1 Samueli 8
8
1Laha Samueli a nga wa khosahele, i lo yimisa a vana vakwe va maha valamuli va ka Israeli.
2A vito ga nʼwana wakwe wa matewula i wa hi Joeli; a ga nzisana ya kona i wa hi Abija. Va wa hi valamuli le Berxeba.
3Kanilezi a vana vakwe a va fambangi hi tindlela takwe; va lo khunguvanyeka hi ku navela mali, va vumela ku rengelelwa, va hambukisa nongameto. Va ka Israeli va kombela hosi.
4Zonake a masingalakati wontihe ya ka Israeli va lo tsombana ka Samueli le Rama, vaku kakwe:
5Wena u khosahele; a vana va wena a va fambi hi tindlela ta wena. Makunu hi yimisele hosi, leyi yi ta nga hi lamula khwatsi hi wontihe matiko. Deut. 17:14; Hos. 13:10; Miti. 13:21
6A mhaka leyo yi wa bihile mahlweni ka Samueli, leʼyaku: Hi yimisele hosi leyi yi ta nga hi lamula. Samueli i lo kombela ka Jehova.
7Jehova i te ngalo ka Samueli: Ingisa timhaka tontlhe leto a vanhu va ku byelako, hakuva a va tsiki wena, kanilezi hi mina va nzi tsikileko, va nga ranzi lezaku nzi maha hosi yabye.
8Va maha zo khwatsi hi lezi va mahileko kusukela siku lego nzi nga va humesa ha gona le Gipite, kala ni nyamutlha va nzi tsikako va ya khozela vanwani vanungungulu; va maha zalezo ni ka wena kambe.
9Makunu ingisa a gezu gabye; ntsena lezaku u ta va layisisa, u va tivisa hi milayo ya mafumela ya hosi leyo yi ta nga va fumela. Deut. 17:14
10Samueli i lo hlawutela tontlhe timhaka ta Jehova ka vanhu lavo va nga wa kombela hosi,
11aku: A malungelo ya hosi leyo yi to mu fumela, hi lawa: I ta teka a vana va nwina a va kanzihisa lomu ka tikareta takwe ni mahaxi yakwe, va ta tsutsuma mahlweni ka kareta yakwe.
12A vavanuna va ta yimiswa a kuva tinduna ta hombe, ni titsongwani, a vanwani va ta mu rimela masimu yakwe, ni ku hula mavele yakwe, ni ku fula matlhari ya yimpi, ni mitiro ya tikareta takwe.
13A vanhanyana va nwina i ta va maha vamahi va tibani, ni vabhiki, ni vavuvi va zibaba.
14A xikari ka masimu ya nwina, ni zivina za nwina, ni mioliva ya nwina, lezi za chukwana, i ta zi nyika malanza yakwe.
15I ta teka a xipanze xa wukhume xa timbewu ta nwina ni xa zivina za nwina, a zi nyika ka mithenwa yakwe ni ka malanza yakwe.
16I ta mu tekela malanza ya nwina ya xinuna ni ya xisati, ni timbhuri ta nwina ta majaha, ni timbongola ta nwina, a zi tirisa mitiro yakwe.
17I ta teka xipanze xa wukhume ka mitlhambi ya nwina, nwina mu tava tikhumbi takwe.
18Zonake a siku lego mu ta rila hi kota ya hosi leyo mu ta nga yi hlawula, kanilezi Jehova cima a nga ta mu hlamula.
19Kanilezi va lo ala ku ingisa a gezu ga Samueli, vaku ngalo: Za hava lezo, hina hi lava hosi ku hi fumela;
20kasi hinawu hi fela ku fanana ni wontihe matiko. A hosi ya hina hi yona yi ta nga hi lamula, ni ku hi rangela, ni ku seketela tiyimpi ta hina.
21Laha Samueli a nga wa zwile timhaka leto tontlhe ta vanhu, i lo ya ti hlawutela tindleveni ta Jehova.
22Jehova aku ka Samueli: Ingisa a gezu gabye, u va yimisela hosi. Zonake Samueli i te ngalo ka va ka Israeli: Nwentlhe fambani mitini ya nwina.
Currently Selected:
1 Samueli 8: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
