2 Tesalonika 1
1
Hau warenebegei wene
1 #
Per. 17:1
His Allah eiyagai o Tesalonika odoktogulat, nenaik Allah emin, nonue ’gain Onuk Logo a’ge Yesus Kristus emin, henemin hwedik welegep a’ge, narilak norokhwi o. An Paulus, Silas Timotius e’birek enemin en wene yu pelal wokho hene’bek perakpou wege ai o. 2Nenaik Allah, nonue ’gain Onuk Logo a’ge Yesus Kristus e’birek enebabut op ano en, op a’ge wokhontogulat, henede ha’bugaphonobogulat, togu lemak o.
Kristus en wene enebam pasulat, no’gorliselat, tuma wene
3Narilak norokhwi o. His henede Kristus ebam he’berik welegep a’ge ai, ado emin loksogoat he’berik pogulat, his-his henebe lo’bok nede-hedesogo togu legep a’ge ai, logon emin loksogoat henedeabonobogulat, togu legep ai en, nis en his henebaget Allah erliktu a’geat erliktogwi modok welege o. 4Aphwami en di obotut yu obotut takhonobogukhweat de, henepe mosogo welat, henede Kristus ebam asogoat he’berik welegep ai en e, nis en Allah eiyagai o di owi yu owi odoktogwi a’ge honobok mo’gulontogulat nenalong aga lege o.
5Allah en aphwami wene enebam pasulat, no’gorliselat, hegitsogoat pasu oluk enagat ema o. His yogodak Allah eragam ’gwigeptik iak hologo welegep a’ge ai paget, aphwami en di obotut yu obotut takhonobogukhwe asogo welegep ai en e, at en pobuk e,
“His an neragam ’goguptik honowirak modogat wolomup o,” oluk, mo’gulhontouwa ai o. 6-8Nonue ’gain Onuk Logo a’ge Yesus osi malaikat yo’go no’gwi a’ge enemin ’bogorl pam en enannisogo selakmayat odouk magale ogola ’bu agaiam e, Allah en wene aphwami enebam hegitsogo pasulat, is en di obotut yu obotut takhonobogwi a’ge, o’go hegitsogoat wiagabenebiselat, ye, his di obotut yu obotut hogu legep a’ge ai, nis neneminat nonogola obapnenebiselat, tua o. Asogo tagalat e, is aphwami Allah ebe enaluk om enebit welat, nonue ’gain Onuk Logo a’ge Yesus tegei wene op wene ano wo erlakma en ukpogwi a’ge ai wene enebam pouwa o. 9#Yes. 2:10Is asogo wene enebam poluk e, nonue ’gain Onuk Logo a’ge anni a’bik en erliktogwi modok welagaimu ilem eba enat wiakma eba modogat welemagoluk peragonobouwa o. 10At wema ai erlige ebe wagoam e, u’gwarek eiyagai enede at ebam he’berik poluk welagai a’ge en, at ebe erliktogulat, hau do’goksogo worogulat, tuagoluk wema ai o. Ye, nis en wene ai nenaluk a’ge ’baksogo mo’gulhentau wegema re, his en,
“Demat o,” oluk wegep ai en, his henemin enat, at erliktogup o.
11At Allah en e,
“His asogo togu lomup o,” oluk, yo’go henebesi ’gela’geat hegitsogo togu lorogup en, nis en his henebaget se’ban ogwi modok welege o. His honogola en e,
“Nis op togullo e,” oluk, opogu legep a’ge ai, Allah en asogo takhenebasulat, ye, henede at ebam he’berik poluk welat togu legep a’ge ai, at enat henede hurleaphenebasulat, at anni ai pam takhenebasu lemak o. 12Nenaik Allah, nonue ’gain Onuk Logo a’ge Yesus Kristus e’birek enebabut op ano en takhenebasuam asogo togu lorogup ai en, his en e, nonue ’gain Onuk Logo a’ge Yesus onuk ’balogo logo pogulat, at en e, his ogo logo henebasulat, tua ai o.
