1 Tihosi 15
15
Abijamu a fumela Juda.
1Hi lembe ga 18 ga hosi Jeroboamu nʼwana Nebate, Abijamu i lo fuma lomu tikweni ga ka Juda.
2I lo fuma malembe manharu le Jerusalema. A vito ga mamani wakwe i wa hi Maaka nʼwana Abixalome.
3I lo maha zontlhe zionho lezi zi mahilweko hi raru wakwe na a nga se fuma. A mbilu yakwe yi wa nga mbhelelangi ka Jehova Nungungulu wakwe, khwatsi hi mbilu ya dadani wakwe Davida.
4Hambulezo, hi kota ya Davida, Jehova, Nungungulu wakwe, i mu nyikile a kandiya lomu Jerusalema hi ku yimisa a nʼwana wakwe anzhako ka yena, ni ku tiyisa Jerusalema. 2 Sam. 21:17; Tis. 132:17; Mav. 13:9
5Hakuva Davida i wa mahile kululama mahlweni ka Jehova; a nga hambukangi wontihe masiku ya kuhanya kakwe ka zontlhe lezi a nga wa leletelwe, ahandle ka mhaka ya Uria a muHiti.
6Ni kulwa ku lo simamisa xikari ka Rehoboamu na Jeroboamu ka wontihe masiku ya kuhanya ka Rehoboamu.
7A yinwani mitiro ya Abijamu ni zontlhe lezi a zi mahileko, zi tsalilwe lomu bhukwini ga Matimu ya tihosi ta ka Juda, ni kulwa ku lo simamisa xikari ka Abijamu na Jeroboamu.
8Abijamu i lo etlela ni vararu vakwe, va mu lahla mutini wa Davida. Zonake Asa nʼwana wakwe i lo fuma xikhundleni xakwe.
Asa a fumela Juda.
9Hi lembe ga 20 ga Jeroboamu a hosi ya ka Israeli, Asa i lo fuma lomu tikweni ga ka Juda.
10I lo fuma 41 wa malembe le Jerusalema. A vito ga mamani wakwe i wa hi Maaka a nʼwana Abixalome.
11Asa i lo maha kululama mahlweni ka Jehova, khwatsi hi raru wakwe Davida.
12I lo hlongola a vavanuna lava va ti nyiketeleko wubhayini, a susa zontlhe zifananiso lezi zi nga wa mahilwe hi vararu vakwe.
13Hambu mamani wakwe Maaka i lo mu humesa ka wuzinza gakwe, hakuva i wa mahile a xifananiso xa Axtarte. Asa i lo khungumula a xifananiso xakwe a xi hisa le xicongwaneni xa Kidroni.
14Hambulezo a miphahlelo ya le zitsungeni a yi fuviswangi; kanilezi a mbilu ya Asa yi wa mbhelele ka Jehova wontihe masiku yakwe.
15Yena i lo neha lomu ndlwini ya Jehova a zilo lezi zi nga wa nyikelisisilwe hi dadani wakwe, ni lezi yena wutsumbu a nga wa zi nyikelisisele Jehova, za siliva ni nzalama, ni zibya.
16A tiyimpi ti lo simamisa xikari ka Asa na Baaxa a hosi ya ka Israeli ka wontihe masiku ya kuhanya kabye.
17Baaxa a hosi ya ka Israeli i lo kanziha a ku ya vukela va ka Juda, na yena i lo aka le Rama, kasi a fela ku valela vanhu a ku huma ni ku enghena ka Asa a hosi ya ka Juda.
18Zonake Asa i lo teka yontlhe a siliva ni nzalama yontlhe leyi yi nga wa sele lomu ka mabako ya yindlu ya Jehova, ni titshomba ta yindlu ya hosi a zi nyikela mandleni ya malanza yakwe, a ma rumela a kuya ka Ben-hadade a nʼwana Tabrimmone wa Hezroni, a hosi ya le Siria leyi yi nga wa akile le Damasku, aku kakwe:
19A kuve kona kuzwanana xikari ka mina na wena, kota lezi ku nga wa hi kona xikari ka raru wa wena ni raru wa mina. Languta, nza rumela ka wena a zinyikiwo za siliva ni za nzalama. Makunu fuvisa a kuzwanana ka wena na Baaxa a hosi ya ka Israeli, kasi yena a fela ku Suka ka mina.
