2 Tesalonika 3
3
“Se’ban nis nenebaget ogu lomup o,”
oluk mo’gulentesi wene
1Narilak norokhwi. Wene ologun pam mesik yu mo’gulhentaik. Nonue ’gain Onuk Logo a’ge iak perleneat wiyalagarik his oruakma eba wagama obat wegep ’gela’ge, asogoat wiyaletil lasumu is logon en opsogo wouwagoluk, nis nenebaget se’ban ogu lomup o. 2Is aphwami ’berlek en,
“Wene ai demat,” oluk wegesarik nak oruak puk. We, is logon wo erlak a’ge enebabut dagan togulat, wiak togulat, togwi a’ge en, wiagapnonobuogoluk togumu, Allah en delnenebise lemagoluk e, nis nenebaget se’ban ogu lomubat o.
3A’ge re, nenede nonue ’gain Onuk Logo a’ge ebam he’berik pogwiam e, neniak hologo tiso a’ge ai en henede hurleaphenebiselat, at ebabut modok wiak a’ge ai en wiagap henebiogoluk tagoam tenhentarok welema ai en, henede at ebam he’berik poluk wolomup o. 4Tenhentarok oruakma, nis nonogola en e,
“Is en e, nis en is enesa’go worogu lege a’ge ano, yogodak hegitsogo togulat, pobuk asogoat togulat, togu lema o,” oluk nonue ’gain Onuk Logo a’ge emin hwedik welat demat opogu lege o.
5His henede en e,
“Nenebe Allah ede o,” oluk pobi togulat, henebabut Kristus epe mosogo welat taga laga ’gela’ge, ebabut wogulat, loksogo togu lorogup en, nonue ’gain Onuk Logo a’ge ebe henedemu welat, henede ’gagalise lemak o.
Onu’gwarek eniabuk ene’gik enat wokho
no’gu lemagoluk mo’gulentesi wene
6Narilak norokhwi. His henarilak honorokhwi logon Allah eiyagai a’geat de, wene nis en henesa’go werige a’ge ano hologo tu erlakma en ukpoluk, ene’gik wogwi erlak sorli no’gwi a’ge ai, emin hwedik wolorogup no yo.
7Nis e, his henemin welat nene’gik en tenhogwi erlakma en sorli no’gu lege erlak ano re, his en nis nenebabut wokho tu a’ge henalugat o. 8Nis en e, so’boru his hene’bek logon o’go ’balu erlakma en weat no’gu lege erlagat o. We, his logon henebam seget wiak hogu lorogupno oluk e, nis hup erlige en modok set hoporak nonu’gwarek enat nenannisogo takpoluk o’go ’balogo no’gu lege ai o. 9Nis en e, his henebam ’gonu mo’gulhonto elirat a’geat de, his nis nenebabut wagup en, ’gonu u erlakma nonu’gwarek en asogo togu lege ani o. 10Nis naduk henemin welat mo’gulhontogulat e,
“His logon yabuk wo erlakma en enebabut sorli a’ge ai, so’boru no erlakma en weat welemak o,” oluk, mo’gulhontogu legeat ani o. 11Wene asogo mo’gulhentige a’geat de, is logon en e,
“Aphwami is a’ge logon onu’gwarek eniabugat de, horlogwi erlak welat, is mu a’ge onowene de, dalo’bok il denagai o,” oluk mo’gulnentigisema nenesa’go hweligerik en mo’gulhentige ai o. 12Nis en e, aphwami his a’ge enebabut asogo togwi a’ge ai, enil ha’buksogo welat, onu’gwarek ene’gik enat yabuk wokho onso’boruat no’gu lemagoluk, nonue ’gain Onuk Logo a’ge Yesus Kristus emin hwedik welat, at en oso a’ge is aphwami enede ’gagalogo enesa’go werige ai o.
13Narilak norokhwi. Op a’ge togulat, henebit erlaksogoat til laga lomup o. 14Wene pelal wokho hene’bek perakpou wege a’ge ai, is logon enesa’go hologo tu enebit a’ge ai, ene’gerli emagoluk is enebabut asogo togwi a’ge ai pobirak poluk, enemin hwediktak poluk wolorogup o. 15Asogo a’geat de, enemin il ’belak ’gela’ge togu lorogup o. We,
“Nenarilak nonorokhwi Allah eiyagai a’geat o,” oluk, opsogo enesa’go worogu lomup o.
Wene ologun wusogo hau warenebegei wene
16Nonue ’gain Onuk Logo a’ge nenede ha’bugapnenebiso a’ge ano u’gwarek en di paget yu paget henede ha’bugaphenebiso modok welat e, henebe ’berlegat tenhentarok welemak o. 17An en wene ’berlegat pelal wasulat e,
“At Paulus en ’balegeimu hegi o,” oluk, enak a’ge pobi tuagoluk, wene ologun wusogo hau wathenebiselat e, nu’gwarek ne’gik enat ’baliso ano ’gela’ge, yogodak yu hau wathenebiselat ’balegis a’ge ne’gik enagat ai o. 18Nonue ’gain Onuk Logo a’ge Yesus Kristus ebabut op ano en, his ’berlegat opsogo tenhentarok welemak o.
