentesirik, ebe o odouk pegesema ano ’godukmu lagarik e, iak loksogo disogo mo’gulentesi,
“Sadrakh, Mesakh, Abednego, his henebe ’gain Allah lok logo welat anni a’bik a’ge ano eragam a’ge o. Holuk e, his henebe odoukmu en liplau manis o,” oluk mo’gulentesimu liplau wegesa. 27Asogo liplau wegesema, is ap ’gain ano osi e’gik ’bekhit akhit a’ge emin, gubernur emin, bupati emin, at ’gain esa’go worogu legesa a’ge emin, enebe ’berlegat is Sadrakh emin, Mesakh emin, Abednego emin, eneragam o’gwe en leget ’gela’ge wali’gogo enebegesa. Asogo wale’gik enebegesa a’ge re, is enebam odouk en logon ’balenebegeimu ene’ben hegesa modok erlak. Enasu e’gen odouk en wisogo logon no erlagat, onosum odouk en ’balegei erlagat, enebetne odouk en ne’gei a’ge ene’ben ogo erlagat, hegesa.
28Asogo hegesarik, at ’gain en disogo mo’gulentesi,
“At Allah Sadrakh emin, Mesakh emin, Abednego emin en, erliktogwi a’ge aiyat erliktogu lomok o. Is e, aphwami en e,
Nenaik ebe yuat o, oluk erliktogwi a’ge ai erliktu enebit o. We, Allah is erliktogwi a’ge ai nak erliktul ai o oluk, enede at ebam he’berik poluk welat,
Nenebe watnonobua holuk obat o, oluk an en wene edip lebikpegi a’ge ukpegesema, wene enebam pegi a’geat de, at Allah en is malaikat a’ge mesik ene’bek perakpou wagarik is delenebegei ai o.
29Ai en e, aphwami en,
Nenaik ebe yuat o, oluk ogwi a’ge logon e Allah en is delenebegei ai ’gela’ge togwi modok erlak ai en e, his aphwami hena’gul onuk lo’bok, henagap lo’bok, heniak lo’bok, logon en e,
Allah Sadrakh emin, Mesakh emin, Abednego emin, enaik erliktogwi ai wiak, oluk obok wiak ogwi holuk, enebe lebil-lebalsogo weragonoboluk, onowi werik moluk-melaksogo ’bo pouwa ani o, oluk an nebe enat wene lebikpegi ai o,” oluk mo’gulentesi.
30Asogo mo’gulentesirik, is Sadrakh emin, Mesakh emin, Abednego emin, o propinsi Babel enebe modok ’gain ononuk logo a’ge welat tenentarok welemagoluk edigenebesiat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in