Levhi 5
5
Sighoho si fanedego gu handzwa khu phaso
1Muthu a gu ranwa vbamahungutunu gasi guya gira wufakazi nya esi a si wonego mwendro a sitigo, aholu a si dzumeli guya fakaza, muthu yoyo a ngu rwala nandru nya gighoho gyogyo;
2muthu a gu kuha gilo gi nyenyezidego, nya gufanane ni girumbi nya girengo nya gunyenyeze, girumbi nya gifuyo mwendro girumbi nya girengo nya gukhwirire khu lididi, ambari na kuhide nyamba dziti, muthu yoyo rwade nandru, nyenyezide nuye.
3Mwendro a gu phazama nyamba dziti a kuha muthu a nyenyezidego, mwendro ndzilo yi dzi kodzago gunyenyezisa muthu, gikhati a na dzitigo a na mana nandru.
4Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.
5Muthu a gu ni nandru nya silo sesi, gu vbwetega a dawulela#5:5 gu vbwetega a dawulela: Avba gu thudwa gu dzumela nandru nya gughohele Nayo wa Pfhumu. sighoho saye. 6Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.
Dzimhamba nya sisiwana
7Gighohi gya gu hamuga nvuta mwendro phongo nya guhandzwe khiyo gighoho gi giridego, gi na resa ga Pfhumu Nungungulu, khu mhamba nya gighoho gyaye, matuva mavili mwendro sifondro sivili nya sipomba: Gimwegyo a na gira khigyo phaso nya guditshedzwe gighoho, ni gimbe nya phaso nya guvbiswe. 8A na dzega a si yisa ga muphasi nya mhamba. Uye a na phela khu gu ningela phaso nya ditshedzo; a na tshomborosa ngolo nya lituva, aholu nyamba li pila hungo; 9a na mitegedzela novba nya lituva nya phaso nya ditshedzo, maphuvbo yatshavbo nya giluvelo, wumbe novba watshavbo a na wu gamela tshinani nya giluvelo. Owu phaso nya ditshedzo. 10Gasi lituva nya wuvili, a na ningela khilo phaso nya guvbiswe, kha nga edzi wu rumago khidzo nayo. Khu magirelo yoyo, muphasi nya mhamba a na girela muthu yoyo mhamba nya guhandze gighoho a giridego, uye a na tsetseledwa.
11Aholu, a gu hamuga sifondro sivili nya matuva, a na ningela khu guhandza gighoho gyaye, gipandre nya likhumi nya Efa#5:11 Efa pimo wa gale va nga bani va gu pima khuwo wuguvbi ni simbe silo. Efa moyo a di dzega gipimo nya magumararu mideva. Va gu pwani gipandre nya likhumi nya Efa, gu nonedza gupwani mideva miraru. nya wuguvbi, a gira ningelo nya phaso nya ditshedzo, a nga theli mafura mwendro libani nya gunungele, kholu phaso nya gughohe. 12A na wu yisa ga muphasi nya mhamba, uye a na baga gyandza nya wuguvbi kha nga gialakanyiso, a vbisa vbatshani nya giluvelo, vbaminingelotunu yi vbisedwago Pfhumu Nungungulu; owu phaso nya guhandze gighoho. 13“Khu magirelo yoyo, muphasi nya mhamba a na handza gighoho a giridego muthu yoyo, guyelana ni gimwegyo nya esi si ganedwego, uye a na tsetseledwa. Wuguvbi wu na tshalago, wu na lumba muphasi nya mhamba, gukhwatshi khu edzi gu girwago avbo nya ningelo nya phaso nya dzimbewu.”
Mhamba nya gulivbe
(Levhi 7:1-6)
14 Pfhumu Nungungulu a di embela Mosi, khuye: 15“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru. 16Khu guralo, a na livba esi a dzegidego wulangani nya guage, a wuya a engedzela gipandre nya livbandre nya tengo yoyo, a ningela satshavbo ga muphasi nya mhamba. Khavbo muphasi nya mhamba a na mu girelago phaso nya ditshedzo khu nvuta a ningedego gasi gu livba nandru, uye a na tsetseledwa. 17Muthu a gu ghoha khu guphazama, nasiri kha gwenye a gira gilo gimwegyo nya esi si himbedzedwago khu Pfhumu Nungungulu, uye nuye ghohide, gambe a na rwala nandru waye. 18A na ningela ga muphasi nya mhamba matune nya nvuta nyamba hasa, yi hathidwego tshambini gwaye nya tengo wu na pimwago khu muphasi a ta gira phaso nya gulivbe nandru. Muphasi nya mhamba a na mu girela phaso nya guditshedzwe gihoso a gi giridego khu guphazama, khu guralo a na tsetseledwa nandru yoyo. 19Phaso nya gulivbe nandru. Kholu mahoni ga Pfhumu Nungungulu muthu yoyo a di ghohide kamwe khu lisine.”
