Ezekieli 19
19
A nkosi hi tihosana ta ka Israeli.
1Bela a tihosana ta ka Israeli a nkosi, uku:
2A mamani wa wena i wa hi pswele ga nghonyamo, yi etleleko xikari ka tinghonyamo,
Xikari ka zinghalana yi anwisile a zinghalana za yona. Gen. 49:9
3Yi wundlile a xinghalana xinwe, xi kula xi maha nghala,
Yi lo gonza ku khoma pfimba, yi khadamula vanhu. 2 Tih. 23:31; Jer. 22:10
4A ndhuma ya yona yi lo zwakala matikweni, yi phasiwa rinzini ga wona;
Va yi boha mukhalo, va yi kokela tikweni ga Gipite.
5Laha a pswele gi nga wona lezaku gi mbhelelwe hi kutsumba,
Gi lo teka xinwani xinghalana gi xi kulisa xi maha nghala.
6Yi lo fambafamba xikari ka tinghala kala yi tiyelwa,
Yi lo gonza ku khoma pfimba, yi khadamula vanhu.
7Yi lo phanga ziluvelo zabye, yi hahlula miti yabye,
Ku rurumela a tiko ni zontlhe zi nga ka gona hi kota ya kudzumadzuma ka yona.
8Zonake a matiko wontihe ma yi ranzeleko ma lo yi vukela,
Ma yi vekela maziyo, yi phasiwa lomu rinzini gabye.
9Va lo yi bhoxa mukhalo va yi enghenisa ka xiranga, va yi yisa ka hosi ya Babuloni,
Va yi valela makhokholeni, kasi a gezu ga yona gi nga ha zwali zitsungeni za ka Israeli. 2 Tih. 25:6
10A mamani wa wena i wa fanana na wena, kukotisa a vina wu byalilweko kusuhi ni mati,
Wu pswala nguvu, wu chela tiravi to tala hi kota ya kutala ka mati.
11Wu wa hi ni tiravi to tiya to ringana a tinhonga ta tihosi,
A tsinya ga wona gi wa tlakuka na wu tele hi matluka,
Wu woneka kule ni kutala ka maravi ya wona.
12Wu lo tsuwulwa hi zanga, wu hoxiwa lahasi, a mheho ya Mutsuwuka-gambo yi lo womisa a mihanzu ya wona,
A tiravi ta wona to tiya ti lo tshobyiwa ti wuna, ti hisiwa hi nzilo.
13Makunu wu byelilwe le xiwuleni, Lomu ka sava gi womileko ga tora.
14A nzilo wu la su gwava lomu maravini, wu hisa mihanzu,
Laha kaku ni ravi go ringana a nhonga ya wuhosi a ga ha hi kona. 2 Kro. 36:11, 19
Lowu hi wona nkosi, va ta nga bela nkosi ha wona.
Currently Selected:
Ezekieli 19: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
