Levhi 4
4
Mhamba nya ditshedzo
(Mitengo 15:22-31)
1 Pfhumu Nungungulu a di ganela ga Mosi, khuye: 2Ganela ga sanana sa Israyeli, u si embela, khuwe: “Muthu a gu dzipwa na ghohide, nasiri kha gwenye, aholu na giride esi Pfhumu Nungungulu a si himbedzedego gukhuye si nga girwi khu muthu, fanede gu gira, kharati: 3Oyu a nga ghohago, a gu bani ari muphasi nya mhamba a agisidwego,#4:3 Muphasi nya mhamba a agisidwego: Khu wule a todzidwego khu mafura a wumbedwa gu khala muthangeli nya litigo, giwonegiso gya Nungungulu vbakari nya vathu, a gu wonegisa gambe vathu mahoni ga Nungungulu. A gu ghoha uye, vathu vatshavbo va ghohide. Gughoha gwaye gwa gu bedza libango tigoni. girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo#4:3 Mamba nya ditshedzo: Khu mhamba nya guhandze sighoho. Gipandre nya gikhongolo nya milayo nya miphaso gya gu ganela khu dzimhamba nya guhandze sighoho. 4A na dzega gimombyana aya gi bikela nyangwatunu nya Tshatsha nya Tshangano, mbeli ga Pfhumu Nungungulu, a na gi handzega mandza hungoni; a hegisa a gi paya mbeli ga Pfhumu Nungungulu. 5Khu gulandrela, muphasi nya mhamba a todzidwego mafura a na dzega novba nya gimombyana gi payidwego a bela nawo Tshatshani nya Tshangano; 6a na nega nyala novbani, khu novba wowo a na mitegedzela livbandre na dzimbili dzinyondro, mbeli ga Pfhumu Nungungulu, na khedzane ni mwendra wa makhuvini nya Wulanga nya Guage. 7Khu hwane a na vbaladza wumbe novba avba nya dzikeho nya giluvelo nya libani nya gunungele, gi guromo mbeli ga Pfhumu Nungungulu, ndrani nya Tshatsha nya Tshangano; owu wumbe watshavbo novba nya gimombyana a na wu vbaladza tshinani nya giluvelo nya miphaso nya guvbiswe, gi guromo nyangwatunu nya Tshatsha nya Tshangano. 8Khavbo avbo, a na dusa mafura yatshavbo nya gimombyana gi payidwego khu gighoho gyaye, aya ma fumbelago mahembe ni aya ma patanego ni sa ndrani; 9gumogo ni dzitshwa dza dzimbili ni mafura ma dzi fumbelago mugiwununi, ni mafura nya libindri ma na duswago gumogo ni dzitshwa; 10kha nga idzo gu girwago khidzo gimombyana nya phaso nya patano. Muphasi nya mhamba a na vbisa satshavbo vbatshani nya giluvelo nya miphaso nya guvbiswe. 11Aholu, lidowo nya gimombyana ni nyama yakone yatshavbo, gu pata ni hungo ni dzizondzo, ni mahembe ni swanyi; 12rumba nya gimombyana gyatshavbo, a na gi dzega a gu duga nagyo vbavbandze nya lizumbo, wulangani wu agidego,#4:12 Wulangani wu agidego: Sipandre nya nyama nya gifuyo nya miphaso yi gumba vbiswa vbatshani nya giluvelo, yi fanede guya vbiswa wulangani wu fanedego silo si agidego. talatunu va vbaladzelago avbo nguma, aya gi vbisa avbo, vbadzikhunitunu. Gi na vbisedwa vbatalatunu nya nguma.
