Mateu 15
15
A xilo lexi xi nyenyezisako.
1Zonake kuta ka Jesu a vaFarisi ni vatsali vata hi le Jerusalema, va taku ngalo:
2Hi yini a vapizani va wena va hambunyetako a mahanyela ya vakale ke? Hakuva a va hlambi mandla yabye laha Va lavako kuga. Mar. 7:5; Kol. 2:8
3I lo va hlamula, aku: Hi yini nwinawu mu hambunyetako a kulaya ka Nungungulu hi kota ya mahanyela ya nwina ke?
4Hakuva Nungungulu i layile ku ngalo: Chava raru wa wena ni nyine wa wena; niku: Loyi a rukatelako dadani kutani mamani, ngha afa hi kufa. Ekso. 4:12; 21:17; Efe. 6:2
5Kanilezi nwina muku: Kani hi wihi a ta nga wula ka raru wakwe kutani nyine wakwe: Lezi u nga ta ngha u vunetelwe ha zona zi nyikelwe ka Nungungulu; a nga ta ha chava raru wakwe. Mar. 7:11, 12
6Nwina mu mahile a mhaka ya Nungungulu yi nga hi na ntamu hi kota ya mahanyela ya nwina.
7Vaxengeteli, i profetile khwatsi ha nwina Isaya, aku:
8Lava vanhu va nzi dzunza hi milomu yabye,
Kanilezi a timbilu tabye ti le kule na mina. Isa. 29:1-3; Ezek. 33:31
9Kanilezi va nzi khozela mahala,
Hakuva a zigonzo lezi va zi gonzisako zileletelo za vanhu ntsena. Isa. 29:13; Kol. 2:18-22
10Zonake i lo vitana xidlemo, aku ka xona: Zwanani, mu pima!
11Lezi zi enghenako nonwini a hi zona zi bihisako munhu: kanilezi lezi zi humako nonwini, hi zona zi bihisako munhu. Miti. 10:15; Rom. 14:14, 17, 20
12Zonake ku lota vapizani, va taku ka yena: Xana wa zi tiva lezaku a vaFarisi va lo tsanwa laha va ngazwa a gezu legi ga wena ke?
13Yena i lo hlamula, aku: A zibyalwa zontlhe lezi zi nga kala ku byaliwa hi Dadani wa mina wa le tilweni, zi ta tsuwuliwa. Joh. 15:2; 1 Kor. 3:12
14Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.
15Pedro aku ngalo kakwe: Hi tlhamusele a mufananiso lowu. Mar. 7:17
16Jesu i te ngalo: Kasi na nwinawu ma ha vumala kupima ke?
17A mu zi pimi lezaku zontlhe zi enghenako nonwini zi hunza ziya rumbyini, zi huma lahandle ke? 1 Kor. 6:13
18Kanilezi lezi zi humako nonwini zita hi le mbilwini: hi zona zi bihisako munhu. Jak. 3:6
19Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21
20Hi zona lezi zi bihisako munhu; kanilezi a kuga hi mandla ma nga hlaziwangiko a zi bihisi munhu.
A wasati wa muKanani.
21Jesu i lo suka laho, aya matlhelweni ya Tire ni Sidoni.
22Zonake ku lota kakwe a wasati wa muKanani, a humako hi ka matlhelo lawo; i lo huwelela, aku: Nzi zwele wuxinji, Hosi, nʼwana, Davida; a nhanyana wa mina wa bayiseka nguvu hi madimoni.
23Kanilezi Jesu a nga mu angulangi nchumu. A vapizani vakwe va lota va ta mu khongotela, vaku: Mu fambise; hakuva wa hi kulumela.
24I lo hlamula, aku: A nzi rumiwangi ka vanwani, sine ka tiyivu ti lahlekileko ta yindlu ya ka Israeli. Xip. 10:5, 6; Rom. 15:8
25Kanilezi a wasati i lo tshinela, a ta mu khizamela, aku: Hosi, nzi vune.
26I lo hlamula, aku: A hi khwatsi lezaku ku tekwa a zibaba za vanana, zi hoxwa ka timbyana. Xip. 7:6; Fil. 3:2
27A wasati aku ngalo: Ina, Hosi; kanilezi na tona timbyana taga a matlhatlha ntsena ma wako hi laha mezeni ya venyi va tona.
28Zonake Jesu i lo mu angula aku ngalo: Wasati, a kukholwa ka wena ka hombe; a ku maheke ka wena kota kuranza ka wena. Ni nhanyana wakwe i lo hanyiswa hi xwalexo xikhati.
A vanyingi va hanyiswa.
29Jesu i lo suka laho, aya kusuhani ni bimhi ga Galilea; i lo kanziha xitsungeni a tshama kona. Mar. 7:31; Xip. 7:14
30Ku lota kakwe a zidlemo za hombe, na zi neha a zilema, ni zikhumu, ni timbeveve, ni zikhurubu, ni vanwani vo tala; va lo va veka laha mikonzweni yakwe, a va hanyisa; Isa. 35:5, 6; Lu. 7:22
31ku kala a zidlemo zontlhe zi rewuka, loku zi wona timbeveve ti wulawula, ni zikhurubu zi hanyiswa, ni zilema zi famba, ni zikhumu zi wona; zi lo dumisa Nungungulu wa Israeli.
Jesu a phamela 4,000 wa vanhu.
32Jesu i lo vitana vapizani vakwe, aku ngalo: Nza xi zwela wusiwana a xidlemo lexi, hakuva hi masiku manharu na xi simamisile na mina, na xi nga hi na zakuga; a nzi ranzi ku va tlhelisa na va hi ni ndlala, va nga dzuka va sika ndleleni. Mar. 8:1
33A vapizani vaku ngalo kakwe: Hi ta zi kuma kwihi a zibaba laha xiwuleni zi ringanako ku xurisa a xidlemo xa hombe xa kunghahi ke? 2 Tih. 4:43
34Jesu aku kabye: Zibaba zingani mu nga nazo ke? Vaku ngalo: I ntlhanu ni zimbiri, ni zidluwanyana zi tsongwani.
35I lo laya a xidlemo a ku tshama hasi misaveni.
36Zonake i lo teka a ntlhanu wa zibaba ni zimbiri ni zidluwani za kona, a bonga, a zi khema, a nyika vapizani, ni vapizani va avela zidlemo. Xip. 14:19; Lu. 22:19
37Va loga vontlhe va xura; va lo rolela a matlhatlha ma seleko, ku tala ntlhanu wa zirunzu ni zimbiri.
38Lava va ngaga va wa hi 4,000 wa Vavanuna, ku nga hlayiwi a vavasati ni vanana.
39Zonake loku Jesu a fambisile zidlemo, i lo enghena ngalaveni, aya matlhelweni ya le Magadani.
Currently Selected:
Mateu 15: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
