2 Va le Korinte 6
6
1Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15
2hakuva i ngalo:
Nzi ku ingisile a xikhatini xi faneleko,
Nzi ku vunile hi siku ga kuhanyiswa.
Langutani makunu hi xikhati xi faneleko, makunu hi siku ga kuhanyiswa. Isa. 49:8
3A hi khunguvanyisi munhu ha nchumu, kasi a ntiro wa hina wu nga soliwi. 1 Kor. 9:12
4Kanilezi ka zilo zontlhe hi ranza ku kombisa lezaku hi malanza ya Nungungulu: hi kutimisela ka hombe, hi kuxaniseka, le makhombyeni, ni timhangweni, 1 Kor. 4:1
5ni kubiweni, ni le mapaxweni, ni le mawoyongeni, ni kupinyameni, ni le kurinzeleni, ni kuyileni ka zakuga,
6ni le kubaseni, ni le kutiveni, hi lihlaza-mbilu, hi wunene, ni ka Moya wa ku Basa, ni liranzo li nga ti mahisiko,
7na hi wulawula zinene, na hi ntamu wa Nungungulu, ni matlhari ya kululama a canjeni ga xinene ni ga xibhabha, 1 Kor. 2:4; 2 Tim. 4:7
8hi kudzunziwa ni ku nyenyiwa, hi wudumo ga kubiha ni wudumo go saseka; aku khwatsi hi vakohlisi, kasi lezi hi va zinene,
9a ku khwatsi hi lava va nga tibyiwiko, kasi lezo ha tibyiwa khwatsi; aku khwatsi hafa, kasi lezo ha hanya; aku khwatsi ha tsayiswa, kasi lezo a hi dawi; Tis. 118:18; 1 Kor. 4:9; Xip. 5:11
10a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.
11A milomu ya hina yi ahlamukile ka nwina va le Korinte, a mbilu ya hina yi anamile ka nwina nwentlhe.
12A mu tlimbanangi nzeni ka hina, kanilezi mu tlimbene timbilwini ta nwina. Xip. 12:15
13Makunu a hi tlheliselaneni hi zalezo (nza wulawula khwatsi hi ka vanana) nzi anamiseleni a timbilu ta nwina.
14Mu nga bohelwi ntsungwa munwe ni va nga kholwiko; hakuva kunengela muni xikari ka kululama ni kubiha ke? Kutani hi kwihi a kutlhangana ka kuwonekela ni munyama ke? Deut. 7:2, 3; 1 Sam. 5:2; Efe. 5:7
15Hi kwihi a kuzwanana ka Kristu na Beliali ke? Kuhlengela muni a nga nako loyi a kholwako ni loye a nga kholwiko ke?
16Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28
17Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4
18Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7
Currently Selected:
2 Va le Korinte 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
