Nahume 1
1
Jehova i ta ti photela hehla ka, Niniva.
1A xiprofeto ha Niniva. A bhuku ga muwoniso wa Nahume wale Elkoxe.
2Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19
3Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17
4Wa kawuka a bimbi a gi maha gipswha, a pswhisa micongo yontlhe; Baxani ni Karmeli ya ohoma, ni xitsangi xa Lebanoni xa wuna.
5A zitsunga za tsekatseka: mahlweni kakwe, ni miganga ya nyeka; a misava ya kukumuka mahlweni kakwe, a tiko ni zontlhe, zi tshamako ka gona. Ekso. 19:18; Joeli 3:16; Mika 1:4
6Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.
7Jehova i nene, i khokhola a sikwini ga zikarato; wa va tiva lava va mu tsumbako.
8Kanilezi i ta lovisa a muti wa kona hi congo wu hlatako, a valala vakwe i ta va; hlongola vaya munyameni,
9Maalakanyo muni mu nga nawo yo vukela Jehova? I ta lovisa bhi, a hlokiselelo wu nga ta hata khati ga wumbiri.
10Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.
11Ku humele munhu hi ka wena loyi a alakanyelako kubiha ha Jehova, a nga ni makungo yo biha.
12Jehova i ngalo: Hambu loku va hi ni ntamu, va hi vanyingi, va ta tsenwa, yena a hunza. Hanibu lezi nzi ku xanisileko, nzi nga ha ta ku xanisa kambe.
13Makunu nzi ta tshova a muyoka wakwe lowu wu nga ka wena, nzi phewula a mangenje ya wena.
14Jehova i leletele ha wena lezaku ku nga ha belekiwi munhu wa vito ga wena. A ndlwini ya vanungungulu va wena nzi ta susa a zifananiso zi vatlilweko, ni lezi zi nyekisilweko; nzi ta yi maha xilahla xa wena, hakuva u bihile.
15Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.
Currently Selected:
Nahume 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
