Zefania 1
1
A siku ga Jehova.
1Leyi hi mhaka ya Jehova yi ngata ka Zefania a nʼwana Kuxi wa Gedalia, wa Amaria, wa Hezekia, masikwini ya Josia nʼwana Amoni, a hosi ya ka Juda.
2Nzi ta lovisa zontlhe lezi zi nga kona misaveni, ku wula Jehova.
3Nzi ta lovisa a vanhu ni zihari, nzi lovisa tinyanyani ta tilo ni zidluwani za bimbi, a zikhunguvanyiso ni lava vobiha; nzi ta fuvisa vanhu laha misaveni, ku wula Jehova.
4Nzi ta nawuluta a canja ga mina hehla ka Juda, ni le hehla ka vontlhe vaaki va le Jerusalema; nzi ta lovisa a salela wa Baali wutshanwini legi, ni vito ga vapristi va zifananiso zinwe ni vapristi; 2 Tih. 23:4
5ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.
6Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.
7Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13
8Hi siku ga muphahlelo wa Jehova nzi ta tsayisa a tihosana ni vana va hosi, ni vontlhe lava va ambeleko a tinguwo ta ginwani tiko. 2 Tih. 25:6
9Hi siku lego nzi ta tsayisa lava va tlulako a xipimbitsi, lava va tatako a yindlu ya hosi yabye hi lezi zi phangilweko hi kanu ni kukhohlisa.
10Hi siku lego, ku wula Jehova, ku ta zwala xirilo lomu Nyangweni ya Zidluwani, ni hlomulo hi tlhelo ga xipanze xiswa xa muti, ni guwa ga hombe hi le xitsungeni. 2 Tih. 22:14; Neh. 3:3
11Nwina vaaki va le Maktexi, banani nkosi, hakuva a vamahungani vontlhe va mbhelile, va file vontlhe lava va nga wa hi ni mati yo tala.
12Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!
13A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11
14A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!
15Lego siku i siku ga khulo, i siku ga zikarato ni hlokiselelo, a siku ga kuhahlula ni kuhangalaka, a siku ga munyama ni dzuvi, a siku ga marefu ni kuphuma.
16I siku ga mpunzu ni nyandayeyo zi vukelako a miti yi bhiyelweko ni makhokhola ma tlakukileko.
17Nzi ta neha a hlokiselelo xikari ka vanhu, kasi va fela ku famba khwatsi zikhumu, hakuva va onhele Jehova. A nkhata wabye wu ta hangalaswa khwatsi i tshuri, hi mimiri yabye kukotisa a koho.
18A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.
Currently Selected:
Zefania 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
