Levhi 3
3
Ningelo nya patano ni gubonga
(Levhi 7:11-21)
1Muthu a gu bikela ningelo wuri wa mhamba nya patano#3:1 Eyi khu mhamba nya wuraru umo nya milayo ya Valevhi; Yi ngu ranwa gambe pwani i mhamba nya gurule mwendro pwani nya gurudzise. Avbo nya phaso wowu nyama nya gifuyo nya miphaso ya gu kabaniswa: Yimbe yi vbiswa vbatshani nya giluvelo, yimbe yi hodzwa Nyumbani nya Guage khu muningeli nya mhamba gumogo ni valongo vaye, ni dzipari ni vale a va rambidego; i buzo nya miphaso wu tshnganisago vathu ni Nungungulu., khu mombe nya kuzi, mwendro nya ngadzi, gu vbwetega nyamba hasa, a yi bikela mbeli ga Pfhumu Nungungulu. 2A na handzega mandza hungoni nya girengo nya miphaso gi bikedwego, aya gi paya nyangwatunu nya Tshatsha nya Tshangano, khu hwane, vaphasi nya mhamba, sanana sa Aroni, va na mitegedzela novba maphuvbo yatshavbo nya giluvelo. 3Avbo nya phaso nya mhamba yeyi nya patano, va na bikela mafura yatshavbo ma fumbelago mahembe, ni mafura yatshavbo ya sa ndrani, va gira ningelo nya phaso wu vbisedwago Pfhumu Nungungulu, 4gumogo ni dzitshwa dzatshavbo dza dzimbili ni mafura ma dzi fumbelago, ni mafura ya vbalongotunu ni aya ma fumbelago libindri, ma na duswa yatshavbo gumogo ni dzitshwa. 5Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.
6Muthu a guya bikela ga Pfhumu Nungungulu ningelo nya phaso nya patano khu girengo nya gidugwana, fanede gu hatha matune mwendro ngadzi nyamba hasa. 7A guya bikela phaso waye khu nvuta, a naya yi ningela mbeli ga Pfhumu Nungungulu; 8A na handzega mandza hungoni nya gifuyo nya miphaso, aya gi paya nyangwatunu nya Tshatsha nya Tshangano; khavbo avbo, sanana sa Aroni si na mitegedzela khu novba maphuvbo yatshavbo nya giluvelo. 9Khu guralo, avba nya phaso nya mhamba yeyi nya patano, a na ningela mafura yatshavbo.#3:9 Mafura yatshavbo: Mafura nya gifuyo nya miphaso ma gu wonwa nari gilo nya lisima ngudzu; gimi nya womi, giwonegiso nya tshivba nya guvbanye, ngudzungudzu mafura ma fumbelago mahembe ni sa ndrani. Dzitshwa dzi di wonwa kha nga gibuga nya tshivba nya wungwazi; mahembe ni libindri si di wonwa kha nga wulanga gu dugago khavbo tshivba nya lihaladzo mwendro khorodza ni likhulo; nyama ya mu giwununi ni ya hwamboni yi di wonwa kha nga wulanga yi digago khavbo tshivba nya livelego. Esi satshavbo si fanede gu ningedwa basi ga Pfhumu Nungungulu, a gu mune nya dzitshivba dzatshavbo. Nayo wu di himbedzela dzinyanga ni dzindroyi, gu dzega silo sesi va si thumisa wunyangani mwendro wuloyini gwawe. Ngila watshavbo wu na pidwago khu vbalongotunu nya hwambo, ni mafura ma fumbelago mahembe, ni aya ma patanego ni sa ndrani, a gira phaso nya guvbiswe wu salalegisago Pfhumu Nungungulu; 10Dzitshwa dza dzimbili ni mafura ma dzi fumbelago ni ya vbalongotunu ni aya ma fumbelago libindri, ma na duswa gumogo ni dzitshwa. 11Muphasi nya mhamba a na vbisa satshavbo vbatshani nya giluvelo. Ogu guhodza nya ningelo nya phaso wu vbisedwago Pfhumu Nungungulu. 12Aholu, ningelo a gu bani ari nya phongo nya ngadzi, a na yi ningela mbeli ga Pfhumu Nungungulu; 13a na handzega mandza hungoni nya gifuyo nya miphaso, a gi paya mbeli nya Tshatsha nya Tshangano. Khavbo avbo, sanana sa Aroni si na mitegedzela khu novba giluvelo maphuvbo yatshavbo. 14Khu hwane a na dusa mafura ma fumbelago mahembe ni aya ma patanego ni sa ndrani, a gira phaso nya guvbisedwe Pfhumu Nungungulu. 15Dzitshwa dza dzimbili ni mafura ma dzi fumbelago gumogo ni hwambo; ni gipandre nya libindri gumogo ni dzitshwa, fanede gu dzi dusa. 16Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu. 17Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”
Currently Selected:
Levhi 3: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 3
3
Ningelo nya patano ni gubonga
(Levhi 7:11-21)
