Zakaria 9
9
A kulobyiswa ka valala va Juda.
1A xiprofeto xa Jehova hi tiko ga Hadrake, xi ta tshama ni hehla ka Damasku; hakuva a tihlo ga Jehova gi cuwuka a vanhu vanwani kukotisa loku a cuwuka tontlhe tixaka ta ka Israeli; Isa. 17:1; Jer. 32:19
2xi le hehla ka Hamate kambe, legi gi gamekeneko nawo; ni le hehla ka Tire ni Sidoni, lomu va tlharihileko nguvu.
3Tire i ti akele a khokhola, a hlengeletela siliva ku fanana ni tshuri, ni nzalama khwatsi i nzhope ya lomu tindleleni.
4Kanilezi Hosi yi ta mu wutlela, yi ta wisa makhurisi yakwe bimbini, a lobyiswa hi nzilo.
5Axkeloni i ta zi wona a chava, na Gaza i ta rurumela nguvu; na Ekroni kambe, hakuva i ta tsanzeka kutsumbeni kakwe. Gaza i ta lahlekelwa hi hosi yakwe, Axkeloni a nga ta kuva ni muaki.
6A lixaka la xangelwa li ta aka lomu Axdode, lezo nzi ta fuvisa a matshanza ya maFilistia.
7Nzi ta susa zakuga za nkhata nonwini wakwe, ni manyalataniso xikari ka meno yakwe; yenawu i tava a salela wa Nungungulu wa hina. I ta ku khwatsi i hosi xikari ka Juda, na Ekroni a ku khwatsi mu Jebusi, 1 Sam. 14:32
8Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.
A kuta ka Hosi.
9Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15
10Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.
11Loku ku hi wena, hi kota ya xivumelwano xa wena xa nkhata, nzi ta tlhatlha a tiperesu ta wena ti huma rinzini gi nga hiko na mati. Ekso. 24:8; Maheb. 9:19
12Tlhelelani khokholeni, nwina tiperesu ti ftga ni kutsumba. Inyamutlha nza tiyisa lezaku nzi ta mu tlhelisela ha kumbiri.
13Hakuva nzi ta kondla Juda a ku khwatsi i wura, Efraime a hi ligalala la kona; nzi ta vuxa a vana va Wena Zioni, va Vukela a vana va maGreki, nzi ku maha u fanana ni supado ya nhenha.
14Jehova i ta woneka hehla kabye, a ligalala lakwe li ta phandiwa li ku khwatsi xingwalangwanza. Hosi Jehova i taba a mpunzu, a famba hi xipupuri xa Dzonga.
15Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6
16Jehova Nungungulu wabye i ta va hanyisa hi siku lego, kota lezi va nga tlhambi wa tiko gakwe; hakuva va ta fana ni maribye ya lisima ma kwezimako lomu ka xidlodlo a tikweni gakwe.
17Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28
Currently Selected:
Zakaria 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