Miphaso mayelano khu sighoho nya vathu
(Mitengo 15:22-26)
13A gu bani ari tshangano watshavbo nya vathu va na Israyeli va ghohidego khu guphazama, nasiri kha gwenye, va gira gilo gimwegyo gi himbedzedwago khu Pfhumu Nungungulu, va na mana nandru khu guralo. 14Gikhati gighoho va giridego gi na tugudwago, tshangano wu na bikela ningelo nya ditshedzo khu gimombyana nya kuzi va gi resa mbeli nya Tshatsha nya Tshangano. 15Madhota nya tshangano wa na Israyeli ma na handzega mandza hungoni nya kuzi, va yi paya avbo vbale mbeli ga Pfhumu Nungungulu. 16Khu gulandrela, muphasi nya mhamba a todzidwego mafura a na dzega wumbe novba nya kuzi a gu bela nawo Tshatshani nya Tshangano. 17A na nega nyala novbani, a mitegedzela khu novba wowo livbandre na dzimbili dzinyondro mbeli ga Pfhumu Nungungulu na khedzane ni mwendra nya makhuvi nya Wulanga nya Guage. 18Khu hwane, a na vbaladza wumbe novba mudzikehoni nya giluvelo gi guromo mbeli ga Pfhumu Nungungulu, Tshatshani nya Tshangano. Gasi watshavbo wu na tshalago a na wu vbaladza tshinani nya giluvelo nya phaso nya guvbiswe gi guromo nyangwani nya Tshatsha nya Tshangano. 19Khavbo avbo, a na dusa mafura yatshavbo nya kuzi a ma vbisa vbavbatshi nya giluvelo, 20a na gira kuzi yeyi idzosaye ni idzo a nga girago kuzi nya phaso nya ditshedzo, khu magirelo yoyo va na Israyeli va na ditshedzwa sighoho sawe satshavbo. 21Khu hwane a na dzega kuzi a duga nayo vbavbandze nya lizumbo, aya yi vbisa avba a vbisidego iyo nya guphele. Owu ningelo nya phaso nya guhandze gighoho nya tshangano.
Miphaso nya guhandze sighoho nya guphazame ga vathangeli
22A gu bani ari moyo nya muthangeli a nga ghohago khu guphazama, nasiri kha gwenye, a gira gilo gimwegyo gi himbedzedwago khu Pfhumu Nungungulu waye, a dzi vangede nandru; 23Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso. 24A na handzega mandza hungoni nya nyamabhongwe a wu paya wulangani wu giredwego gu payela avbo miphaso nya guvbiswe, mbeli ga Pfhumu Nungungulu. Owu ningelo nya phaso nya ditshedzo. 25Khu gulandrela, muphasi nya mhamba a na dzega novba nya gifuyo nya miphaso nya guvbiswe gasi gu handza gighoho, khu nyala a na todza khuwo dzikeho nya giluvelo nya miphaso nya guvbiswe; wumbe novba watshavbo a wu vbaladza tshinani nya giluvelo nya miphaso nya guvbiswe. 26A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa. 27A gu bani ari muthu a nga ghohago basi khu guphazama, nasiri kha gwenye, na giride gilo gimwegyo gi himbedzedwago khu Nungungulu waye, khu kharato a wu mane nandru. 28A gu tugudziswa gighoho a giridego, a na resa mhamba nya phongo nya ngadzi nyamba hasa, gasi gu handzwa gighoho a giridego. 29A na handzega mandza hungoni nya phongo nya mhamba nya guhandze sighoho, a yi payela wulangani va payelago avbo sifuyo nya miphaso nya guvbiswe. 30Khu gulandrela, muphasi nya mhamba khu nyala a na dzega novba nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe, wumbe novba watshavbo a na wu vbaladza tshinani nya giluvelo. 31#Wona gambe: Mit 15:27-28. Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa. 32Aholu, a gu bikela ningelo nya phaso nya ditshedzo, khu nvuta a na dusa ngadzi nyamba hasa. 33A na handzega mandza hungoni nya gifuyo nya guhandze gighoho, a gi paya wulangani nya miphaso nya guvbiswe. 34Khu gulandrela, muphasi nya mhamba, khu nyala, a na dusa novbanyana nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe; a vbaladza wumbe novba watshavbo tshinani nya giluvelo. 35Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga ningelo nya phaso wu vbisedwago Pfhumu Nungungulu. Khu kharati, muphasi nya mhamba a na girela muthu yoyo mhamba nya ditshedzo, uye a na tsetseledwa sighoho a giridego.
