Valamuli 17
17
Mika ni va ka Dani.
1Ku wa hi kona a munhu le xitsungeni xa ka Efraime, a vito a nga hi Mika.
2I te ngalo ka nyine wakwe: A 1,100 wa maxekeli ya siliva, lawa u yibyelweko, lawa u nga kala u wulawula nzhukano hi kota ya wona, ma na mina; hi mina nzi ma tekileko. A nyine wakwe aku ka yena: Nwananga, u katekisilwe hi Jehova!
3Laha a nga wa tlhelisile a maxekeli lawo ya 1,100 ka nyine wakwe, a nyine aku: Hizinene nza nyikela ka Jehova a siliva leyo, kasi a nʼwana wa mina a fela ku mu vatlela a xifananiso xinwe, a wumbelwa xinwani. Hikwalaho nza yi tlhelisa ka wena.
4Laha Mika a nga wa tlhelisile a mali leyo ka nyine wakwe, a nyine i lo teka 200 wa maxekeli a nyika mufuli wa nyunzu a vatla xifananiso xinwe, a wumba xinwani, zi vekiwa lomu ndlwini ya Mika.
5Hilezo inaloyi Mika i wa hi ni yindlu ya vanungungulu. I lo ti mahela a efode, ni terafime, a hlawula a munwe wa vafana vakwe a mu maha mupristi wakwe. Gen. 31:19; 1 Sam. 19:13
6A ka masiku lawo Israeli i wa nga hi na hosi; munwe ni munwani i wo maha kota kuranza kakwe.
7Ku wa hi kona a jaha ga le Betlehema-Juda wa lixaka la ka Juda, a nga wa hi muLevi, na hi muluveli laho.
8Inaloyi i lo rura le mutini wa Betlehema-Juda, a famba a luvela lomu a ta nga kuma wutshamu. Kala a famba a ya chikela ka Mika, le xitsungeni xa ka Efraime.
9Mika i te ngalo kakwe: U humela kwihi? Yena aku: Nzi muLevi wa le Betlehema-Juda; nzi famba nzi luvela ni kwihi nzi ta nga kuma wutshamu.
10Mika aku kakwe: Tshama laha ka mina; u ta maha dadani ni mupristi wa mina. Nzi ta ku nyika khume ga maxekeli lembe ni lembe, ni tinguwo ni kuga. Zinghaho a muLevi i lo enghena a tshama laho.
11A muLevi i lo xalaliswa hi ku tshama ni munhu loyi. A jaha lego gi lo tshama kota nʼwana wakwe.
12Zonake Mika i lo nyikelisisa a muLevi loye, kunene a jaha lego gi lo maha mupristi wakwe, a tshama laha ngangweni wa Mika.
13Zonake Mika i te ngalo: Nza zi tiva makunu lezaku Jehova i ta nzi katekisa, hakuva nzi na ni mupristi wa muLevi.
Currently Selected:
Valamuli 17: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