Currently Selected:
2 Tesalonika 3: Wul
Highlight
Copy
Compare
Share
Want to have your highlights saved across all your devices? Sign up or sign in
2 Tesalonika 3
3
“Se’ban nis nenebaget ogu lomup o,”
oluk mo’gulentesi wene
1Narilak norokhwi. Wene ologun pam mesik yu mo’gulhentaik. Nonue ’gain Onuk Logo a’ge iak perleneat wiyalagarik his oruakma eba wagama obat wegep ’gela’ge, asogoat wiyaletil lasumu is logon en opsogo wouwagoluk, nis nenebaget se’ban ogu lomup o. 2Is aphwami ’berlek en,
“Wene ai demat,” oluk wegesarik nak oruak puk. We, is logon wo erlak a’ge enebabut dagan togulat, wiak togulat, togwi a’ge en, wiagapnonobuogoluk togumu, Allah en delnenebise lemagoluk e, nis nenebaget se’ban ogu lomubat o.
3A’ge re, nenede nonue ’gain Onuk Logo a’ge ebam he’berik pogwiam e, neniak hologo tiso a’ge ai en henede hurleaphenebiselat, at ebabut modok wiak a’ge ai en wiagap henebiogoluk tagoam tenhentarok welema ai en, henede at ebam he’berik poluk wolomup o. 4Tenhentarok oruakma, nis nonogola en e,
“Is en e, nis en is enesa’go worogu lege a’ge ano, yogodak hegitsogo togulat, pobuk asogoat togulat, togu lema o,” oluk nonue ’gain Onuk Logo a’ge emin hwedik welat demat opogu lege o.
5His henede en e,
“Nenebe Allah ede o,” oluk pobi togulat, henebabut Kristus epe mosogo welat taga laga ’gela’ge, ebabut wogulat, loksogo togu lorogup en, nonue ’gain Onuk Logo a’ge ebe henedemu welat, henede ’gagalise lemak o.
Onu’gwarek eniabuk ene’gik enat wokho
no’gu lemagoluk mo’gulentesi wene
6Narilak norokhwi. His henarilak honorokhwi logon Allah eiyagai a’geat de, wene nis en henesa’go werige a’ge ano hologo tu erlakma en ukpoluk, ene’gik wogwi erlak sorli no’gwi a’ge ai, emin hwedik wolorogup no yo.
7Nis e, his henemin welat nene’gik en tenhogwi erlakma en sorli no’gu lege erlak ano re, his en nis nenebabut wokho tu a’ge henalugat o. 8Nis en e, so’boru his hene’bek logon o’go ’balu erlakma en weat no’gu lege erlagat o. We, his logon henebam seget wiak hogu lorogupno oluk e, nis hup erlige en modok set hoporak nonu’gwarek enat nenannisogo takpoluk o’go ’balogo no’gu lege ai o. 9Nis en e, his henebam ’gonu mo’gulhonto elirat a’geat de, his nis nenebabut wagup en, ’gonu u erlakma nonu’gwarek en asogo togu lege ani o. 10Nis naduk henemin welat mo’gulhontogulat e,
“His logon yabuk wo erlakma en enebabut sorli a’ge ai, so’boru no erlakma en weat welemak o,” oluk, mo’gulhontogu legeat ani o. 11Wene asogo mo’gulhentige a’geat de, is logon en e,
“Aphwami is a’ge logon onu’gwarek eniabugat de, horlogwi erlak welat, is mu a’ge onowene de, dalo’bok il denagai o,” oluk mo’gulnentigisema nenesa’go hweligerik en mo’gulhentige ai o. 12Nis en e, aphwami his a’ge enebabut asogo togwi a’ge ai, enil ha’buksogo welat, onu’gwarek ene’gik enat yabuk wokho onso’boruat no’gu lemagoluk, nonue ’gain Onuk Logo a’ge Yesus Kristus emin hwedik welat, at en oso a’ge is aphwami enede ’gagalogo enesa’go werige ai o.
13Narilak norokhwi. Op a’ge togulat, henebit erlaksogoat til laga lomup o. 14Wene pelal wokho hene’bek perakpou wege a’ge ai, is logon enesa’go hologo tu enebit a’ge ai, ene’gerli emagoluk is enebabut asogo togwi a’ge ai pobirak poluk, enemin hwediktak poluk wolorogup o. 15Asogo a’geat de, enemin il ’belak ’gela’ge togu lorogup o. We,
“Nenarilak nonorokhwi Allah eiyagai a’geat o,” oluk, opsogo enesa’go worogu lomup o.
Wene ologun wusogo hau warenebegei wene
16Nonue ’gain Onuk Logo a’ge nenede ha’bugapnenebiso a’ge ano u’gwarek en di paget yu paget henede ha’bugaphenebiso modok welat e, henebe ’berlegat tenhentarok welemak o. 17An en wene ’berlegat pelal wasulat e,
“At Paulus en ’balegeimu hegi o,” oluk, enak a’ge pobi tuagoluk, wene ologun wusogo hau wathenebiselat e, nu’gwarek ne’gik enat ’baliso ano ’gela’ge, yogodak yu hau wathenebiselat ’balegis a’ge ne’gik enagat ai o. 18Nonue ’gain Onuk Logo a’ge Yesus Kristus ebabut op ano en, his ’berlegat opsogo tenhentarok welemak o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in