Va le Roma 4
4
Abrahama i lo hlayelwa kululama hi kukholwa.
1Hi taku yini hi Abrahama, a koko wa hina hi ka nyama?
2Hakuva loku Abrahama a hlayelwe kululama hi kota ya mitiro, i nazo zo ti kulisa ha zona, kanilezi na ku nga hi mahlweni ka Nungungulu.
3Hakuva a Mitsalo yi yini ke? Abrahama i lo kholwa ka Nungungulu, ku lo hlayelwa ka yena lezaku kululama kakwe. Gen. 15:6; Gal. 3:6; Jak. 2:23
4Makunu ka loyi a tirako a hakhelo a wu hlayiwi a ku khwatsi ngwa tipswalo, kanilezi khwatsi hi ku rihiwa. Xip. 11:6
5Kasi loyi a nga tiriko, kanilezi a kholwa ka loyi a hlayelako muonhi kululama, a kukholwa kakwe ku hlayelwa lezaku kululama. Jox. 24:2; Miti. 13:39; Gal. 2:16
6Na Davida i wula hi makatekwa ya munhu loyi Nungungulu a mu hlayelako kululama a handle ka mitiro, aku: Jer. 23:6; 1 Kor. 1:30
7Va katekile lava a kubiha kabye ku tsetselelweko,
Lava a zionho zabye zi fenengetilweko. Tis. 32:1, 2
8I katekile a munhu loyi a Hosi yi nga mu hlayeliko kuonha.
9A kukateka loku ku wuliwa ka zitshiva ntsena ke, kutani ni ka lava va makhuna ke? Hakuva hi ngalo: Ka Abrahama a kukholwa kakwe ku lo hlayelwa lezaku kululama.
10Makunu ku lo hlayelwa kakwe xikhati muni? Hi laha a nga hi xitshiva, kutani hi laha a nga ha hi khuna ke? Ku wa nga hi laha a nga hi xitshiva, kanilezi na a ha hi khuna.
11I lo amukela a xikombiso xa ku enghena wukwera, xi maha xifungo xa kululama ka kukholwa loku a nga hi nako na a nga seva xitshiva. Lezaku kasi a fela ku maha raru wa vontlhe va kholwako, hambu loku va hi makhuna, kasi a kululama ku fela ku hlayelwa ka vona. Gen. 17:10; Lu. 19:9; Joh. 8:39
12Lezaku a maha raru wa zitshiva, na ku nga hi ku enghena wukwera ntsena, kanilezi na va lanzela a ndlela ya kukholwa loku a dadani wa hina Abrahama a nga hi nako na a ha hi khuna.
13Hakuva a xitsumbiso lexi xi nga mahiwa ka Abrahama ni pswalo wakwe, lezaku i tava mugi wa tshomba ya misava, a xi mahiwangi ka yena hi nayo, kanilezi hi kota ya kululama ka kukholwa. Gen. 12:3; 22:17; Gal. 3:29
14Hakuva loku lava va nga va nayo va hi zigatshomba, a kukholwa ku mahilwe a xilo xa mahala, ni xitsumbiso a xi vuni nchumu. Gal. 3:18
15Hakuva a nayo wu vanga zanga, kanilezi laha ku nga hava nayo, a ku kona ni ku hambunyeta nayo.
16Hi lezaku ku kumiwa hi kukholwa, kasi ku fela ku nyikiwa hi kota ya tipswalo; lezaku a xitsumbiso xi fela ku tiya ka pswalo wakwe wontihe, na ku nga hi ka lava ntsena va nga ni nayo, kanilezi ni ka lava va kholwako ku kota Abrahama, loyi a nga dadani wa hina hontlhe. Xip. 3:24; 9:8; Kol. 3:11
17Kota lezi ku tsalilweko ku ngalo: Nzi ku mahile a raru wa tixaka tinyingi. I maha lezo mahlweni ka Nungungulu loyi a nga kholwa kakwe, loyi a hanyisako lava va fileko, a wulawulako hi zilo zi nga hiko kona, a ku khwatsi hi loku zi hi kona. 1 Kor. 1:28; Efe. 2:1; 1 Ped. 2:10
18Hambu lezi ku nga hi hava kutsumba, yena i lo kholwa na a hi ni kutsumba, lezaku i ta maha a raru wa matiko manyingi; khwatsi hi lezi a nga wa byelilwe ku ngalo: Wu tava lezo a pswalo wa wena. Gen. 15:5
19Yena a nga vangi na gome kukholweni, laha a nga cuwuka a miri wakwe lowu wu nga ku khwatsi wu file (hakuva i wa hi ni zana ga malembe), ni kona kufa ka marumbu ya Sara. Maheb. 11:11
20Ina ni xitsumbiso xa Nungungulu, a nga kanakanangi ha xona hi kungakholwi, kanilezi i lo tiyiswa kukholweni na a dumisa Nungungulu.
21Na a zi tivisisile khwatsi lezaku lezi Nungungulu a zi tsumbisileko i na ni ntamu a ku zi maha.
22Hikwalaho ku lo hlayelwa ka yena lezaku kululama.
23Makunu loku zi tsalilwe lezaku i hlayelwe kululama, a zi tsalelwangi yena yece, 1 Kor. 10:11; 2 Tim. 3:16
24kanilezi ku lo tsaliwa hi kota ya hina kambe, lava ku ta nga hlayelwa ka hina, hina, lava hi kholwako ka yena loyi a nga vuxa Jesu a Hosi ya hina hi ka vafileko, Miti. 13:30; 1 Ped. 1:21
25loyi a nga nyikelwa hi kota ya zihambuko za hina, a vuxiwa, kasi hi fela ku hlayelwa kululama. Isa. 53:5; 1 Kor. 15:17; Maheb. 9:28
Currently Selected:
Va le Roma 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
