1 Va le Korinte 16
16
A hlengo wo vunetela vobasa le Jerusalema.
1Makunu xungetano ni hlengo lowu wu hlengelwako lava vobasa, mahani na nwinawu kota lezi nzi layileko a mabandla ya le Galatia. Miti. 11:29; 24:17; Rom. 15:26; 2 Kor. 8:4; 9:1; Gal. 2:10
2Hi siku go ranga ga viki, ngha loyi ni loyi a ti vekela kota lezi a zi kumileko, kasi ku nga mahiwi hlengo loku nzi chikele. Miti. 20:7; Gal. 2:10
3Ni loku nzi chikele nzi ta nyika mapapilo ka lava mu ta nga va hlawula, nzi va rumela a ku heleketa a xinyikiwo xa nwina le Jerusalema. 2 Kor. 8:19
4Loku ku laveka a kuva nzi famba na minawu, va ta famba zinwe na mina.
5Hakuva nzi ta mu enzela loku nzi hunzile hi le Makedonia, hakuva nzi ta tsemakanya Makedonia, Miti. 19:21; 2 Kor. 1:10
6kanilezi nzi la tshama na nwina a masiku yo kari, kutani kala ku mbhela wuxika, kasi mu fela ku nzi heleketa pfhumbeni ga mina ni kwihi laha nzi yako kona. Miti. 15:3; 17:15; 21:5
7Lezi a nzi ranzi kuya hi ku mu hambukela ntsena, hakuva nza tsumba lezaku nzi ta ta tshama na nwina a xikhati xo kari loku Hosi yi vumela.
8Nzi ta tshama le Efesusi kala ku chikela Pentekosta;
9hakuva seyo nzi vululelwe a nyangwa ya hombe ya ntiro; ni kambe ku na ni valala vanyingi. Miti. 14:27; 2 Kor. 2:12; Kuv. 3:8
10Loku ata Timote, mahani lezaku a tshama na nwina na a nga chavi; hakuva i tira a ntiro wa Hosi khwatsi hi mina; Rom. 16:21
11ngha ku nga hi kona munhu a mu kanyisako. Kanilezi mu heleketeni hi kurula pfhumbeni gakwe ga ku wuya ka mina, hakuva nzi mu cuwukele zinwe ni vamakabye. 1 Tim. 4:12
12Xungetano ni makabye Apolosi, nzi mu khongotele nguvu lezaku a mu enzela zinwe ni vamakabye vanwani, kanilezi i wa nga ranzi a kuta zalezi; hambu zi hi tano, i tata loku ava ni xikhati. Miti. 18:24; Xip. 1:12; Tit. 3:13
13Rinzelani, muku nde kukholweni, mu maha xinuna, muva ni ntamu.
14Zontlhe lezi mu zi mahako a zi mahiwe hi liranzo.
15Makunu nza ha mu khongotela vamakabye: Ma yi tiva a yindlu ya Stefanasi, lezaku hi yona a mbhanzu wo ranga wa le Akaia, ni lezaku va ti yimisele a kuva va tirela a vobasa.
16Ti koramiseni ka vanhu va kunghahi, ni ka vontlhe vatiri-kulori, va ti karatako ntirweni.
17Nza tsaka hi kota ya kuta ka Stefanasi na Fortunatusi na Akaikusi; hakuva va lo nzi nehela lezi nzi nga zi vumala ha nwina. 2 Kor. 11:9
18Va tiyisetile a moya wa mina ni wa nwina; hikwalaho alakanyani a vanhu va kunghahi. Kol. 4:8 Marungula.
19A mabandla ya leno Asia ma mu rungula. Akwila na Priska va mu rungula nguvu Hosini, zinwe ni bandla legi gi nga lomu ndlwini yabye. Rom. 16:5
20Vamakabye vontlhe va mu rungula. Losanani hi kupswopswa ko basa.
21Mina Paule nza tsala a marungula ya mina hi canja ga mina wutsumbu.
22Loku a hi kona munhu loyi a nga ranziko Hosi, ave a rukatelweko. Maranatha! Gal. 1:8, 9; Juda 14-15
23A tipswalo ta Hosi Jesu Kristu a tive na nwina.
24A liranzo la mina li na nwina nwentlhe ka Kristu Jesu. Amen.
Currently Selected:
1 Va le Korinte 16: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
