Mika 1
1
A lamutelo wa Nungungulu hehla ka Israeli.
1A mhaka ya Jehova leyi yi tileko ka Mika wa le Moraxte, masikwini ya Jotamu, na Ahazi, na Hezekia, a tihosi ta ka Juda, leyi a nga nyikwa xungetano na Samaria na Jerusalema.
2Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2
3Hakuva Jehova i huma wutshanwini gakwe, a relela, a ta fambafamba matshanwini ma tlakukileko ya misava.
4A zitsunga zi ta nyeka lahasi kakwe, ni mikova yi ta khayeka khwatsi i sera mahlweni ka nzilo, ni kukotisa mati loku ma halatwa laha nzhelelweni. Ekso. 19:18; Am. 9:5
5Zontlhe lezo zi ta maheka hi kota ya zihambunyeto za Jakobe ni zionho za yindlu ya ka Israeli, A xihambunyeto xa Jakobe xi huma kwihi? A hi le Samaria ke? Hi wahi a matshamu yo tlakuka ya ka Juda? A hi Jerusalema ke?
6Hikwalaho nzi ta hunzula Samaria a maha a nhulu ya maribye lomu masinwini, lomu ku nga byaliwa kona a zivina. Nzi ta chulula a maribye ya kona le nkoveni, nzi funungula a ziseketelo za kona.
7A zifananiso zakwe zontlhe zi vatlilweko zi ta fayetelwa, ni minzhiho leyi a yi amukeleko hi wubhayi yi ta hiswa hi nzilo, nzi khungumulela a zifananiso zakwe za vanungungulu; hakuva i zi kumile hi nzhiho wa wubhayi, zi ta tlhela zi maha hakhelo ya xibhayi. Deut. 23:18; Hos. 2:5
8Hi kota ya lezi nzi ta rila, nzi hlomula; nzi ta famba na nzi nga hi na zilato na nzi hi ximbyiri. Nzi ta rila ku fanana ni, hlolwa, nzi maha hlomulo khwatsi nzi mbuwu.
9Hakuva a timbanga takwe a ti chumeki, ti chikele ni le ka Juda, ti chikela ni le nyangweni ya tiko ga mina le Jerusalema. 2 Tih. 18:13; Jer. 15:18
10Mu nga dzuki mu zi kumbuka le Gate, ni ku rila mu nga rili. Le Bet-le-Afra nzi puluwunzile lomu tshurini. 2 Sam. 1:20
11Wena loyi u akileko le Xafira, suka na u hi ni wumbyiri ni tingana. Muaki wa le Zaanani wa chava ku huma, a nkosi wa. Bet-ezeli wa mu hetela a kutsumba.
12A muaki wa le Marote wa rinzela a kuhanyiswa hi lixuve la hombe, hakuva a khombo gisukile hi ka Jehova gi relela gi chikela nyangweni ya Jerusalema.
13Wena muaki wa le Lakixe, panisa a mahaxi ya mazambo laha kareteni, hakuva hi wena a masangulo ya xionho xa nhanyana wa le Zioni, a zihambunyeto za Israeli zi kumilwe ka wena. Jox. 15:39; 2 Tih. 19:8
14Hikwalaho u ta hambana na Morexete-gate. A tiyindlu ta le Akziba ti ta maha a xibuka xi pswhileko ka tihosi ta ka Israeli.
15Wena muaki wa le Marexa, nzi ta tlhela nzi ku nehela loyi a ta nga maha a nwinyi wa wena; a vahombe va Israeli va ta chavela le Addulama. Jox. 15:44; 1 Sam. 22:1
16Halula misisi, halulela a vanana va wena va ranzekako, halula a hloko ya wena yi fanana ni ya koti, hakuva va yiswa wukhumbini kule na wena.
Currently Selected:
Mika 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
