2 Tesalonika 2
2
Kristus wom erlak oruakhwe,
at ebabut modok wiak a’ge
selakma hebarligen emarik tua wene
1 #
1Tes. 4:15-17
Narilak norokhwi. Nonue ’gain Onuk Logo a’ge Yesus Kristus ebe wemarik e, at emin mesikmu wolomogoluk odoknenebil wema ai paget, henesa’go opsogo werik o. 2Nonue ’gain Onuk Logo a’ge wema ai erlige arat agama oluk, is aphwami logon en e,
“Allah Arogun en disogo mo’gulnesi a’geat o,” oluk mo’gulhontogulat, is nin pema en,
“Wene ebe disogo a’geat o,” oluk mo’gulhontogulat, is logon en, wene nis en pelal wege a’ge paget,
“Ebe disogo a’geat o,” oluk mo’gulhontogulat, ogwi ai pam, henede perleneat nal-pal uema lei worogupno oluk mo’gulhentegis ai o. 3Aphwami logon en,
“Allah nenebit o,” oluk, ukpoluk libagalat, at ebabut modok wiak a’ge ano pobuk Allah en odouk orloukmu perakpouwa a’ge ano hebarligen agalat, asogo naduk tua ai en e, is logon en disogo ogulat, asogo ogulat, lalhonobuano yo. Nebit o. 4#Dan. 11:36; Yeh. 28:2At ai ebe selakma emarik, Allah owi werikmu inla ’guarik, u’gwarek en erlikhwerlasulat e,
“Aphwami enede di a’ge yu a’ge pam he’berik welat erliktogwi a’ge emin,
Nenaik ebe yu, oluk ogwi a’ge ai ’berlek emin, mia nak a’geat de, logo re, Allah nebe anat o,” oluk ese lema ai o.
5’Berlegat asogo ema ai paget, an his henemin welat mo’gulhentasu legi ano honogola eberak erlak welegep no? Eberagat welegep epasu legi o. 6At ebabut wiak a’ge ebe owan wom erlak oruak ai, mu a’ge en tenak poluk oruak, oluk, henalugat o. Tenak poluk oruakma, at Allah enat,
“Selakma emak o,” oluk ua hegitsogoat selakma emayat o. 7A’ge re, aphwami logon en,
“Allah nenebit o,” oluk, ukpoluk libagalat enebabut wiak tua a’ge, yogodak hisakho togwiat o. A’ge re, at mesik en tenak poluk oruak a’ge ai Allah en wokhoma re, 8#Yes. 11:4at ebabut modok wiak a’ge ai selakmayat wema. Wemarik e, wiak togwi oruakma, nonue ’gain Onuk Logo a’ge Yesus erliktogukhwe pobuk wagalat emde a’ge en pusogo ebe wusogo modok erlagap pouwa o. 9#Mat. 24:24Asogo erlagap pouwa a’ge owan oruakhwe re, at ebabut modok wiak a’ge ano, Iblis en anni wogommu aphwami en erliktogulat, at ebam enede eberogulat, tuagoluk, di a’ge yu a’ge tu puk a’ge demat ’gela’ge elalinat tise lema o. 10Asogo tagalat e, dem wene ai aphwami enagai en woma re, Allah en delonobu a’geat de, at ebabut wiak a’ge ai en lal-’bal tagenebasuam, is en e,
“Dem wene ai nenebit o,” oluk, ogu lema ano pam wiagabonobua o. 11-12Is aphwami ai en dem wene ai demat oluk wo erlak welat,
“Wiak a’ge aiat nenagai o,” oluk togu lema a’ge ai, enebe ’berlegat Allah en wene enebam poluk wiagabenebiogoluk e, nelagenebasu a’ge anni wiak a’ge mesik perakpouma o. Perakpouma re, iak esei ua a’geat de, demat ’gela’ge wouwa ai o.
“His Allah en delhenebiogoluk polikhenebesi o,”
oluk mo’gulentesi wene
13Narilak norokhwi. Henebe nonue ’gain Onuk Logo a’ge en ede hwedik oruak o. Edip pam Allah en henebe delhenebiogoluk polikhenebesimu, his en dem wene ai demat o, oluk wogulat, ye, henebe Allah Arogun en Allah u’gwarek ebaget pagathorloluk degelogo henebasulat, taga lema ai pam delhonobua ai en, nis Allah hau woru hegitsogoat, his henebaget hau worogwi modogat welege o. 14Nonue ’gain Onuk Logo a’ge Yesus Kristus erliktogwi modok welagai ’gela’ge, his asogoat henemin erlikhonobuagoluk, Allah agai en op wene nis en mo’gulhentau wege ai pam, yo’go henebesimu welegep o. 15Ai en e, narilak norokhwi. Wene nis en mo’gulhontogulat neniak pam en mo’gulhontogulat, pelal wokho hene’bek perakpou wagalat, tige a’ge ai, hene’gik ’betesogo tenak welat e, henannisogoat edik wolomup o.
16At nonue ’gain Onuk Logo a’ge Yesus Kristus, nenaik Allah e’birek enebabut op ano en, enedeap nenebegesarik, nenede o’borlogouk erlak modok welemagoluk ago werak nonobogulat, op emayat oluk ebam eberak welemagoluk nenede ’gagalogulat, togwi o. 17Asogo togwi a’ge ai enat, his hene’gik en op a’ge togulat, heniak pam op a’ge mo’gulontogulat, togu lorogup en, honogola obaphonobogulat, henede hurleaphonobogulat, togu lemak o.
