Amosi 9
9
A kulobyiswa ka mufumo wo biha.
1Nzi lo wona Hosi na yi yimile kusuhani ni alati, yiku ngalo: Bana tihloko ta timhanze, kasi a zipimbitsi za tinyangwa zi tsekatseka, u zi fayela hehla ka tihloko ta lava va nga kona lomo; lava va ta nga sala nzi ta va daya hi supado, ku nga ta tsutsuma ni munwe hambu ku pona.
2Hambu loku va hoxa va enghena Xeole, lomo na konawu nzi ta va humesa; hambu loku va nga kanziha vaya tilweni, kwaleyo kambe nzi ta va releta lahasi.
3Hambu loku va nga ya fihlala le hehla ka Karmeli, nzi ta va lava kala nzi va humesa lomo; hambu loku va nga nzi fihlalela kueteni ka bimbi, nzi ta va rumela a nyoka yi ya va luma kwaleyo.
4Hambu loku va yiswa wukhumbini hi valala vabye, kwaleyo nzi ta va rumela supado yi ya va daya. Nzi ta va langutela hi kubiha, na ku nga hi kusaseka.
5Hakuva a Hosi, a Jehova wa tiyimpi, loyi a khumbako misava yi nyeka, kasi vontlhe va tshamako ka yona vaba nkosi, yi kukumuka ku fanana ni congo wa Nilo, yi tlhela yi bohla kukotisa congo wa le Gipite; Vala. 5:4; Nab. 1:5
6hi yena loyi a akako a tiyindlu takwe le tilweni, a tshambuluta a tilo gi maha a langwa hehla ka misava; a vitanako a mati ya bimbi a ma chulula hehla ka misava. A vito gakwe hi Jehova.
7Ka mina a mu fanani ni vana va maEtiopia ke, nwina vana va ka Israeli? ku wula Jehova. A nzi humesangi Israeli tikweni ga Gipite, ni maFilistia tikweni ga Kaftori, ni maSiria tikweni ga Kire ke? Gen. 10:14; Deut. 2:23; Am. 1:5
A misalela.
8Langutani, a mahlo ya Hosi Jehova ma honokela a mufumo lowu wa kuonha, nzi ta wu lovisa nghoheni ya misava; ntsena lezaku a yindlu ya ka Jakobe nzi nga ta yi lovisela magumo, ku wula Jehova.
9Hakuva nzi ta leletela lezaku a yindlu ya ka Israeli yi heheriwa xikari ka matiko wontlhe, kukotisa a mavele ma heheriwako hi lihlelo, ku ngawi ni nzhoho yinwe lahasi.
10Vontlhe vaonhi va tiko ga mina va ta dawa hi supado, lava vange: A khombo gi nga ta hi tshinelela, ge hambu ku hi wela.
A kutlheliselwa ka Israeli.
11Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;
12kasi va fela ku fumela a misalela ya Edome, ni matiko wontlhe lawa ma vitanwako hi vito ga mina, ku wula Jehova yaloye a ta nga maha lezo.
13Jehova i ngalo: A masiku mata lawa a murimi a ta nga lanza a mabata ya mutshoveli, ni mukameli wa mauva a ta nga lanza a mubyali wa mbewu; a zitsunga zi ta donela vinya go tsombela, ni miganga yontlhe yi ta nyeka.
14Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11
15Nzi ta va byala tikweni gabye, cima va nga ta ha tsuwulwa kambe a tikweni legi nzi va nyikileko gona, ku wula Jehova a Nungungulu wa wena.
Currently Selected:
Amosi 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
