Va le Kolosi 2
2
1Hakuva nza ranza lezaku mu yi tiva a yimpi ya hombe leyi nzi mu lwelako yona, nwina ni va le Laodikea, ni vontlhe lava va nga wonangiko a nghohe ya mina,
2lezaku a timbilu tabye ti fela a ku tangaliswa, vona na va te gwa liranzweni, va amukela a kutala ka kupimisisa ku tiyileko, lezaku va fela ku tiva a fihlakalo wa Nungungulu, wu nga yena Kristu, 2 Kor. 1:6; 2 Ped. 3:18
3loyi ku fihlilweko ka yena a titshomba tontlhe ta wutlhari ni kutiva.
4Nzi wula lezo kasi mu nga kupetwi hi munhu hi timhaka ti wongako.
5Hambu nzi nga hi kona hi miri, nzi na nwina hi moya, na nzi tsaka hi ku wona a kutshameka ka nwina ni kutiya ka kukholwa ka nwina ka Kristu.
6Hikwalaho khwatsi hilezi mu nga amukela Kristu Jesu a Hosi, fambisani zalezo ka yena,
7mu zima mitsu ka yena, ni ku akiwa ka yena, mu tiyiswa kukholweni, kota lezi mu nga gonziswa, mu tala hi ku bonga Nungungulu.
Paule a luleka hi tlhelo ga gonzo ya hava.
8Ti woneleni lezaku a munhu a nga dzuki a mu koka hi tigonzo ta wutlhari ga hava hi ku lanzela a mikhuwo ya vanhu, ni mintamu yo sangula ya misava, na ku nga hi ka Kristu. Jer. 29:8; Mat. 15:2; Maheb. 13:9
9Hakuva a kutala kontlhe ka wuNungungulu ku tshamile ka yena hi miri. Isa. 9:6; Joh. 1:14; Rom. 9:5; Tit. 2:13
10Ka yena mu avelwe a kutala loku, yena loyi a nga hloko ya vafumeli vontlhe va mimoya ni mintamu. Joh. 1:16; 1 Ped. 3:22
11Ka yena mu enghenisilwe wukwera hi wukwera legi gi nga mahiwangiko hi mandla, kanilezi a wukwera ga Kristu, legi gi mahiwako hi ku tlhatlha a miri wa nyama, Deut. 10:16; Rom. 6:6
12na mu lahlilwe zinwe naye hi kubapatizwa, mu tlhela mu vuxiwa zinwe naye hi ku kholwa a ntamu wa Nungungulu, loyi a nga vuxa Kristu hi ka vafileko. Rom. 6:4; Efe. 3:7
13Na nwina lava mu nga file hi kota ya zihambuko za nwina ni wukhuna ga nyama ya nwina, i lo mu vuxa zinwe naye; na a tsetselela zihambuko zontlhe za hina.
14I lo vinya a papilo ga milanzu, legi gi nga hi kecara hi zileletelo za gona; i gi susile hi ku gi belela xihambanweni.
15I lo wutla matlhari ya vafumeli va mimoya ni mintamu, a va wisa tingana kubaseni, a giyagiya hi ku va hlula kakwe xihambanweni. Gen. 3:15; Tis. 66:18; Isa. 53:12; Lu. 10:18; Joh. 12:31
16Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10
17lezi zi nga xiruti xa zilo lezi zi ta ngata; kanilezi a miri wa zona hi Kristu. Maheb. 8:5
18Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,
19na a nga namareli ka loyi a nga Hloko, leyi ha yona a miri wontihe wu wundliwako ni ku tlhanganyiswa hi mahlakala ni misiha, wu kula hi kukula loku ku tako hi ka Nungungulu.
20Loku mu file zinwe na Kristu hi tlhelo ga mintamu yo sangula ya misava, hikuyini mu ti rwexa a mikhuwo, khwatsi hi loku ma ha hanyela misava ke?
21Ku ngalo: U nga zi khomi, U nga zi danjhi, U nga zi henyi!
22(Na ku wuliwa hi zilo zi ta nga lova hi kutirisiwa.) Kasi lezo zileletelo ni zigonzo za vanhu ntsena.
23Hakunene lezi zilo zi woneka ku khwatsi wutlhari, loku va khozela hi kuranza kabye, va ti koramisa ni ku xanisa mimiri yabye; kanilezi a zi vuni nchumu a ku tsimbetela a kunavela ka nyama.
Currently Selected:
Va le Kolosi 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