Currently Selected:
2 Tesalonika 2: Wul
Highlight
Copy
Compare
Share
Want to have your highlights saved across all your devices? Sign up or sign in
2 Tesalonika 2
2
Kristus wom erlak oruakhwe,
at ebabut modok wiak a’ge
selakma hebarligen emarik tua wene
1 #
1Tes. 4:15-17
Narilak norokhwi. Nonue ’gain Onuk Logo a’ge Yesus Kristus ebe wemarik e, at emin mesikmu wolomogoluk odoknenebil wema ai paget, henesa’go opsogo werik o. 2Nonue ’gain Onuk Logo a’ge wema ai erlige arat agama oluk, is aphwami logon en e,
“Allah Arogun en disogo mo’gulnesi a’geat o,” oluk mo’gulhontogulat, is nin pema en,
“Wene ebe disogo a’geat o,” oluk mo’gulhontogulat, is logon en, wene nis en pelal wege a’ge paget,
“Ebe disogo a’geat o,” oluk mo’gulhontogulat, ogwi ai pam, henede perleneat nal-pal uema lei worogupno oluk mo’gulhentegis ai o. 3Aphwami logon en,
“Allah nenebit o,” oluk, ukpoluk libagalat, at ebabut modok wiak a’ge ano pobuk Allah en odouk orloukmu perakpouwa a’ge ano hebarligen agalat, asogo naduk tua ai en e, is logon en disogo ogulat, asogo ogulat, lalhonobuano yo. Nebit o. 4#Dan. 11:36; Yeh. 28:2At ai ebe selakma emarik, Allah owi werikmu inla ’guarik, u’gwarek en erlikhwerlasulat e,
“Aphwami enede di a’ge yu a’ge pam he’berik welat erliktogwi a’ge emin,
Nenaik ebe yu, oluk ogwi a’ge ai ’berlek emin, mia nak a’geat de, logo re, Allah nebe anat o,” oluk ese lema ai o.
5’Berlegat asogo ema ai paget, an his henemin welat mo’gulhentasu legi ano honogola eberak erlak welegep no? Eberagat welegep epasu legi o. 6At ebabut wiak a’ge ebe owan wom erlak oruak ai, mu a’ge en tenak poluk oruak, oluk, henalugat o. Tenak poluk oruakma, at Allah enat,
“Selakma emak o,” oluk ua hegitsogoat selakma emayat o. 7A’ge re, aphwami logon en,
“Allah nenebit o,” oluk, ukpoluk libagalat enebabut wiak tua a’ge, yogodak hisakho togwiat o. A’ge re, at mesik en tenak poluk oruak a’ge ai Allah en wokhoma re, 8#Yes. 11:4at ebabut modok wiak a’ge ai selakmayat wema. Wemarik e, wiak togwi oruakma, nonue ’gain Onuk Logo a’ge Yesus erliktogukhwe pobuk wagalat emde a’ge en pusogo ebe wusogo modok erlagap pouwa o. 9#Mat. 24:24Asogo erlagap pouwa a’ge owan oruakhwe re, at ebabut modok wiak a’ge ano, Iblis en anni wogommu aphwami en erliktogulat, at ebam enede eberogulat, tuagoluk, di a’ge yu a’ge tu puk a’ge demat ’gela’ge elalinat tise lema o. 10Asogo tagalat e, dem wene ai aphwami enagai en woma re, Allah en delonobu a’geat de, at ebabut wiak a’ge ai en lal-’bal tagenebasuam, is en e,
“Dem wene ai nenebit o,” oluk, ogu lema ano pam wiagabonobua o. 11-12Is aphwami ai en dem wene ai demat oluk wo erlak welat,
“Wiak a’ge aiat nenagai o,” oluk togu lema a’ge ai, enebe ’berlegat Allah en wene enebam poluk wiagabenebiogoluk e, nelagenebasu a’ge anni wiak a’ge mesik perakpouma o. Perakpouma re, iak esei ua a’geat de, demat ’gela’ge wouwa ai o.
“His Allah en delhenebiogoluk polikhenebesi o,”
oluk mo’gulentesi wene
13Narilak norokhwi. Henebe nonue ’gain Onuk Logo a’ge en ede hwedik oruak o. Edip pam Allah en henebe delhenebiogoluk polikhenebesimu, his en dem wene ai demat o, oluk wogulat, ye, henebe Allah Arogun en Allah u’gwarek ebaget pagathorloluk degelogo henebasulat, taga lema ai pam delhonobua ai en, nis Allah hau woru hegitsogoat, his henebaget hau worogwi modogat welege o. 14Nonue ’gain Onuk Logo a’ge Yesus Kristus erliktogwi modok welagai ’gela’ge, his asogoat henemin erlikhonobuagoluk, Allah agai en op wene nis en mo’gulhentau wege ai pam, yo’go henebesimu welegep o. 15Ai en e, narilak norokhwi. Wene nis en mo’gulhontogulat neniak pam en mo’gulhontogulat, pelal wokho hene’bek perakpou wagalat, tige a’ge ai, hene’gik ’betesogo tenak welat e, henannisogoat edik wolomup o.
16At nonue ’gain Onuk Logo a’ge Yesus Kristus, nenaik Allah e’birek enebabut op ano en, enedeap nenebegesarik, nenede o’borlogouk erlak modok welemagoluk ago werak nonobogulat, op emayat oluk ebam eberak welemagoluk nenede ’gagalogulat, togwi o. 17Asogo togwi a’ge ai enat, his hene’gik en op a’ge togulat, heniak pam op a’ge mo’gulontogulat, togu lorogup en, honogola obaphonobogulat, henede hurleaphonobogulat, togu lemak o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in