2 Yohanes 1
1
Hau warenebegei wene
1-2An en, Allah eiyagai tenhentarok welemagoluk, at en ediknebesi a’ge honue ano en, his Allah eiyagai dakhenebegei a’ge nak henebe re, hwe mesigat a’ge ebe Allah en polik pesi a’ge emalik enemin ’gela’geatma re, wene yu hau wusogo pelal wokho hene’bek perakpou wegi ai o. Henebe demat nede o. An nematek nak en henebe nede welegi puk. We, is logon enemin dem wene yogodak nonogola wolomtik pobuk modok-modogat welema a’ge ai wegesarik enaluk egesa a’ge en enedeaphenebegesayat o. 3Ai en, narilak norokhwi. Nis dem wene wik-wok, nis-nis nede-hedesogo oruakma, nenaik Allah omlogo Yesus Kristus e’birek enebabut op ano en op a’ge woknontogulat, enedeapnonobogulat, nenede ha’bugapnonobogulat, togu lemak o.
“Yesus en wene edip pam mo’gulnentesi wene ebam louksogo togwi modok wolom o,” oluk mo’gulentesi wene
4His henebe re, hwe mesigat a’ge emalik ’gela’ge welat, henebe logon nenaik Allah en dem wene nenesa’go weregei ano hegitsogoat togu legep a’ge henebabut ’balegistik, nogola nagai a’bik hasu legi o. 5#Yoh. 13:34; 15:12,17Ai en e, nerei o. Wene ’get a’ge pelal wokho hemalik enemin oruakma hene’bek perakpou wegi puk. Erlak o. We, page nis dem wene ai nenesa’go hwelak oruakma, at Allah en nis-nis nede-hedesogo welemagoluk edipmu enat nenesa’go weregeimu nenaluk a’ge ano pelal wokho hene’bek perakpou wegi ai o. 6Nis-nis nede-hedesogo wolom ai ebe re, wene Allah en nenesa’go weregei wene ano hegitsogo togulom aiat o. Wene nenesa’go weregei ai re, ebe yu, “His-his nede-hedesogo togu lomup,” oluk edipmu en nenesa’go weregeimu hwelige ai ’gela’geat togulom o. 7Asogo togulom ai re, is aphwami enebe a’bik en, “Yesus Kristus ai abat daklau wom erlak,” oluk, lalonobogwi a’ge enebe selakma egesarik ’gwiangma o di owi yu owi ’berlegat no’gwi ai en, nede-hedesogo togulom egi ai o. Is ai enebe re, Kristus emin modok il ’belak welat aphwami lalonobogwi a’ge anoat o. 8Ye, nis en his takhonobogu lege ano paget, his logon o’go wo erlakma en nal ema no oluk, ’berlegat wagup en e, henebabut heberlogo wolomup o. Welat e, Allah en, “His o’go wokhentaik,” oluk wene werak nenebesi ano, his logon nalom erlakma en ’berlegat hwerlagup en e, henannisogo togu lomup o. 9Sa en wene Kristus en mo’gulnentesi wene ai pam louktak togwi erlak welat, mu a’ge de, tiso holuk e, Allah ebe eiye om erlakma en oruak o. Asogo a’geat de, sa en wene Kristus en mo’gulnentesi a’ge ai pam louktak modok til lasu lema holuk e, nenaik Allah emin, omlogo Yesus emin, e’birek eiye agarik oruak o. 10-11Aphwami logon en wene Kristus en mo’gulnentesi wene erlak, we, wene mu a’ge mo’gulhentau wagaiam, sa en aphwami enebabut ategenik a’ge hau wusogo owi pam wasuam e, at ebabut wiak tiso a’ge ai ebabut hwerlasu ai en e, his en aphwami enebabut ategenik a’ge hau wusogo honowi pam wogonobu modok mia o.
Wene ologun wusogo hau warenebegei wene
12Wene a’bigat hene’bek perakpou wom oruagat a’geat de, odo a’bosu suesi’ga pam pelal wo re, nebit o. We, nonogola nenagai hogu lege a’ge ai ebenagaikmu nenagai houwogoluk e, nenemin mesikmu weneane nene’berli yet-yet uogoluk, an nebe hene’bek weik epasu legi o. 13Hwe mesik Allah en polik pesi a’ge, emalik en enia hwe ebe hau woru ’gela’ge, is Allah eiyagai yema a’ge en e, his hau wathenebigisa o.
Currently Selected:
2 Yohanes 1: Wul
Highlight
Copy
Compare
Share
Want to have your highlights saved across all your devices? Sign up or sign in
