Levi 24
24
1Jehova i lo wulawula ka Mosi, aku:
2Leletela a vanana va ka Israeli va ku nehela mafura yo saseka ya maoliva laya ma khuwutilweko ya meza ya tikandiya, kasi ma cheliwa lomu ka tikandiya wontihe masiku, kasi ta vura xontlhe xikhati.
3Aroni i ta yi hlayisa lahandle ka nguwo yo sirela Wumboni, lomu ka tabemakeli ga mutlhangano; ti ta vura mahlweni ka Jehova wontihe masiku, kusukela laha gambyeni kala laha mixweni. Lexi xileletelo xa kala kupinzuka zizukulwaneni za nwina.
4I ta vekela tikandiya laha ka meza ya tona ya nzalama, kasi ta vura xontlhe xikhati mahlweni ka Jehova.
5U ta teka mapa yo saseka, u bhika ha wona 12 wa zibaba; a xibaba xinwe ni xinwani xi tava xa tipimo timbiri ta xipanze xa wukhume xa efa.
6U ta zi veka laha mezeni ya nzalama mahlweni ka Jehova, u zi xaxameta hi tixaxa timbiri; a lixaxa linwe ni linwani li tava ni ntlhanu wa zibaba ni xinwe.
7Le hehla ka lixaxa linwe ni linwani u ta veka libani, liva xialakanyiso hehla ka zibaba, wu nga munyikelo wa kuhiswa mahlweni ka Jehova.
8A sabado ginwe ni ginwani ku ta vekiwa zibaba mahlweni ka Jehova, zi maha munyikelo wa vanana va ka Israeli, a kuva xivumelwano xa kala kupinzuka.
9Zi tava za Aroni ni vana vakwe, va ta zi gela laha wutshanwini go basa, hakuva zilo lezi zi basileko nguvu, zi pambulelwako vona kala kupinzuka ka minyikelo leyi yi nyikelwako ka Jehova a kuva ya kuhiswa.
10A nʼwana wa wasati wa muIsraeli, loyi a raru wakwe a nga hi muGipite, i lota xikari ka vanana va ka Israeli; yena i lo holova ni wanuna wa ka Israeli lomu wugovelweni.
11A nʼwana wa wasati wa muIsraeli i lo xanza ni ku rukatela a Vito ga Nungungulu; zonake va lo mu neha ka Mosi. A vito ga mamani wakwe i wa hi Xelomite, nʼwana wa Dibri, wa lixaka la ka Dani.
12Va lo mu valela, va kala va byeliwa lezi a ta nga lamuliswa zona hi Jehova.
13Zonake Jehova i lo byela Mosi, aku:
14Humesa murukateli loye lahandle ka wugovelo, kasi vontlhe lava va nga muzwa va ta tlhateka mandla yabye hehla ka hloko yakwe, zonake wontihe ntlhangano wu ta mu gandla hi maribye.
15U ta byela a vanana va ka Israeli, uku: Kani hi wihi a rukatelako Nungungulu wakwe, i ta rwala a kuonha kakwe.
16Loyi a rukatelako a vito ga Jehova i ta dawa; wontihe ntlhangano wu ta mu gandla hi maribye. Hambu loku a hi muluveli, kutani xisumbulwa, loku a rukatela a Vito ga Nungungulu, i tafa.
17Loye a bako munhu afa, hakunene i ta dawa.
18Loye a bako xifuyo xifa, i ta riha hi xinwani xifuyo wutshanwini ga lexi a deleko; a wutomi gi ta rihiwa hi wutomi.
19Loye a vangelako muakelane wakwe a mbanga laha mirini wakwe, yenawu i ta mahiwa zo kota lezi a mahileko ka munwani.
20A ku tshova xiro ku rihiwa hi ku tshobyiwawu, a tihlo hi tihlo, a tino hi tino; a mbanga leyo a yi mahileko ka munwani munhu, yi ta mahiwa ka yena kambe. Mat. 5:38
21Loyi a dayako xifuyo, i ta riha hi xifuyo. Loyi a dayako munhu, yenawu i ta dawa.
22Nwina nwentlhe mu tava ni nayo munwe; ka muluveli ni ka xisumbulwa ku tava kota yinwe; hakuva hi mina Jehova, Nungungulu wa nwina.
23Hilezo Mosi i lo byela a vanana va ka Israeli; va humesa lahandle ka wugovelo a munhu loyi a nga rukatela, kasi vaya mu gandla hi maribye. A vanana va ka Israeli va lo maha kota lezi Jehova a leleteleko Mosi.
Currently Selected:
Levi 24: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