1Muthu a gu bikela ningelo wuri wa mhamba nya patano#3:1 Eyi khu mhamba nya wuraru umo nya milayo ya Valevhi; Yi ngu ranwa gambe pwani i mhamba nya gurule mwendro pwani nya gurudzise. Avbo nya phaso wowu nyama nya gifuyo nya miphaso ya gu kabaniswa: Yimbe yi vbiswa vbatshani nya giluvelo, yimbe yi hodzwa Nyumbani nya Guage khu muningeli nya mhamba gumogo ni valongo vaye, ni dzipari ni vale a va rambidego; i buzo nya miphaso wu tshnganisago vathu ni Nungungulu., khu mombe nya kuzi, mwendro nya ngadzi, gu vbwetega nyamba hasa, a yi bikela mbeli ga Pfhumu Nungungulu. 2A na handzega mandza hungoni nya girengo nya miphaso gi bikedwego, aya gi paya nyangwatunu nya Tshatsha nya Tshangano, khu hwane, vaphasi nya mhamba, sanana sa Aroni, va na mitegedzela novba maphuvbo yatshavbo nya giluvelo. 3Avbo nya phaso nya mhamba yeyi nya patano, va na bikela mafura yatshavbo ma fumbelago mahembe, ni mafura yatshavbo ya sa ndrani, va gira ningelo nya phaso wu vbisedwago Pfhumu Nungungulu, 4gumogo ni dzitshwa dzatshavbo dza dzimbili ni mafura ma dzi fumbelago, ni mafura ya vbalongotunu ni aya ma fumbelago libindri, ma na duswa yatshavbo gumogo ni dzitshwa. 5Vaphasi nya mhamba, sanana sa Aroni, va na vbisa satshavbo vbatshani nya giluvelo, gumogo ni phaso nya guvbiswe wu handzegidwego vbatshani nya dzikhuni dzi guromo niloni; Owu ningelo nya phaso nya guvbiswe nya gunungele gwadi wu salalegisago Pfhumu Nungungulu.
6Muthu a guya bikela ga Pfhumu Nungungulu ningelo nya phaso nya patano khu girengo nya gidugwana, fanede gu hatha matune mwendro ngadzi nyamba hasa. 7A guya bikela phaso waye khu nvuta, a naya yi ningela mbeli ga Pfhumu Nungungulu; 8A na handzega mandza hungoni nya gifuyo nya miphaso, aya gi paya nyangwatunu nya Tshatsha nya Tshangano; khavbo avbo, sanana sa Aroni si na mitegedzela khu novba maphuvbo yatshavbo nya giluvelo. 9Khu guralo, avba nya phaso nya mhamba yeyi nya patano, a na ningela mafura yatshavbo.#3:9 Mafura yatshavbo: Mafura nya gifuyo nya miphaso ma gu wonwa nari gilo nya lisima ngudzu; gimi nya womi, giwonegiso nya tshivba nya guvbanye, ngudzungudzu mafura ma fumbelago mahembe ni sa ndrani. Dzitshwa dzi di wonwa kha nga gibuga nya tshivba nya wungwazi; mahembe ni libindri si di wonwa kha nga wulanga gu dugago khavbo tshivba nya lihaladzo mwendro khorodza ni likhulo; nyama ya mu giwununi ni ya hwamboni yi di wonwa kha nga wulanga yi digago khavbo tshivba nya livelego. Esi satshavbo si fanede gu ningedwa basi ga Pfhumu Nungungulu, a gu mune nya dzitshivba dzatshavbo. Nayo wu di himbedzela dzinyanga ni dzindroyi, gu dzega silo sesi va si thumisa wunyangani mwendro wuloyini gwawe. Ngila watshavbo wu na pidwago khu vbalongotunu nya hwambo, ni mafura ma fumbelago mahembe, ni aya ma patanego ni sa ndrani, a gira phaso nya guvbiswe wu salalegisago Pfhumu Nungungulu; 10Dzitshwa dza dzimbili ni mafura ma dzi fumbelago ni ya vbalongotunu ni aya ma fumbelago libindri, ma na duswa gumogo ni dzitshwa. 11Muphasi nya mhamba a na vbisa satshavbo vbatshani nya giluvelo. Ogu guhodza nya ningelo nya phaso wu vbisedwago Pfhumu Nungungulu. 12Aholu, ningelo a gu bani ari nya phongo nya ngadzi, a na yi ningela mbeli ga Pfhumu Nungungulu; 13a na handzega mandza hungoni nya gifuyo nya miphaso, a gi paya mbeli nya Tshatsha nya Tshangano. Khavbo avbo, sanana sa Aroni si na mitegedzela khu novba giluvelo maphuvbo yatshavbo. 14Khu hwane a na dusa mafura ma fumbelago mahembe ni aya ma patanego ni sa ndrani, a gira phaso nya guvbisedwe Pfhumu Nungungulu. 15Dzitshwa dza dzimbili ni mafura ma dzi fumbelago gumogo ni hwambo; ni gipandre nya libindri gumogo ni dzitshwa, fanede gu dzi dusa. 16Muphasi nya mhamba a na vbisa satshavbo vbatshani nya giluvelo, si khala guhodza nya phaso nya guvbiswe, nya gunungele gwadi si tsakisa. Mafura yatshavbo ma gu lumba Pfhumu Nungungulu. 17Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.