Mika 3
3
A kulamulwa ka vaprofeti ni vapristi.
1Zonake nzi te ngalo: Zwanani nwina tihosi ta ka Jakobe, na nwina vafumeli va ka Israeli: A hi nwina mu faneleko a ku tiva nongameto ke?
2Nwina mu venga zinene, mu ranza kubiha; nwina mu yewula a hlonge yabye, mu hletela a nyama marambyini yabye.
3Kambe vaga a nyama ya vanhu va mina, va sunzuwula a dewu gabye, va tshova ni matambu yabye; ina, va va chupulela zipanzana khwatsi va laʼku chela mbiteni, khwatsi i nyama bhoteni.
4Hikwalaho Jehova a nga ta va hlamula loku va rila kakwe. Xikhatini lexo i ta va fihlela a nghohe yakwe hi kota ya zimaho zabye zi bihileko. Deut. 31:18; Isa. 1:15; Jer. 11:11
5I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.
6Hikwalaho mu ta humelwa hi wusiku, kasi mu nga hi na miwoniso; ku tava munyama ka nwina kasi mu nga ha vumbi. A gambo gi ta pelela a vaprofeti, ni hlikanhi wu ta phuma hehla kabye.
7A zitumbe zi tawa tingana, a vangoma va ta kanganyiseka; vontlhe va ta vala milomu, hakuva ku hava hlamulo wu tako hi ka Nungungulu. Levi 13:45
8Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.
9Zwanani lezi nwina tihosi ta ka Jakobe, na nwina vafumeli va ka Israeli, nwina mu nyenyako nongameto, mu bihisako kontlhe kululama.
10Nwina mu akako Zioni hi nkhata ni Jerusalema hi kubiha. Jer. 22:13; Hab. 2:12
11A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!
12Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18
Currently Selected:
Mika 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