Currently Selected:
2 Tesalonika 1: Wul
Highlight
Copy
Compare
Share
Want to have your highlights saved across all your devices? Sign up or sign in
2 Tesalonika 1
1
Hau warenebegei wene
1 #
Per. 17:1
His Allah eiyagai o Tesalonika odoktogulat, nenaik Allah emin, nonue ’gain Onuk Logo a’ge Yesus Kristus emin, henemin hwedik welegep a’ge, narilak norokhwi o. An Paulus, Silas Timotius e’birek enemin en wene yu pelal wokho hene’bek perakpou wege ai o. 2Nenaik Allah, nonue ’gain Onuk Logo a’ge Yesus Kristus e’birek enebabut op ano en, op a’ge wokhontogulat, henede ha’bugaphonobogulat, togu lemak o.
Kristus en wene enebam pasulat, no’gorliselat, tuma wene
3Narilak norokhwi o. His henede Kristus ebam he’berik welegep a’ge ai, ado emin loksogoat he’berik pogulat, his-his henebe lo’bok nede-hedesogo togu legep a’ge ai, logon emin loksogoat henedeabonobogulat, togu legep ai en, nis en his henebaget Allah erliktu a’geat erliktogwi modok welege o. 4Aphwami en di obotut yu obotut takhonobogukhweat de, henepe mosogo welat, henede Kristus ebam asogoat he’berik welegep ai en e, nis en Allah eiyagai o di owi yu owi odoktogwi a’ge honobok mo’gulontogulat nenalong aga lege o.
5Allah en aphwami wene enebam pasulat, no’gorliselat, hegitsogoat pasu oluk enagat ema o. His yogodak Allah eragam ’gwigeptik iak hologo welegep a’ge ai paget, aphwami en di obotut yu obotut takhonobogukhwe asogo welegep ai en e, at en pobuk e,
“His an neragam ’goguptik honowirak modogat wolomup o,” oluk, mo’gulhontouwa ai o. 6-8Nonue ’gain Onuk Logo a’ge Yesus osi malaikat yo’go no’gwi a’ge enemin ’bogorl pam en enannisogo selakmayat odouk magale ogola ’bu agaiam e, Allah en wene aphwami enebam hegitsogo pasulat, is en di obotut yu obotut takhonobogwi a’ge, o’go hegitsogoat wiagabenebiselat, ye, his di obotut yu obotut hogu legep a’ge ai, nis neneminat nonogola obapnenebiselat, tua o. Asogo tagalat e, is aphwami Allah ebe enaluk om enebit welat, nonue ’gain Onuk Logo a’ge Yesus tegei wene op wene ano wo erlakma en ukpogwi a’ge ai wene enebam pouwa o. 9#Yes. 2:10Is asogo wene enebam poluk e, nonue ’gain Onuk Logo a’ge anni a’bik en erliktogwi modok welagaimu ilem eba enat wiakma eba modogat welemagoluk peragonobouwa o. 10At wema ai erlige ebe wagoam e, u’gwarek eiyagai enede at ebam he’berik poluk welagai a’ge en, at ebe erliktogulat, hau do’goksogo worogulat, tuagoluk wema ai o. Ye, nis en wene ai nenaluk a’ge ’baksogo mo’gulhentau wegema re, his en,
“Demat o,” oluk wegep ai en, his henemin enat, at erliktogup o.
11At Allah en e,
“His asogo togu lomup o,” oluk, yo’go henebesi ’gela’geat hegitsogo togu lorogup en, nis en his henebaget se’ban ogwi modok welege o. His honogola en e,
“Nis op togullo e,” oluk, opogu legep a’ge ai, Allah en asogo takhenebasulat, ye, henede at ebam he’berik poluk welat togu legep a’ge ai, at enat henede hurleaphenebasulat, at anni ai pam takhenebasu lemak o. 12Nenaik Allah, nonue ’gain Onuk Logo a’ge Yesus Kristus e’birek enebabut op ano en takhenebasuam asogo togu lorogup ai en, his en e, nonue ’gain Onuk Logo a’ge Yesus onuk ’balogo logo pogulat, at en e, his ogo logo henebasulat, tua ai o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in