Zakaria 10
10
A kubhuma ka Israeli na Juda.
1Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.
2Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36
3A zanga ya mina yi vindlukele a varisi, nzi ta tsayisa a timhongo; hakuva Jehova wa tiyimpi i ta enzela a ntlhambi wakwe yi nga yindlu ya ka Juda, i ta yi maha a haxi gakwe ga ginene le yimpini.
4Hi ka yena ku ta huma a ribye ga magumo, ku ta huma hi ka yena a phanze, hi ka yena ku ta huma a wura ga yimpi, hi ka yena ku ta huma a vafumeli vontlhe khatiginwe.
5Va ta fanana ni tinhenha leti ti kanzihelelako a valala va tona lomu nzhopeni ya ndlela le yimpini. Va talwa, hakuva Jehova i zinwe na vona; a vakhileli va mahaxi va tawa tingana.
6Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.
7A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.
8Nzi ta va swiyota, nzi tlhela nzi va tsombanyisa, hakuva nzi va tirule; va ta enzeleka va tala kota kale.
9Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.
10Nzi ta va tlhelisa va huma tikweni ga Gipite, nzi va tsombanyisa va huma tikweni ga Assiria; nzi va yisa tikweni ga Gileade ni le Lebanoni, ni wutshamu gi ta tlhela gi nga va ringani.
11Yena i ta tsemakanya a bimbi ga kuxaniseka, aba a mabyandlati ya bimbi, yontlhe milonga yo eta ya Nilo yi tapswha. A matshanza ya Assiria ma ta mbhela, a nhonga ya wuhosi ya Gipite yi susiwa,
12Nzi ta va tiyiseta a ka Jehova, va ta fambafamba vitweni gakwe, ku wula Jehova.
Currently Selected:
Zakaria 10: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
