2 Va le Korinte 4
4
1Kota lezi hi nga ni ntiro lowu, hi wuxinji legi hi mahelweko gona, a hi mbheli ntamu;
2kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5
3Loku a ivangeli leyi nzi yi kanelako yi fihlilwe, yi fihlilwe ka vona lava va lovako, Isa. 6:9; 1 Kor. 1:18
4hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3
5Hakuva a hi ti kaneleli a wutsumbu ga hina, kanilezi hi kanela lezaku Kristu Jesu i Hosi, na hina hi malanza ya nwina hi kota ya Jesu. 1 Kor. 9:19
6Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19
A ku hanya hi kukholwa.
7Kanilezi a tshomba leyi hi nga nayo, yi hlayiswa lomu ka zibya za wumba, kasi ku woneka lezaku a ntamu lowu wa hombe ngwa Nungungulu, wu nga hi wa hina wutsumbu. 1 Kor. 2:5; Xip. 5:1
8Hi tsimbeketwa matlhelweni wontihe, kanilezi a hi swireki; ha kanganyiseka, kanilezi a hi mbheli ntamu.
9Ha xanisiwa, kanilezi a hi tsikelwangi magumo; hi bilwe, kanilezi a hi dawangi.
10Xontlhe xikhati hi rwele mirini wa hina a kufa ka Jesu, lezaku a wutomi ga Jesu gi ta wonekeliswa mirini wa hina. Rom. 8:17; 1 Kor. 15:31; Gal. 6:17; Fil. 3:10; 2 Tim. 2:11
11Hakuva hina lava hi hanyako hi masiku wontihe hi nyikelwa kufeni hi kota ya Jesu, kasi kambe a wutomi ga Jesu gi fela ku wonekeliswa mirini wa hina wa kufa.
12Hizalezo a kufa ku tira ka hina, kanilezi a kuhanya ku tira ka nwina.
13Kanilezi na hi hi ni walowo moya wa kukholwa, kota lezi ku tsalilweko, ku ngalo: Mina nza kholwa, hikwalaho nza wulawula; hina kambe ha kholwa, hikwalaho ha wulawula; Tis. 116:10
14na hi tiva lezaku loyi a nga vuxa Hosi Jesu, i ta vuxa na hinawu zinwe na Jesu, a hi yimisa zinwe na nwina mahlweni kakwe.
15Hakuva zilo zontlhe zi mahelwa nwina, kasi a tipswalo na ti anzisilwe ka vanyingi, ti fela ku kulisa a wudzunzo ga Nungungulu.
16Hikwalaho a hi rereki; hambu loku a munhu wa hina wa lahandle a hlakala, a munhu wa hina wa lomu nzeni i mahiwa muswa masiku ni masiku.
17Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;
18hakuva a hi languteli a zilo zi woniwako, kanilezi a zilo zi nga woniwiko; hakuva a zilo zi woniwako za xikhati lexi ntsena, kanilezi a zilo zi nga woniwiko za kupinzukela.
Currently Selected:
2 Va le Korinte 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
