Maheberu 6
6
1Hikwalaho a hi tsikeni ku wulawula hi timhaka to sangula ta gonzo ya Kristu, hi komama mahlweni kumbheleni; hi nga ha aki a xiseketelo, ku nga kuhunzuluka mitirweni leyi yi fileko, ni kukholwa ka Nungungulu, Fil. 3:12-14; Xip. 5:12
2ni gonzo ya kubapatiza, ni kutlhatekwa ka mandla, ni kuvuka ka vafileko, ni kulamula ka pinzukelwa. Miti. 8:14-17; 17:31, 32
3Lezi hi ta zi maha loku Nungungulu a vumela.
4Hakuva lava va nga woningelwa kale, va ringile a kunanziha ka xinyikiwo xa le tilweni, va nyikilweko a Moya wa ku Basa, Mat. 12:31, 32
5vazwa a kunanziha ka mhaka yi nene ya Nungungulu, ni mintamu ya xikhati xa ha tako,
6zonake va tlhela vawa, a zi koteki lezaku va tlheliselwa kambe kuhunzulukeni, kota lezi va ti belelako luswa a Nʼwana wa Nungungulu, va mu vangela tingana.
7Hakuva a misava leyi yi nwako a vula leyi yi nako kanyingi hehla ka yona, loku yi milisa a zibyalo zi vunako lava yi rimelweko vona, yona misava yi katekiswa hi Nungungulu.
8Kanilezi loku yi milisa mizwa ni zihlehlwani, ya tsikwa, yi kusuhani ni ku rukateliwa, a magumo ya yona hi ku hiswa.
9Kanilezi, varanzekako, hina hi cuwukele a zilo za chukwana ka nwina, lezi zi xungeteneko ni kuhanyiswa, hambu loku hi wulawulisa lezo.
10Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3
11Hina ha xuva lezaku munwe ni munwani wa nwina a simamisa ku pinyama kota lezi, lezaku ava ni kutsumba ku tiyileko kala kugumeseni; Kol. 2:2; Xip. 3:6, 14
12kasi mu ngavi matolo, kanilezi muva vaecanyisi va lava va gako tshomba ya zitsumhiso, hi kota ya kukholwa ni kutimisela kabye.
13Hakuva laha Nungungulu a nga tsumbisa ka Abrahama, i lo hlambanya hi wutsumbu gakwe, kota lezi ku nga hi hava a wahombe ku hunza yena wa ku hlambanya ha yena.
14I te ngalo: Hakunene nzi ta ku katekisa nguvu, nzi anzisa nguvu a pswalo wa wena. Gen. 22:16; Tis. 105:9
15Zinghaho Abrahama na a timisele hi lihlaza-mbilu, i lo kuma lezi a tsumbisilweko zona.
16A vanhu va hlambanya hi loyi a nga wahombe ku hunza vona, ni kuhlambanya loku ku tiyisako a mhaka ka heta a kukanetana kontlhe. Ekso. 22:11
17Hikwalaho laha Nungungulu a nga ranza ku kombisa ka zigatshomba lezaku a khungo gakwe hi legi gi nga hunzulukiko, i lo gi tiyisa hi kuhlambanya; Rom. 11:29; Xip. 11:9
18lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.
19A kutsumbeni loku hi na ni xirikhiso xa muhefemulo, lexi xi tsumbekileko ni ku tiya, lexi xi enghenako hi lenzhako ka xisirelo, Levi 16:15
20lomu Jesu a nga enghena kona hi kota ya hina, a hi murangeli wa hina, na a mahilwe mupristi wa hombe hi tshamela ga Melkizedeki. Xip. 3:1; 4:14; 5:6, 10
Currently Selected:
Maheberu 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
