1 Va le Korinte 8
8
A nyama yi phahlelweko zifananisweni.
1Makunu xungetano ni lezi zi phahlelweko zifananisweni, ha zi tiva lezaku hontlhe hi na ni kutiva. A kutiva ka kukumukisa, kanilezi liranzo la aka. Miti. 15:20; Rom. 14:14
2Loku a munhu a alakanya lezaku wa tiva nchumu, a nga se nga tiva kota lezi a faneleko a ku tiva. Gal. 6:3; 1 Tim. 6:4
3Kanilezi loku munhu a ranza Nungungulu, yaloye wa tibyiwa hi yena. Ekso. 33:12; Nah. 1:7; Mat. 7:23; Gal. 4:9; 2 Tim. 2:19
4Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. Deut. 4:39; Isa. 41:24; 44:8
5Hakuva hambu va hi kona lava va vitiwako lezaku vanungungulu le tilweni kutani misaveni, kota lezi ku nga kona “vanungungulu” vanyingi ni “tihosi” tinyingi; Joh. 10:34
6kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16
7Ahembalokoke, a vanhu vontlhe a va na kutiva loko; kanilezi a vanwani lava va toloveleko a zifananiso ni lezi, vaga a nyama yi phahlelweko zifananisweni na va kari va zi tiva; zonake a livalo labye leli li nga ni gome li nyenyeziswa.
8Kanilezi a zakuga a hi xilo hi nga tsakisako Nungungulu ha xona; loku hi ngagi, a hi lahlekelwi hi nchumu; hambu loku higa, a hi na chukwana wa nchumu.
9Kanilezi tlharihani, hakuva a kutlhatlheka ka nwina ku nga dzuka ku maha xikhunguvanyiso ka lava va nga ni gome.
10Hakuva loku munhu a ku wona, wena loyi u nga ni kutiva, na u tshamile a kugeni lomu tempeleni ya xifananiso, xana a livalo lakwe loyi a nga ni gome li nga ta tiyisiwa a kuva aga na yenawu lezi zi phahlelweko zifananisweni ke?
11Zonake a makabye loyi a nga ni gome, loyi Kristu a mu feleko, i ta lova hi kota ya kutiva ka wena.
12Loku mu onhela vamakabye kota lezo, mu bayisa a livalo labye leli li nga ni gome, zonake mu onha ka Kristu. Mat. 25:40; Miti. 9:4
13Hikwalaho loku a makabye wa mina a khubeka hi kota ya zakuga, cima nzi nga ta haga nyama kala rini, kasi nzi nga mahi makabye wa mina a khubeka.
Currently Selected:
1 Va le Korinte 8: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
