Sofoniya 2
2
Vbwetani Pfhumu Nungungulu
1Rambanani mu tshangana mu wuyisela mapimo, enu vathu nyambana dzitshoni.
2Mu si gu phalalegiswi kha nga mungu
wu mwalalegago khu litshigu limwedo,
mu si gu thegedwi khu likhulo nya guthise la Pfhumu Nungungulu;
ina, mu si gu vbohedwi khu litshigu
nya likhulo la Pfhumu Nungungulu.
3Vbwetani Pfhumu Nungungulu,
enu mwatshavbo, va nya gurula va mafuni,
enu mu landrisago milayo yaye.
Zamani guvbweta gululama,
dzi nogiseni mbeli gwaye,
a gu dzina saye mu na mana wuthavelo
litshigu nya likhulo la Pfhumu Nungungulu.
II. GULAMUDWA NYA MAYIGO
Gitiviso ga Vafilisitiya
4Kholu lidhoropa la Gaza li na khala giwula,
eli la Asikaloni, li na khala marumbi;
Asidhodhi, gu na phangwa vbakari nya mihani,
vathu va Ekoroni va na vbagedwa.
5Libango gwanu enu mu vbahidego bambe nya yiphwa,
vathu va Kereta!
Magana ya Pfhumu Nungungulu,
ma ngu wugela enu vathu Vakhanani,
litigo nya Vafilisitiya, khayo:
Eni nyi na mi gupfhungumula
mu khala marumbi nyambana muthu.
6Litigo lanu la bambe nya yiphwa,
li na vbindrugedza li khala wuhaviselo nya sirengo,
li manega ni mitshatsha nya vahavisi
ni mavbandro nya mitshambi.
7 # Wona gambe: Isa 14:29-31; Jer 47:1-7; Ezek 25:15-17; Jol 3:4-8; Zak 9:5-7. Mitshaledwa nya lihundzu la Judha
yi na ta bela yi dzega litigo leli.
Va na havisela umo mitshambi yawe,
wutshiguwule va na lala mudzinyumbani ga Asikaloni.
Kholu Pfhumu Nungungulu wawe,
a na va endrela nyaluphye, a wuyisa
vale va nga bani vari wugumbini.
Gitiviso ga Mowabhi ni Amoni
8 # Wona gambe: Jer 39:1-6; Ezek 21:28-32; 25:1-7; Amos 1:13-15. Nyi pwide guyuyutela ga vathu va Mowabhi
ni gupoyila ga sanana sa Amoni
gikhati va nga valago vathu vangu,
va dzi khusedza khu litigo lawe.
9Khu kharato, nyi ngu sambanya khu womi wangu,
a ngu ganela Pfhumu nya Tshivba Yatshavbo,
Nungungulu wa Israyeli,
khu lisine, Mowabhi a na fanana ni Sodhoma,
sanana sa Amoni si fanana ni Ghomora,
marembwe yawe ma na tala khu miba ni siruga nya munyu,
gu na vbindrugedza gu khala giwula kala gupindruga.
Va na phangwa khu mitshaledwa nya vathu vangu
ni mitshaledwa nya vathu vangu yi na wandra mayigo yawe ma khala thomba yawe.
10Oyu wu na bani na wuri tshatshazelo nya matshandza yawe,
kholu va di vala ni gu poyila vathu va Pfhumu,
Nungungulu nya Tshivba Yatshavbo.
11 # Wona gambe: Isa 15:1—16:14; 25:10-12; Jer 48:1-47; Ezek 25:8-11; Amos 2:1-13. Pfhumu Nungungulu a na thisa vbakari gwawe,
kholu a na fuvisa vbakari gwawe
vanungungulu vatshavbo va mafuni;
vatshavbo va nata mu khozela,
muthu ni muthu gukhugela tigoni gwawe,
ambari sidwa sa hwindzo ni lihundzu lawe.
Gitiviso ga Etiyopiya
12 # Wona gambe: Isa 18:1-7. Enu nenu vathu Vaetiyopiya,
mu na songwani khu litshari langu.
Gitiviso ga Asiriya
13 Pfhumu Nungungulu a na thawuludza gyandza gyaye a veta phuvbo ga Wuronga,
a na mbembisa Asiriya,
a na vbindrugedza Ninivha gu khala
wulanga nya giwula nyambana muthu.
14Vbakari gwaye, gu na khala mazumbo nya mitshambi,
nya mafumbu yatshavbo nya sirengo sa khabini;
matembe ni sisungurukhuru si na mana wuthavelo
vbatshani nya madingo yawe;
ligwaha nya sinyoni, li na pwala khu sihogoni nya dzinyumba,
vamahigonganye khu myanyani,
kholu si guledwe mihasimo nya mapulango nya sena.
15 # Wona gambe: Isa 10:5-34; Nah 1:1—3:19. Khidzo kharati lidhoropa nya matshandza
li nga bani li gu vbanya gukhadzisegani
li dzi khusedza khu monyoni gwaye, khilo:
“Kheni nyenga, mwalo mumbe nya gufanane ni eni.”
Olu li vbindrugedzide kharini li khala marumbi,
li khala liphala nya sirengo nya likhabi,
muthu watshavbo a vbindrago khu vbafuvbi,
a na li hega a womba ndrodzi, a ninginingisa hungo.
Currently Selected:
Sofoniya 2: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
