Va le Roma 9
9
A vuIsraeli.
1Nzi wula zinene mahlweni ka Kristu, a nzi hembi wunwa, ni livalo la mina la nzi mahela wukustumunyu ka Moya wa ku Basa,
2lezaku nzi na ni wusiwana ga hombe ni kubayisa ku nga mbheliko lomu mbilwini ya mina.
3Hakuva nzi wa ta ranza a kuva nzi rukatelwe mina wutsumbu, nzi hoxiwa ka Kristu, loku a vamakabye va mina va nga vuneka ha zona, lava va nga maxaka ya mina hi ka nyama. Ekso. 82:32
4Va nga vaIsraeli, lava a wunʼwana gi nga gabye, ni wudumo, ni xivumelwano, ni nayo, ni wukhozeli ga tempeli, ni zitsumhiso. Deut. 7:6; Tis. 63:2; Miti. 13:32
5A vakokwani vabye; Kristu i lo huma kabye hi ka nyama, loyi a nga hehla ka zontlhe, Nungungulu loyi a bongiwako kala kupinzuka. Amen. Deut. 10:15; Joh. 1:1; Miti. 20:28
6Kanilezi a hi ku khwatsi a mhaka ya Nungungulu yi tsanzekile; hakuva a vaIsraeli a hi vona vontlhe va nga huma hi ka Israeli. Gal. 6:16
7Hambu loku va hi va pswalo wa Abrahama, a hi vona vontlhe va nga vana; hakuva ku tsalilwe ku ngalo: A pswalo wa wena wu ta huma hi ka Isaka. Gen. 21:12; Gal. 4:23
8Lezo hi ku ngalo, lava va nga vana hi ka nyama, a hi vona va nga vana va Nungungulu; kanilezi hi vana va xitsumbiso va wuliwako lezaku i pswalo.
9Hakuva a mhaka ya xitsumbiso hi leyi: Nzi ta wuya hi xikhati lexi ha nwakani na Sara i tava ni nʼwana. Gen. 18:10
10Na ku nga hi lezo ntsena, kanilezi na yena Rebeka na a hi ni nyimba ya Isaka a koko wa hina, Gen. 25:21
11hakuva a vanana na va nga se ku belekiwa, hambu ni ku maha zo saseka kutani za kubiha, lezaku a khungo ga Nungungulu hi tlhelo ga kuhlawula gi fela ku simama, hi kota ya yena loyi a vitanako, na ku nga hi kota ya mitiro, Efe. 1:4
12ku wulilwe ka yena Rebeka, ku ngalo; A nhonzwa yi ta tirela a nzisana.
13Khwatsi hi lezi ku tsalilweko ku ngalo: Jakobe nzi lo mu ranza, nzi venga Esau. Mal. 1:2, 3; Lu. 14:26
14Zonake hi taku yini ke? Ku kona a kungalulami ka Nungungulu ke? Kokwihi! Deut. 32:4
15Hakuva yena i te ngalo ka Mosi: Nzi ta mu zwela wusiwana loyi nzi mu zwelako wusiwana; nzi ta mu mahela wuxinji loyi nzi mu mahelako wuxinji. Ekso. 33:19
16Hikwalahoke, a ziti hi kuranza ka munhu, kutani hi kutikarata kakwe, kanilezi zita hi ka Nungungulu loyi a nga ni wuxinji. Tis. 115:3
17Hakuva a mutsalo wu ngalo ka Faro: Nzi lo ku vuxa lezaku kasi nzi fela ku wonisa a ntamu wa mina ha wena, ni lezaku a vito ga mina gi zwakala misaveni yontlhe. Ekso. 9:16; Mav. 16:4
18Hikwalaho yena wa mu zwela wusiwana loyi a zi ranzako ku mu zwela, ni ka loyi a zi ranzako ku mu nonohisa wa mu nonohisa.
19Zonake wena u taku ngalo ka mina: Xana Nungungulu wa ha solela yini ke? hakuva himani a nga alelako a kuranza kakwe ke? Joba 9:12
20Munhu nzi wena, u mani wena u ta nga kanetisana na Nungungulu ke? Xana a mbita yi ngaku ka loye a yi wumbileko: Hi yini u nzi wumbisileko lezi ke? Isa. 29:16; 45:9; 64:8
21Xana a muwumbi a nga na ntamu hehla ka wumba, a kuva hi xipanze xinwe xa wumba a wumba a xibya xinwe xo khesiwa, ni xinwani xi nga khesiwiko ke? Jer. 18:6; 2 Tim. 2:20
22Nungungulu na a ranza ku wonisa a zanga yakwe ni ku kombisa a ntamu wakwe, kutani loku a timisela nguvu hi zibya lezi za zanga lezi zi longiselweko a kudawa, u taku yini ke, 1 Tes. 5:9
23loku a ranzile ku wonekelisa a wukulu ga kungangamela kakwe a zibyeni za wuxinji, lezi a nga zi longisela wudumo hi kale?
24Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.
25Khwatsi hi lezi a wulako lomu ka Hosea, ku ngalo:
Lava va nga kala va nga hi vanhu va mina,
Nzi ta va vitana nziku, Mbanhu va mina;
Ni loyi a nga kala ku ranziwa, nzi ta mu vitana nziku: Xiranzwa! Hos. 2:23
26Ku ta maheka lezaku a wutshanwini legi ku nga wulilwe kabye ku ngalo:
A mu vanhu va mina,
Kwalaho va ta vitanwa ku ngalo: Vana va Nungungulu a hanyako. Hos. 1:10
27Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22
28Hakuva a Hosi yi ta tatisa a mhaka ya yona misaveni, yi yi tsema hi xihatla. Isa. 28:22
29Khwatsi hi lezi Isaya a nga wula hi kale, aku:
Loku a Hosi yi wa nga hi siyelangi a vanana,
Ngha hi fanene ni Sodoma, ni ku khwatsi hi Gomora. Isa. 1:9; 13:19
30Zonake hi taku yini ke? Hi ngalo, a vamatiko lava va nga kala va nga hloti a kululama, va ku kumile, a kululama loku ku nga ka kukholwa.
31Kasi vaIsraeli lava va nga ringa ku tatisa nayo wa kululama va wu tsanzekile. Gal. 5:4
32Hikuyini ke? Hilezi va nga kala ku wu lava hi kukholwa, kanilezi va wu lava hi mitiro. Va lo khunguvanyeka ribyeni ga xikhunguvanyiso: Lu. 2:34; 1 Kor. 1:23
33khwatsi hi lezi ku tsalilweko, ku ngalo:
Langutani, nza veka a ribye ga xikhunguvanyiso le Zioni,
A ribye legi gi ta nga va wisa;
Loyi a kholwako ka gona a nga tawa tingana. Tis. 118:22; Isa. 8:14; Mat. 21:42
Currently Selected:
Va le Roma 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
