Mikosi 3
3
Hlokiselelo ni kuxaniseka.
1Hi mina loyi nzi wonileko a hlomulo
Hi nhonga ya zanga yakwe,
2I nzi fambisile a nzi yisa munyameni,
Na ku nga hi kuwonekeleni.
3Kambe ni kambe i nzi hunzulusela canja gakwe
A siku gontlhe.
4I guhatile a nyama ya mina ni hlonge ya mina,
I tshovile marambu ya mina.
5I nzi bhiyele,
A nzi vimbezela hi hlomulo ni kubayiseka.
6I nzi tshamisile lomu matsha nwini ya munyama,
Khwatsi hi lava va fileko kaleloko.
7I nzi akele libhingo, a nzi zi koti ku huma;
I nzi bohile hi mangenje yo binza.
8Ina, loku nzi rila nzi lava ku vuniwa,
O vala mukombelo wa mina. Joba 19:7; Tis. 22:2
9I bhiyile a tindlela ta mina hi maribye ma vatlilweko,
I gombonyekisile a tindlela ta mina.
10A ka mina e khwatsi i urso legi gi nzi xiyelelako,
I nghala yi fihleleko.
11I nzi hambukisile ndleleni ya mina, a nzi hanzulela;
A nzi tsika na nzi hi nzoce.
12I kondlile a wura gakwe,
A nzi maha a pota ya ligalala.
13I mahile a tigalala ta kutsu wakwe
Ti enghena lomu tisweni ta mina.
14Nzi mahile a xihlekiso ka vontlhe va ka hina,
Nzi lisimu labye siku gontlhe.
15I nzi xurisile hi zo bava,
A nzi popisa hi manonwe.
16I tshovile meno ya mina hi maribye,
A nzi fenengeta hi khuma.
17A muhefemulo wa mina u wu tsonile kurula,
A litsako a nza ha ti tivi.
18Nziku: Nzi mbhelelwe hi ntamu wa mina,
Ni kutsumba ka mina ka Jehova.
19Alakanya a hlokiselelo ya mina hi kupepetseka ka mina,
A manonwe ni nyongwa.
20A muhefemulo wa mina wa ha zi alakanya,
Wo mbhela ntamu nzeni ka mina.
21Lezo nza zi alakanya mbilwini ya mina,
Hikwalaho nzi na ni kutsumba.
22Tipswalo ta Jehova lezaku hi nga se lova,
Hakuva a wuxinji gakwe a gi mbheli.
23Gi tlhela gi hi giswa mixo ni mixo,
A kutsumbeka ka wena ka hombe.
24Jehova xiavelo xa mina, ku wula muhefemulo wa mina,
Hikwalaho nzi ta mu tsumba.
25Jehova i nene ka vona lava va mu langutelako,
Ni ka muhefemulo lowu wu mu hlotako.
26Zi sasekile akuva munhu a rinzela hi kurula
A kuhanyisa ka Jehova.
27Zi sasekile akuva munhu a rwala
Muyoka wakwe wusweni gakwe. Tis. 119:71; Mat. 11:29
28A tshame yece a rutisa,
Hakuva hi yena a mu rwexileko wona.
29Ngha a koramisa nomu wakwe tshurini,
Ku nga dzuka kuva koha kutsumba.
30A nyiketele a rama gakwe ka loyi a mu phakatako,
A xura hi nzhukano. Mat. 5:39
31Hakuva a Hosi a yi hoxi munhu kala kupinzuka.
32Hakuva loku a vanga hlomulo,
Wa mahela wuxinji hi wunyingi ga wunene gakwe.
33Hakuva a hi kuranza ka mbilu yakwe lezaku a hlokisa
Ni ku zwisa kubayisa a vanana va vanhu.
34A ku tsimbeketa a tiperesu to ntlhe ta tiko,
35Ni ku byeketa a mhaka ya mu nhu a koneka
A handle ka nanzu mahlweni ka Loyi a Hunzeleleko Kutlakuka,
36Ni ku kalavela munhu mhakeni yakwe,
Xana Hosi a yi zi woni ke?
37Himani a zi kotako ku wula a mhaka yi maheka,
Loku Hosi yi nga yi leletangi ke?
38A makatekwa ni makhombo hi wumbiri ga wona
A ma rumiwangi hi nomu wa Loyi a nga Hehlahehla ke?
39A munhu loyi a hanyako a nga vilela yini
Loku a tsayiswa hi kota ya zionho zakwe ke? Lu. 23:41
40A hi hlolisiseni hi ringa a mahanyela ya hina,
Hi wuya hi tlhelela ka Jehova.
41A hi tlakuseni a timbilu ta hina ni mandla ya hina
Ka Nungungulu loyi a nga le tilweni.
42Hi gohile hi ti alisa;
Wena a ku hi tsetselelangi.
43U ti fihlele hi zanga, u hi hlongorisa,
U dayile, a ku nyenyeletelangi.
44U ti khubhunyetile hi refu,
Kasi a mukombelo wu nga chikeli ka wena.
45U hi mahile akuva chaka ni fenze
Xikari ka matiko. 1 Kor. 4:13
46Vontlhe valala va hina
Va hi ahlamele milomu yabye.
47Hi chikelelwe hi hlenekera ni kuphasiwa,
Ni kuhahlulwa ni kulobyiswa.
48A mahlo ya mina ma halata micongo ya mati,
Hi kota ya kulobyiswa ka nhanyana wa tiko ga mina.
49A tihlo ga mina ga halata mihloti,
A gi tsiki hambu ku karala,
50Kala Jehova a cuwuka lahasi,
A zi wona na hi le tilweni.
51A mahlo ya mina ma nzi xanisa,
Hi kota ya vontlhe vanhwana va muti wa mina.
52Lava va nzi vengako a handle ka nanzu,
Va nzi hlotile khwatsi nzi xinyanyani.
53Va lava ku tsema wutomi ga mi na lomu nkeleni,
Va hoxa maribye hehla ka mina.
54A mati ma lo khulungela hloko ya mina,
Mina nziku: Nzi file!
55Na nzi hi lomu kueteni ka nkele
Nzi lo vitana a vito ga wena, Jehova.
56U zwile a gezu ga mina,
U nga vali ndleve ya wena mahikeni ya mina ni kurileni ka mina.
57U lo tshinela a siku nzi nga ku vitana,
Uku ka mina: U nga chavi!
58Hosi, u yimele a moya wa mina mhakeni ya wona,
U tirule a wutomi ga mina.
59Jehova, u wonile kuxanisiwa ka mina.
Tsema a mhaka ya mina.
60U wonile a kutiphotela kabye kontlhe,
Ni zikungo zabye zontlhe zo nzi vukela.
61Jehova, u zwile a nzhukano ya bye,
Ni makungo yabye ha mina;
62Ni kuwulawula ka lava va nzi vukelako,
Ni maalakanyo yabye ha mina gontlhe siku.
63Languta, a kutshameni kabye ni kuyimeni kabye,
Hi mina lisimu labye.
64Jehova, u ta va nyika nchachazelo
Maringano ni mitiro ya mandla yabye.
65Va nyike timbilu to sihalala,
A nzhukano ya wena a yive hehla kabye. 2 Kor. 3:14
66U ta va hlongorisa hi zanga ya wena
U va lovisa lahasi ka matilo ya Jehova.
Currently Selected:
Mikosi 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
