Jona 4
4
Nungungulu a kawuka Jona.
1Kanilezi Jona i lo tsanwa nguvu, a zangara.
2I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17
3Hikwalaho, Jehova, teka a wutomi ga mina, hakuva a kufa i chukwana ka mina ku hunza ku hanya.
4Jehova aku: Xana zi ku sasekele a ku zangara ke?
5Zonake Jona i lo huma mutini, a ya tshama hi tlhelo ga Wuca ga muti, a ti akela a xaxa laho, a tshama nzhutini wa wona, kasi ku wona lexi xi ta nga maheka hi muti lowo.
6Jehova Nungungulu i lo milisa a khungu, wu kulela hehla ka Jona, wu maha nzhuti hehla ka hloko yakwe, wu susa a kutsuva kakwe. Jona i lo tsakela nguvu a khungu lowo.
7Kanilezi hi manziko wa kona ni mixo, Nungungulu i lo rumela a pungwani wu yaga a khungu, kasi wa fela ku wuna.
8Laha gambo gi nga huma, Nungungulu i lo rumela a mheho yo hisa ya Wuca, A gambo gi lo hisa a hloko ya Jona kala a titivala, a kombela kufa, aku: A kufa i chukwana ka mina ku hunza ku hanya.
9Zonake Nungungulu aku ka Jona: Xana zi ku sasekele a ku zangarela a khungu ke? Yena aku: Ina, nzi maha khwatsi hi ku zangara ni ku kala nzifa.
10Jehova aku: Wena u tsetsa a khungu lowu u nga wu tirelangiko, u nga wu kulisangiko; lowu wu ti mileleko hi wusiku, wu tlhela wufa hi wusiku gi gamelako.
11Makunu mina ngha nzi nga tsetsi Niniva, a muti lowu wa hombe, lowu wu nga ni tsengo wa 120,000 wa vanhu va hlamusa, lava va nga zi tiviko a ku hambanyisa a woko gabye ga xinene ni leʼga xibhabha, ni zifuyo leʼzo tala ke?
Currently Selected:
Jona 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
