Mikosi 5
5
A mukombelo wa wuxinji.
1Jehova, alakanya lezi zi bi humeleko,
Cuwukisisa a kurukatelwa ka hina.
2A tshomba ya hina yi nyikilwe a vamatiko,
A tiyindlu ta hina ti le mandleni ya vahleva. Deut. 28:30
3Hi mahilwe zisiwana, a hi na vabeleki,
A vamamani va hina va fana ni tinoni.
4A mati ya hina yonwa hi xavile hi mali,
Hi fela ku rihela a tihunyi ta hina.
5A vahlongolisi va hina va lava ku hi kamanyeta,
Hi karele, kanilezi a hi kumi kuhumula.
6Hi khozile ka maGipite
Ni ka maAssiria kasi hi kuma zo xura ha zona.
7Vadadani va hina va onhile, makunu a va ha hi kona,
Hi hina hi rweleko a zigoho zabye. Ekso. 20:5; Ezek. 18:2
8Hi fumelwa hi tikhumbi,
A nga kona a nga hi tlhatlhisako mandleni yabye.
9Hi kuma zakuga za hina hi ku nyikela wutomi ga hina Mahlweni ka supado ya lomu xiwuleni.
10A hlonge ya hina ya hisa khwatsi i nzhimbo,
Hi kota ya kuhisa ka ndlala.
11Va pfinyele vavasati le Zioni,
Ni vanhwana lomu mitini ya ka Juda.
12A tihosana ti hayekilwe hi mawoko ya tona,
A tinghohe ta masingalakati a ti chabyiwangi. Deut. 28:50
13A majaha ma rwexilwe a maribye ya zigayo,
A vanana va wile lahasi ka tinyanza ta tihunyi.
14A masingalakati a ma ha tshami tinyangweni,
A majaha a ma habi zitende za wona.
15A kutsaka ka timbilu ta hina ku mbhelile,
A kukina ka hina ku hunzukile ku maha xirilo,
16A zidlodlo za tihloko ta hina zi wile,
I khombo ka hina, hakuva hi onhile.
17A timbilu ta hina ti rerekile hi kota ya lezi,
Ni mahlo ya hina ma mahile xilutsu,
18Hakuva a xitsunga xa Zioni xi hahlukile,
A mahlolwa ma fambafamba hehla ka xona.
19Wena Jehova u te tsonzoma!
A xitshamu xa wena xa wuhosi xi sukela ka xizukulwana kala ka xizukulwana.
20Hikuyini u hi rivalako kala ku pinzuka,
U hi tsika xikhati xo leha ke?
21Hi wuyise ka wena Jehova, kasi hi tlhelela ka wena;
Hunzula masiku ya hina mava maswa khwatsi hi kusanguleni.
22Xana u hi tsikele magumo ke?
Wa hi zangarela nguvu ke?
Currently Selected:
Mikosi 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