Currently Selected:
Levhi 4: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 4
4
Mhamba nya ditshedzo
(Mitengo 15:22-31)
1 Pfhumu Nungungulu a di ganela ga Mosi, khuye: 2Ganela ga sanana sa Israyeli, u si embela, khuwe: “Muthu a gu dzipwa na ghohide, nasiri kha gwenye, aholu na giride esi Pfhumu Nungungulu a si himbedzedego gukhuye si nga girwi khu muthu, fanede gu gira, kharati: 3Oyu a nga ghohago, a gu bani ari muphasi nya mhamba a agisidwego,#4:3 Muphasi nya mhamba a agisidwego: Khu wule a todzidwego khu mafura a wumbedwa gu khala muthangeli nya litigo, giwonegiso gya Nungungulu vbakari nya vathu, a gu wonegisa gambe vathu mahoni ga Nungungulu. A gu ghoha uye, vathu vatshavbo va ghohide. Gughoha gwaye gwa gu bedza libango tigoni. girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo#4:3 Mamba nya ditshedzo: Khu mhamba nya guhandze sighoho. Gipandre nya gikhongolo nya milayo nya miphaso gya gu ganela khu dzimhamba nya guhandze sighoho. 4A na dzega gimombyana aya gi bikela nyangwatunu nya Tshatsha nya Tshangano, mbeli ga Pfhumu Nungungulu, a na gi handzega mandza hungoni; a hegisa a gi paya mbeli ga Pfhumu Nungungulu. 5Khu gulandrela, muphasi nya mhamba a todzidwego mafura a na dzega novba nya gimombyana gi payidwego a bela nawo Tshatshani nya Tshangano; 6a na nega nyala novbani, khu novba wowo a na mitegedzela livbandre na dzimbili dzinyondro, mbeli ga Pfhumu Nungungulu, na khedzane ni mwendra wa makhuvini nya Wulanga nya Guage. 7Khu hwane a na vbaladza wumbe novba avba nya dzikeho nya giluvelo nya libani nya gunungele, gi guromo mbeli ga Pfhumu Nungungulu, ndrani nya Tshatsha nya Tshangano; owu wumbe watshavbo novba nya gimombyana a na wu vbaladza tshinani nya giluvelo nya miphaso nya guvbiswe, gi guromo nyangwatunu nya Tshatsha nya Tshangano. 8Khavbo avbo, a na dusa mafura yatshavbo nya gimombyana gi payidwego khu gighoho gyaye, aya ma fumbelago mahembe ni aya ma patanego ni sa ndrani; 9gumogo ni dzitshwa dza dzimbili ni mafura ma dzi fumbelago mugiwununi, ni mafura nya libindri ma na duswago gumogo ni dzitshwa; 10kha nga idzo gu girwago khidzo gimombyana nya phaso nya patano. Muphasi nya mhamba a na vbisa satshavbo vbatshani nya giluvelo nya miphaso nya guvbiswe. 11Aholu, lidowo nya gimombyana ni nyama yakone yatshavbo, gu pata ni hungo ni dzizondzo, ni mahembe ni swanyi; 12rumba nya gimombyana gyatshavbo, a na gi dzega a gu duga nagyo vbavbandze nya lizumbo, wulangani wu agidego,#4:12 Wulangani wu agidego: Sipandre nya nyama nya gifuyo nya miphaso yi gumba vbiswa vbatshani nya giluvelo, yi fanede guya vbiswa wulangani wu fanedego silo si agidego. talatunu va vbaladzelago avbo nguma, aya gi vbisa avbo, vbadzikhunitunu. Gi na vbisedwa vbatalatunu nya nguma.
Miphaso mayelano khu sighoho nya vathu
(Mitengo 15:22-26)
13A gu bani ari tshangano watshavbo nya vathu va na Israyeli va ghohidego khu guphazama, nasiri kha gwenye, va gira gilo gimwegyo gi himbedzedwago khu Pfhumu Nungungulu, va na mana nandru khu guralo. 14Gikhati gighoho va giridego gi na tugudwago, tshangano wu na bikela ningelo nya ditshedzo khu gimombyana nya kuzi va gi resa mbeli nya Tshatsha nya Tshangano. 15Madhota nya tshangano wa na Israyeli ma na handzega mandza hungoni nya kuzi, va yi paya avbo vbale mbeli ga Pfhumu Nungungulu. 16Khu gulandrela, muphasi nya mhamba a todzidwego mafura a na dzega wumbe novba nya kuzi a gu bela nawo Tshatshani nya Tshangano. 17A na nega nyala novbani, a mitegedzela khu novba wowo livbandre na dzimbili dzinyondro mbeli ga Pfhumu Nungungulu na khedzane ni mwendra nya makhuvi nya Wulanga nya Guage. 18Khu hwane, a na vbaladza wumbe novba mudzikehoni nya giluvelo gi guromo mbeli ga Pfhumu Nungungulu, Tshatshani nya Tshangano. Gasi watshavbo wu na tshalago a na wu vbaladza tshinani nya giluvelo nya phaso nya guvbiswe gi guromo nyangwani nya Tshatsha nya Tshangano. 19Khavbo avbo, a na dusa mafura yatshavbo nya kuzi a ma vbisa vbavbatshi nya giluvelo, 20a na gira kuzi yeyi idzosaye ni idzo a nga girago kuzi nya phaso nya ditshedzo, khu magirelo yoyo va na Israyeli va na ditshedzwa sighoho sawe satshavbo. 21Khu hwane a na dzega kuzi a duga nayo vbavbandze nya lizumbo, aya yi vbisa avba a vbisidego iyo nya guphele. Owu ningelo nya phaso nya guhandze gighoho nya tshangano.