20Ben-Hadade i lo ingisa a timhaka ta hosi Asa, a rumela a tinduna ta yimpi yakwe ti ya hlasela a miti ya ka Israeli. Va lo ya hangalasa Ijoni, na Dani, na Abel-Bete-Maaka, ni gontlhe ga ka Kinnerote, ni gontlhe tiko ga ka Naftali.
21Makunu laha Baaxa a ngazwa lezo i lo tsika ku aka le Rama a ya tshama le Tirza.
22Zonake hosi Asa i lo tsombanyisa vontlhe vanhu va ka Juda, ku nga vumaleki ni munwe. Va lo susa maribye ni tisinya, lezi Baaxa a nga wa aka ha zona le Rama; hosi Asa i lo aka ha zona a Geba ga ka Benjamini ni Mizpa.
23A timhaka tinwani ta Asa ni yontlhe mitiro yakwe, ni zontlhe lezi a mahileko, ni miti leyi a akileko, zi tsalilwe lomu bhukwini ga Matimu ya tihosi ta ka Juda. Ntsena lezaku xikhatini xa wukhosana gakwe i babyile hi milenge.
24Asa i lo etlela ni vararu vakwe, a lahliwa zinwe navo le mutini wa Davida, ni dadani wakwe; zonake a nʼwana wakwe Jehoxafate i lo fuma xikhundleni xakwe.
Nadabe a fumela Israeli.
25Nadabe wa Jeroboamu i lo sangula ku fuma tikweni ga va ka Israeli hi lembe ga wumbiri ga Asa a hosi ya ka Juda. I lo fuma malembe mambiri lomu tikweni ga ka Israeli.
26I lo maha lezi zi bihileko mahlweni ka Jehova, a lanzela a ndlela ya raru wakwe ni xionhweni xakwe lexi a nga onhisa va ka Israeli ha xona.
27Baaxa wa Ahija, wa yindlu ya ka Isakare, i lo maha mahlevo yo mu vukela. Baaxa i lo mu daya le Gibetoni gi lumbako vaFilistia, laha Nadabe ni Vontlhe va ka Israeli va nga wa vimbezela Gibetoni.
28Baaxa i lo mu daya hi lembe ga wunharu ga Asa a hosi ya ka Juda, zonake yena i lo fuma xikhundleni xakwe.
29Makunu laha yena a nga sangula ku fuma, i lo hlasela yontlhe a yindlu ya ka Jeroboamu, a nga siyi ni munhu munwe wa yindlu leyo. I lo hlasela zontlhe lezi zi hefemulako, khwatsi hi lezi Jehova a nga wa wulile hi nanza gakwe Ahija a muXiloni,
30hi kota ya zionho za Jeroboamu lezi a zi mahileko, ni lezi a onhisileko ha zona va ka Israeli, lezi a zangarisileko ha zona Jehova Nungungulu wa ka Israeli.
31A yinwani mitiro ya Nadabe ni zontlhe lezi a zi mahileko, zi tsalilwe lomu bhukwini ga Matimu ya tihosi ta ka Israeli.
32Ni kulwa ku lo simamisa xikari ka Asa na Baaxa a hosi ya ka Israeli masiku wontihe ya kuhanya kabye.
Baaxa a fumela Israeli.
33Hi lembe ga wunharu ga Asa a hosi ya ka Juda, Baaxa nʼwana wa Ahija i lo sangula ku fuma hehla ka vontlhe va ka Israeli le Tirza. I lo fuma 24 wa malembe.
34I lo maha lezi zi bihileko mahlweni ka Jehova, a lanzela a ndlela ya Jeroboamu, ni lomu xionhweni xakwe lexi a nga onhisa ha xona va ka Israeli.
Currently Selected:
1 Tihosi 15: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
