Mavingu 2
2
A makatekwa ya wutivi.
1Nwananga, loku u amukela timhaka ta mina, hlayisa milayo ya mina;
2Loku u demba ndleve ya wena, u ingisela wutlhari, nyiketela mbilu ya wena kupimisiseni;
3Ina, loku u rilela kupimisisa, tlakusa a gezu ga wena u lava kupimisisa;
4Loku u ku hlota kukotisa siliva, ku lavisisa kukotisa tshomba yi fihlilweko,
5Zonake u ta tiva ku chava Jehova, ta kuma wutivi ga Nungungulu.
6Hakuva Jehova hi yena a nyikako wutlhari, kutiva ni kupimisisa ku huma nonwini wakwe.
7A vakululama i va hlayisela kukateka; i yena xitlhangu xa lava va fambako kululameni;
8Wa chela kota hi tindlela ti lulamileko, hlayisa tindlela ta vakubasa vakwe.
9Zonake u ta pima kululama ni kulamula, na, ni tindlela tontlhe ta zinene.
10Loku wutlhari gi enghena mbilwini ya wena, i wutivi gi tsakisa muhefemulo wa wena;
11A kualakanya ku ta ku langutela, i kupimisisa ku ta ku hlayisa:
12Gi ta ku tlhatlhisa tindleleni ta kubiha, i ka lava va wulawulako kubiha;
13Lava va humako tindleleni ta kululama, a famba hi tindlela ta munyama;
14Lava va tsakiswako hi ku maha kubiha, a xalaliswa hi kugombonyeka ka za kubiha;
15Lava tindlela tabye ti gombonyekileko, a mahako kubiha tindleleni tabye;
16Gona wutlhari gi ku tlhatlhisa ka wasati wa matiko, i ka muakelane wa xisati, loyi a timhaka takwe ti lapitako;
17Loyi a tsikako munghana wa wuswa gakwe, rivakelwa xivumelwano xa Nungungulu wakwe.
18Hakuva a yindlu ya wa kunghahi yi khuyukela kufeni, i tindlela takwe ti kongoma ka vafileko.
19Vontlhe va yako kakwe cima a va wuyi, e hambu ku kuma ndlela ya wutomi.
20Lezo u ta famba hi tindlela ta lava va nene, tiya tindleleni ta vakululama.
21Hakuva a valulamileko va ta aka tikweni, i lava va mbheleleko va ta sala ka gona.
22Kanilezi a vakubiha va ta susiwa laha misaveni, i vakanganyisi va ta tsuwulwa ka yona.
Currently Selected:
Mavingu 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.