1 Va le Korinte 3
3
Jesu Kristu xiseketelo xi nene.
1Vamakabye, nzi wa nga zi koti ku wulawula na nwina khwatsi hi loku mu hi vanhu va moya, kanilezi nzi lo wulawula na nwina khwatsi hi ka vanhu va nyama, ni zihlangi ka Kristu.
2Nzi lo mu nwisa masi, a nzi mu phamelangi a zakuga zi tiyileko; hakuva mu wa nga se zi kota kuga; ge, hambu lezi a mu se zi kota, Maheb. 5:13; 1 Ped. 2:2
3hakuva ma ha hi va nyama. Kota lezi ku nga kona a wukhuxu ni kuhambana xikari ka nwina, a mu va nyama ke, a mu na mahanyela ya vanhu ke?
4Hakuva loku a munwe aku: Mina nzi wa Paule, ni munwani aku: Nzi wa Apolose; a mu fanani ni vanwani vanhu ke?
5Hakuva himani Apolose? Na yena Paule himani? Malanza ntsena lawa mu kholilweko ha wona, khwatsi hi lezi munwe ni munwani a nyikilweko hi Hosi. Rom. 12:3
6Mina nzi lo byala, Apolose a cheletela mati, kanilezi hi Nungungulu a nga milisa. Isa. 55:10; Miti. 18:4; 19:1
7Hikwalaho loyi a byalako a hi nchumu, hambu ni loyi a cheletelako mati, sine Nungungulu loyi a milisako.
8Makunu loyi a byalako ni loyi a cheletelako mati va ecana; kanilezi munwe ni munwani i ta amukela a hakhelo yakwe khwatsi hi mitiro yakwe. Tis. 62:12; Rom. 2:6; Kuv. 2:23; 22:12
9Hakuva hina hi zitiri-kulobye ni Nungungulu; nwina mu simu ga Nungungulu, mu wuako ga Nungungulu. Miti. 15:4; Efe. 2:20; Kol. 2:7
10Hi tipswalo ta Nungungulu leti nzi nyikilweko tona, nzi lo aka a xiseketelo khwatsi hi gogwe wa kuaka, ni munwani i lo aka hehla ka xona. Kanilezi ngha munwe ni munwani a tlhariha lezaku i akisa kuyini ka xona. Rom. 15:20; 1 Ped. 4:11
11Hakuva a munhu a nga zi koti ku aka a xinwani xiseketelo ahandle ka lexi xi akilweko, xi nga Jesu Kristu. Isa. 28:16; Mat. 16:18
12Kanilezi loku a munhu a aka lomu xiseketelweni lexi hi nzalama, ni siliva, ni maribye ya tsengo wa hombe, ni tisinya, ni byanyi, ni hlanga;
13a ntiro wa munwe ni munwani wu ta wonekeliswa kubaseni, hakuva a Siku lego gi ta wu kombisa, wu ta wonekeliswa hi nzilo; a nzilo wu ta hlola a ntiro wa munwe ni munwani lezaku ngwa lixaka muni. 1 Ped. 1:7
14Loku a ntiro lowu a munhu a wu akileko hehla ka xiseketelo wu tiyile, i ta amukela a hakhelo.
15Loku a ntiro wa munhu wuswa, i ta lahlekelwa hi hakhelo, kanilezi yena wutsumbu i ta pona, na aku khwatsi i huma xikari ka nzilo. Juda 23
16Xana a mu zi tivi lezaku mu tempeli ya Nungungulu, ni lezaku a Moya wa Nungungulu wu tshama ka nwina ke?
17Loku munhu a lovisa a tempeli ya Nungungulu, Nungungulu i ta mu lovisawu; hakuva a tempeli ya Nungungulu yi basile, a tempeli leyi mu nga yona nwina. Maheb. 3:1
18Ngha na munhu a nga ti kanganyisa Loku munwani wa nwina a alakanya lezaku i tlharihile hi wutlhari ga nguva leyi, ngha a maha xipumbu, kasi a fela ku tlhariha.
19Hakuva a wutlhari ga misava, mbupumbu ka Nungungulu. Hakuva ku tsalilwe ku ngalo: Yena loyi a khomako a titlhari manweni ya tona; Joba 5:13
20niku: A Hosi ya tiva a maalakanyo ya votlhariha, lezaku a ma nyawuli. Tis. 94:11
21Hikwalaho ngha a nga hi kona munhu loyi a ti kulisako hi vanhu. Hakuva zilo zontlhe za nwina: 2 Kor. 4:5
22hambu a hi Paule, kutani Apolose, kutani Kefasi, kutani misava, kutani wutomi, kutani kufa, kutani lezi zi nga kona, kutani lezi zi ta ngata; zontlhe za nwina;
23kanilezi nwina mu lumba Kristu, Kristu ngwa Nungungulu. Rom. 14:8; Gal. 3:29; Maheb. 1:3
Currently Selected:
1 Va le Korinte 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
