Isaya 46
46
A zifananiso a zi zi koti ku hanyisa.
1Beli i vumbamile, Nebo wa korama,
A zifananiso zabye zi rwaliwa hi zifuyo ni tihomu;
Lezi mu nga zi rwala zi pakelwa ka zihari zi kareleko.
2Va koramile, vawa zinwe,
A va zi koti ku ponisa nzhwalo;
Vona wutsumbu va yile wukhumbini.
3Nzi ingiseni, nwina va yindlu ya Jakobe,
Nwina nwentlhe mu seleko ka yindlu ya ka Israeli;
Nwina lava nzi mu rweleko kusukela kupswalweni ka nwina,
Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11
4Nzi tava tano kala wukhosaneni ga nwina,
Nzi ta mu rwala kala mu huma wuvu;
Nzi zi mahile, nzi ta engeta nzi mu rwala,
Nzi ta mu hlayisa, nzi mu ponisa.
5Mu ta nzi fananisa na mani, nzi ecana naye?
Mu ta nzi ringanisa na mani, lezaku hi fanana ke?
6Va humesa a nzalama mikwameni, va pima a siliva xikalwini;
Va vitana a mufuli a kuva a maha nungungulu ha zona,
Loyi va ta nga mu khizamela, va mu khozela. Vala. 17:4; Jer. 10:3
7Va mu tlakula, va mu rwala hi makatla,
Va ya mu veka wutshanwini gakwe,
Zonake a tshama laho, a nga zi koti ku suka.
Loku va kanyuluka kakwe a nga hlamuli nchumu,
Hambu ku va ponisa zikaratweni zabye.
8Alakanyani lezi zilo, muva vavanuna,
Nwina vahambunyeti, ti alakanyeni!
9Alakanyani a zilo zi mahekileko kaleloko,
Hakuva hi mina Nungungulu, a nga kona munwani;
Nzi Nungungulu, a nga kona a fananako na mina.
10Nzi tlhatlhambutela a zilo na za hi ku sangula,
Nzi vumba ni lezi zi kalako zi nga se ku maheka;
Nziku: A makungu ya mina ma ta tatiseka,
Nzi tira zontlhe lezi nzi zi ranzako.
11Nzi vitana a gama hi le Mutsuwuka-gambo,
Ni munhu loyi a ta nga maha kuranza ka mina hi le tikweni ga le kule.
Ina, nzi zi wulile, nzi ta zi maha zi tatiseka;
Lezi nzi zi alakanyileko nzi ta zi maha.
12Nzi ingiseni nwina va timbilu to nonoha,
Nwina valala va kululama.
13Nzi tshinetile a kululama ka mina,
Ni kuhanyisa ka mina ku nga ta hlwela;
Nzi ta veka kuhanyisa ka mina le Zioni,
Ni wudzunzo ga mina ka Israeli.
Currently Selected:
Isaya 46: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
