Mika 4
4
A zitsumhiso xa kurula.
1Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.
2A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.
3I ta lamula matiko manyingi, a kawuka a matiko laʼya ntamu ma nga le kule. Va ta betha tisupado tabye ti maha zikomu, a matlhari yabye ma maha tipanga. A tiko ginwe gi nga ta vukela ginwani hi matlhari, cima va nga ta ha gonza kulwa kambe.
4Kanilezi munwe ni munwani i ta tshama lahasi ka vina wakwe, ni lahasi ka kuwu wakwe. A nga kona a ta nga va dzuxa, hakuva a nomu wa Jehova wa tiyimpi wu wulile lezo. Levi 26:6; 1 Tih. 4:25; Zak. 3:10
5Hakuva a matiko wontlhe, a ginwe ni ginwani gi famba vitweni ga nungungulu wa gona, kanilezi hina hi ta famba vitweni ga Jehova a Nungungulu wa hina kala kupinzuka ni kupinzuka.
6Jehova i ngalo: Hi siku lego nzi ta tsombanyisa lava va khwitako, nzi hlengeletela lava va hlongolweko, ni lava nzi va hlokisileko.
7Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33
8Wena khokhola ga tlhambi, xitsunga xa nhanyana wa. Zioni, ku tata ka wena a wukosi go ranga, wu nga mufumo wa nhanyana wa Jerusalema.
9Hikuyini u kanyulukako makunu ke? A wa ha hi na hosi ke? A sungukati ga wena gi lovile ke, lezi u khomilweko hi kubayiseka khwatsi wasati alunwako?
10Wena nhanyana wa Zioni, lunwa u bayiseka, kukotisa a wasati loyi a nga xikhatini xa kubeleka; hakuva makunu u ta huma mutini u ya tshama khwatini, u chikela ni le Babuloni. Hi laho u ta nga tlhatlhiswa kona, laho Jehova i ta ku tirula canjeni ga valala va wena.
11Makunu a matiko yo tala ma ku tsombanele, me ngalo: Ngha a nyenyeziswa, kasi a mahlo ya hina ma fela ku xura ha Zioni.
12Kanilezi a va ma tivi a maalakenyo ya Jehova, ge hambu ku pima a xikungo xakwe. Hakuva i va hlengeletele kukotisa milumbi le wuhulelweni.
13Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17
Currently Selected:
Mika 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
