Valamuli 12
12
1A vanhu va ka Efraime va lo tsombana vaya tlhelo ga Nwalungu ka Jefta, va yaku: A siku lego u nga yalwa ni va ka Amoni, hi kuyini u nga kala ku hi vitana hi famba hontlheni? Hi ta hisa a yindlu ya wena.
2Jefta aku ka vona: Mina ni vanhu va mina hi wa phikizana nguvu ni vanana va ka Amoni. Nzi mu vitanile, kanilezi a mu tangi mu ta nzi tlhatlhisa mandleni yabye.
3Lezi nzi nga wona lezaku a mu nzi tlharihisi, a nzi wulangi nchumu hi wutomi ga mina, nzi loya mahlweni ka vanana va ka Amoni; kanilezi Jehova i lo va nyikela mandleni ya mina. Hi kuyini nyamutlha muta ku talwa na mina ke? 1 Sam. 19:5; 29:21
4Zonake Jefta i lo tsombanyisa vontlhe vavanuna va ka Gileade, alwa ni va ka Efraime. A vavanuna va ka Gileade va lo hlula va ka Efraime, hakuva va waku: Nwina va ka Gileade mu valuveli va ka Efraime, mu tshamile xikari ka Efraime na Manasa.
5Zonake va ka Gileade va lo hlongola va ka Efraime, va ya vala mapelo ya le Jordani. Ku waku loku a munhu wa ka Efraime a tsutsuma, a taku: Nzi lava ku tlhatuka, a vanana va ka Gileade va mu wutisa, vaku: U muEfraime ke? Loku aku: Ahihi,
6zonake va waku kakwe: Wula uku: Xibbolete! loku yena a su: Sibbolete; hakuva i wa nga zi koti ku ecanyisa ku wulawula khwatsi, va si khoma va mu daya le mapelweni ya Jordani. Xikhatini xwalexo ku lo dawa 42,000 wa va ka Efraime.
7Jefta i lo maha mulamuli wa va ka Israeli ntlhanu wa malembe ni ginwe, zonake afa, a lahliwa ka wunwe wa miti ya ka Gileade.
Ibzani, na Eloni, na Abdoni.
8Anzhako ka Jefta, Ibzani wa le Betlehema i lo maha mulamuli wa ka Israeli.
9I wa hi ni 30 wa vafana ni 30 wa vanhanyana. I lo lowolisa vanhanyana ni ku lowota vafana vakwe.
10I lo maha mulamuli wa ka Israeli ntlhanu ni mambiri malembe, zonake afa, a lahliwa le Betlehema.
11Anzhako kakwe, Eloni a muZebuloni i lo maha mulamuli wa ka Israeli. I lo lamula va ka Israeli 10 wa malembe.
12Zonake Eloni a muZebuloni i lofa, a lahliwa le Aijaloni, tikweni ga ka Zebuloni.
13Anzhako kakwe, Abdoni nʼwana Hileli, a muPiratoni, i lo maha mulamuli wa ka Israeli.
14I wa hi ni 40 wa vafana ni 30 wa vazukulu, va nga wa khilela 70 wa timbongola. I lo lamula va ka Israeli 8 wa malembe.
15Zonake Abdoni nʼwana Hileli, a muPiratoni, i lofa, a lahliwa tikweni ga ka Efraime le xitsungeni xa ka Amaleki.
Currently Selected:
Valamuli 12: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
