Va le Roma 10
10
1Vamakabye, a kuxuva ka mbilu ya mina, ni mukombelo wa mina ka Nungungulu ha vona, hi lezaku va hanyiswa.
2Hakuva nza va mahela wukustumunyu lezaku va pangamela Nungungulu, kanilezi na va nga zi mahi hi kutiva. Joh. 16:2; Xip. 1:17; Fil. 3:9
3Hakuva va wa kohlwa hi kululama ka Nungungulu, na va lava ku ti yimisela a kabye kululama, a va ti koramisangi kululameni ka Nungungulu.
4Hakuva Kristu hi magumeso ya nayo, lezaku ni wihi a kholwako a kuma kululama. Mat. 5:17; Gal. 3:24
5Hakuva Mosi i tsala lezaku a munhu loyi a mahako a kululama loku ku nga ka nayo i ta hanya ha kona. Levi 18:5
6Kanilezi a kululama loku ku nga ka kukholwa ku ngalo: U nga wuli mbilwini ya wena, uku, Himani a ta nga kanziha le tilweni? (hi lezaku, kasi ku relelisa Kristu.) Deut. 30:12
7Kutani: Himani a ta nga relela le nkeleni? (hi lezaku, kasi ku humesa Kristu hi ka vafileko.) 1 Kor. 15:3, 4
8Kasi kululama ku wula yini ke? Kuku: A mhaka yi le kusuhani na wena, yi le nonwini wa wena, ni le mbilwini ya wena: yona mhaka ya kukholwa leyi hina hi yi kanelako.
9Hakuva loku u vumela hi nomu wa wena lezaku Jesu i Hosi, u kholwa mbilwini ya wena lezaku Nungungulu i mu vuxile hi ka vafileko, wena u ta hanyiswa.
10Hakuva munhu wa hlayelwa kululama hi kota ya kukholwa ka mbilu, a hanyiswa hi kuvumela hi nomu.
11Hakuva a mutsalo wu ngalo: Kani hi wihi a kholwako kakwe a nga tawa tingana. Isa. 28:16; Jer. 17:7
A ku na kuhambana xikari ka muJuda ni wamatiko.
12Hakuva a ku na kuhambana xikari ka muJuda ni muGreki, hakuva a Hosi ya vona vontlhe njinwe, yi nga ni zo tala ku nyika vontlhe lava va kombelako ka yona. Miti. 15:9; 10:36; Efe. 1:7
13Hakuva kani hi wihi a kombelako vitweni ga Hosi i ta hanyiswa. Joeli 2:32; Miti. 2:21
14Xana va ta kombelisa kuyini ka yena loyi va nga kholwangiko kakwe ke? Ni kambe, va ta kholwisa kuyini ka yena loyi va nga zwangiko timhaka takwe ke? Xana va ta zwisa kuyini a handle ka mukaneli ke? Tit. 1:3
15Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7
16Kanilezi vontlhe a va ingisangi a ivangeli. Hakuva Isaya i ngalo: Hosi, himani a kholilweko lezi hi nga byeliwa zona ke? Isa. 53:1; Joh. 12:38; Maheb. 4:2
17Lezo a kukholwa kuta hi kuzwa lezi zi kanelwako, kanilezi a kukanela kuta hi mhaka ya Kristu.
18Kanilezi nzi ngalo: A va yi zwangi ke? Ina, va zwile.
A kuwulawula kabye ku zwele misaveni yontlhe,
Ni timhaka tabye ti chikele ni le magemetamusi. Tis. 19:4; Mat. 24:14
19Kanilezi nzi ngalo: A vaIsraeli a va zi tivangi ke? A kuranga Mosi i te ngalo:
Nzi ta mu vuxela xiluse hi tiko gi nga hiko tiko,
Nzi ta mu zangarisa hi tiko gi nga hiko na kupimisisa. Deut. 32:21; Tit. 3:3
20Na Isaya i tiyisa aku:
Nzi lo kumiwa hi lava va nga kala va nga nzi lavi;
Nzi ti wonekelisa ka lava va nga kala va nga wutiseli ha mina. Isa. 65:1
21Kanilezi hi tlhelo ga Israeli i ngalo:
Gontlhelele siku nzi nawulutile a mandla ya mina ka vanhu va nga ingisiko, lava va kanetako;
Currently Selected:
Va le Roma 10: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
