Popular Bible Verses from Mateu 15

Share

Kanilezi lezi zi humako nonwini zita hi le mbilwini: hi zona zi bihisako munhu. Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba.

Lezi zi enghenako nonwini a hi zona zi bihisako munhu: kanilezi lezi zi humako nonwini, hi zona zi bihisako munhu.

Lava vanhu va nzi dzunza hi milomu yabye, Kanilezi a timbilu tabye ti le kule na mina. Kanilezi va nzi khozela mahala, Hakuva a zigonzo lezi va zi gonzisako zileletelo za vanhu ntsena.

Zonake Jesu i lo mu angula aku ngalo: Wasati, a kukholwa ka wena ka hombe; a ku maheke ka wena kota kuranza ka wena. Ni nhanyana wakwe i lo hanyiswa hi xwalexo xikhati.

Kanilezi a wasati i lo tshinela, a ta mu khizamela, aku: Hosi, nzi vune. I lo hlamula, aku: A hi khwatsi lezaku ku tekwa a zibaba za vanana, zi hoxwa ka timbyana. A wasati aku ngalo: Ina, Hosi; kanilezi na tona timbyana taga a matlhatlha ntsena ma wako hi laha mezeni ya venyi va tona.