1 Pedro 4
4
A kualakanya loku a nga hi nako Kristu.
1Kota lezi Kristu a nga xaniseka nyameni, hlomaniwo kualakanya kwaloko; hakuva loyi a xanisekileko nyameni i tsawukene ni kuonha; Gal. 5:24
2lezaku mu nga ha hanyeli a kunavela ka vanhu, kanilezi mu hanyela kuranza ka Nungungulu, a xikhati lexi xi seleko ka nwina ku hanya nyameni. Rom. 14:7; Jak. 1:18
3Hakuva xi enele a xikhati lexi mu nga maha a kuranza ka vamatiko, laha mu nga famba wubhayini, ni le kunaveleni, ni le kupopiweni, ni le maguweni, ni le mabyaleni, ni le manyaleni ya ku khozela zifananiso. Efe. 2:2
4Hi lezi va hlamalako ha zona loku mu nga ha tsutsumi navo nzhopeni ya wuoswi, zonake va mu hleva. Miti. 13:45
5Kanilezi va ta ti hlamulela mahlweni ka loyi a longileko a ku lamula lava va hanyako ni vafileko. Miti. 17:31
6Hakuva hi kota ya lezo a ivangeli yi lo kanelwa ni ka vafileko, lezaku kasi va fela ku lamuliwa nyameni hi ximunhu, kanilezi va hanya nyameni kota lezi a hanyako Nungungulu.
7Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12
8Nguvunguvu pinyameleni kuranzana, hakuva a liranzo li khubhunyeta zionho zinyingi. Kol. 3:14; Jak. 5:20
9Rurelanani kuenzeni ka nwina, mu nga kalali.
10Ngha munwe ni munwani a amukeleko a xinyikiwo xo kari, a tirela vanwani ha xona, kota tinekwa ti nene ta tipswalo ti tsalangeneko ta Nungungulu. Mat. 24:45; 1 Kor. 4:7
11Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20
A ku ringwa hi nzilo.
12Varanzekako, mu nga dzukiswi hi nzilo lowu wu nga xikari ka nwina lowu wu tako ku ta mu ringa, aku khwatsi xilo xiswa xi mu humeleleko. 1 Kor. 3:13
13Kanilezi tsakani loku mu hlengela kuxanisekeni ka Kristu, kasi laha kuvululelweni ka kungangamela kakwe mu fela ku tsaka muva ni zigingi. Miti. 5:41; Rom. 8:17
14Nwina mu katekile loku mu rukiwa hi kota ya vito ga Kristu; hakuva a Moya wa kungangamela, wu nga Moya wa Nungungulu, wu le hehla ka nwina.
15Ngha a nga hi kona xikari ka nwina a xanisekako hilezi a nga mudayi, kutani khamba, kutani xihunza-milayo, kutani kota loyi a kambelako a mahungu ya vanwani. 1 Tes. 4:11
16Kanilezi loku munhu a xaniseka hilezi a nga muKristu, ngha a nga telwi hi tingana; kanilezi a dumise Nungungulu vitweni legi; Miti. 5:41
17Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31
18Loku zi tsanza ka loyi a lulamileko a kuva a hanyiswa, ku ta kuyini ka loyi a bihileko ni muonhi ke?
19Hikwalaho lava va xanisekako hi kuranza ka Nungungulu, a va nyikele a mihefemulo yabye ka Muvangi a tsumbekileko, na va kari va maha lezi zi sasekileko. Tis. 31:5; Lu. 23:46
Currently Selected:
1 Pedro 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
