1 Va le Korinte 2
2
A wutlhari ga Nungungulu.
1Laha nzi ngata ka nwina, vamakabye, a nzi tangi na nziba hungu hi fihlakalo wa Nungungulu hi kuwulawula ku tlakukileko ni wutlhari. Xip. 1:17; 2 Kor. 11:6
2Hakuva nzi wa tiyisile lezaku nzi nga ta tiva nchumu xikari ka nwina, ntsena yena Jesu Kristu, loyi a nga belelwa. Gal. 6:14; Fil. 3:8
3Laha nzi nga hi kona xikari ka nwina nzi wa hi ni gome, ni kuchava ni kururumela ka hombe. Miti. 18:1; 2 Kor. 10:1; Gal. 4:13
4A kuwulawula ka mina ni kukanela ka mina ku wa nga hi na magezu ya wutlhari ma wongako, kanilezi ku lo tiyiswa hi Moya ni ntamu; 2 Ped. 1:16
5kasi a kukholwa ka nwina ku nga seketelwi hi wutlhari ga vanhu, kanilezi hi ntamu wa Nungungulu. 2 Kor. 4:7; 1 Ped. 1:5
6Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15
7Hina hi wulawula a wutlhari ga Nungungulu gi nga fihlakalo, a wutlhari legi gi fihlilweko, legi Nungungulu a nga gi yimisela a wudzunzo ga hina, a tinguva na ti nga seva kona. Rom. 16:25; 2 Tim. 1:9
8A wutlhari legi a tihosi ta nguva leyi a ti gi tivi; hakuva loku ti wa gi tivile, ngha ti nga belelangi a Hosi ya kungangamela. Miti. 13:27
9Kanilezi hi kanela kota lezi ku tsalilweko ku ngalo:
A zilo lezi zi nga woniwangiko hi tihlo, ni ndleve yi nga zi zwangiko,
Lezi zi nga alakanyiwiko mbilwini ya munhu,
Zalezo Nungungulu i zi longisele vona lava va mu ranzako. Isa. 64:4
10Hakuva Nungungulu i zi wonekelisile ka hina hi Moya wakwe; hakuva a Moya wu kamba zilo zontlhe, ina ni zilo zi etileko za Nungungulu. Mat. 16:17; 1 Joh. 2:27
11Hakuva hi wihi xikari ka vanhu a tivako a za munhu, loku wu nga hi wona moya wa munhu lowu wu nga ka yena? Hizalezo ni maalakanyo ya Nungungulu, a nga kona a ma tivako, sine Moya wa Nungungulu. Jer. 17:9; Rom. 11:83
12Kanilezi a hi amukelangi a moya wa misava, kanilezi a Moya lowu wu humako ka Nungungulu; lezaku hi fela ku tiva a zilo lezi hi nyikilweko zona hi Nungungulu. Rom. 8:15
13Kanilezi a zilo lezi, a hi wulawuli ha zona hi magezu ma gonziswako hi wutlhari ga vanhu, kanilezi hi magezu hi gonziswako wona hi Moya; kasi ha tlhamusela a zilo za ka Moya hi magezu ya ka Moya. 2 Ped. 1:16
14Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. Mat. 16:23; Rom. 8:5; Juda 19
15Kanilezi loyi a nga wa moya wa pima zontlhe, yena wutsumbu a nga pimiwi hi munhu. Mav. 28:5
16Hakuva himani a ku tivileko a kupima ka Hosi, lezaku a kala a yi gonzisa ke? Kanilezi hina hi na ni kupima ka Kristu. Joba 15:8; Tis. 25:14; Isa. 40:13; Joh. 15:15; Rom. 11:34
Currently Selected:
1 Va le Korinte 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