Miphaso nya guhandze sighoho nya guphazame ga vathangeli
22A gu bani ari moyo nya muthangeli a nga ghohago khu guphazama, nasiri kha gwenye, a gira gilo gimwegyo gi himbedzedwago khu Pfhumu Nungungulu waye, a dzi vangede nandru; 23Avbo gi na tugudwago gighoho a giridego, a na resa nyamabhongwe nyamba hasa gasi gu gira khuye phaso. 24A na handzega mandza hungoni nya nyamabhongwe a wu paya wulangani wu giredwego gu payela avbo miphaso nya guvbiswe, mbeli ga Pfhumu Nungungulu. Owu ningelo nya phaso nya ditshedzo. 25Khu gulandrela, muphasi nya mhamba a na dzega novba nya gifuyo nya miphaso nya guvbiswe gasi gu handza gighoho, khu nyala a na todza khuwo dzikeho nya giluvelo nya miphaso nya guvbiswe; wumbe novba watshavbo a wu vbaladza tshinani nya giluvelo nya miphaso nya guvbiswe. 26A na vbisa mafura yatshavbo vbatshani nya giluvelo, kha nga idzo gu girwago mafura nya phaso nya patano, khavbo avbo, muphasi nya mhamba a na gira mhamba nya ditshedzo khu gighoho gyaye, khu guralo, uye a na tsetseledwa. 27A gu bani ari muthu a nga ghohago basi khu guphazama, nasiri kha gwenye, na giride gilo gimwegyo gi himbedzedwago khu Nungungulu waye, khu kharato a wu mane nandru. 28A gu tugudziswa gighoho a giridego, a na resa mhamba nya phongo nya ngadzi nyamba hasa, gasi gu handzwa gighoho a giridego. 29A na handzega mandza hungoni nya phongo nya mhamba nya guhandze sighoho, a yi payela wulangani va payelago avbo sifuyo nya miphaso nya guvbiswe. 30Khu gulandrela, muphasi nya mhamba khu nyala a na dzega novba nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe, wumbe novba watshavbo a na wu vbaladza tshinani nya giluvelo. 31#Wona gambe: Mit 15:27-28. Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga mahema nya gunungele gwadi ma salalegisago Pfhumu Nungungulu; khavbo avbo, muphasi nya mhamba a na mu girela phaso nya mhamba nya ditshedzo, giwono gyaye gi na tsetseledwa. 32Aholu, a gu bikela ningelo nya phaso nya ditshedzo, khu nvuta a na dusa ngadzi nyamba hasa. 33A na handzega mandza hungoni nya gifuyo nya guhandze gighoho, a gi paya wulangani nya miphaso nya guvbiswe. 34Khu gulandrela, muphasi nya mhamba, khu nyala, a na dusa novbanyana nya gifuyo nya phaso nya ditshedzo a thela dzikehoni nya giluvelo nya miphaso nya guvbiswe; a vbaladza wumbe novba watshavbo tshinani nya giluvelo. 35Khavbo avbo, a na dusa mafura yatshavbo, kha nga avbo nya phaso nya patano, a ma vbisa vbatshani nya giluvelo, kha nga ningelo nya phaso wu vbisedwago Pfhumu Nungungulu. Khu kharati, muphasi nya mhamba a na girela muthu yoyo mhamba nya ditshedzo, uye a na tsetseledwa sighoho a giridego.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.