Currently Selected:
Levhi 5: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Levhi 5
5
Sighoho si fanedego gu handzwa khu phaso
1Muthu a gu ranwa vbamahungutunu gasi guya gira wufakazi nya esi a si wonego mwendro a sitigo, aholu a si dzumeli guya fakaza, muthu yoyo a ngu rwala nandru nya gighoho gyogyo;
2muthu a gu kuha gilo gi nyenyezidego, nya gufanane ni girumbi nya girengo nya gunyenyeze, girumbi nya gifuyo mwendro girumbi nya girengo nya gukhwirire khu lididi, ambari na kuhide nyamba dziti, muthu yoyo rwade nandru, nyenyezide nuye.
3Mwendro a gu phazama nyamba dziti a kuha muthu a nyenyezidego, mwendro ndzilo yi dzi kodzago gunyenyezisa muthu, gikhati a na dzitigo a na mana nandru.
4Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.
5Muthu a gu ni nandru nya silo sesi, gu vbwetega a dawulela#5:5 gu vbwetega a dawulela: Avba gu thudwa gu dzumela nandru nya gughohele Nayo wa Pfhumu. sighoho saye. 6Khavbo avbo, a na ningela ga Pfhumu Nungungulu mhamba khu gighoho a giridego, nvuta nya ngadzi mwendro phongo nya ngadzi, gasi gu tsetseledwa sighoho saye; khu guralo, muphasi nya mhamba, a na mu girela mhamba nya guhandze giwono gyaye.
Dzimhamba nya sisiwana
7Gighohi gya gu hamuga nvuta mwendro phongo nya guhandzwe khiyo gighoho gi giridego, gi na resa ga Pfhumu Nungungulu, khu mhamba nya gighoho gyaye, matuva mavili mwendro sifondro sivili nya sipomba: Gimwegyo a na gira khigyo phaso nya guditshedzwe gighoho, ni gimbe nya phaso nya guvbiswe. 8A na dzega a si yisa ga muphasi nya mhamba. Uye a na phela khu gu ningela phaso nya ditshedzo; a na tshomborosa ngolo nya lituva, aholu nyamba li pila hungo; 9a na mitegedzela novba nya lituva nya phaso nya ditshedzo, maphuvbo yatshavbo nya giluvelo, wumbe novba watshavbo a na wu gamela tshinani nya giluvelo. Owu phaso nya ditshedzo. 10Gasi lituva nya wuvili, a na ningela khilo phaso nya guvbiswe, kha nga edzi wu rumago khidzo nayo. Khu magirelo yoyo, muphasi nya mhamba a na girela muthu yoyo mhamba nya guhandze gighoho a giridego, uye a na tsetseledwa.
11Aholu, a gu hamuga sifondro sivili nya matuva, a na ningela khu guhandza gighoho gyaye, gipandre nya likhumi nya Efa#5:11 Efa pimo wa gale va nga bani va gu pima khuwo wuguvbi ni simbe silo. Efa moyo a di dzega gipimo nya magumararu mideva. Va gu pwani gipandre nya likhumi nya Efa, gu nonedza gupwani mideva miraru. nya wuguvbi, a gira ningelo nya phaso nya ditshedzo, a nga theli mafura mwendro libani nya gunungele, kholu phaso nya gughohe. 12A na wu yisa ga muphasi nya mhamba, uye a na baga gyandza nya wuguvbi kha nga gialakanyiso, a vbisa vbatshani nya giluvelo, vbaminingelotunu yi vbisedwago Pfhumu Nungungulu; owu phaso nya guhandze gighoho. 13“Khu magirelo yoyo, muphasi nya mhamba a na handza gighoho a giridego muthu yoyo, guyelana ni gimwegyo nya esi si ganedwego, uye a na tsetseledwa. Wuguvbi wu na tshalago, wu na lumba muphasi nya mhamba, gukhwatshi khu edzi gu girwago avbo nya ningelo nya phaso nya dzimbewu.”
Mhamba nya gulivbe
(Levhi 7:1-6)
14 Pfhumu Nungungulu a di embela Mosi, khuye: 15“Muthu a gu ghoha, ambari nari a di phazama, a divala gu livba gikhaba nya esi si fanelago guagisedwa Pfhumu Nungungulu, muthu yoyo fanede gu bikela, khu kotani nya nandru waye, matune nya nvuta nyamba hasa yi hathidwego tshambini gwaye. Tengo wakone nya nvuta yoyo, wu na pimwa khu sekeli nya parata ya wulangani nya guage; a nata gira ningelo nya phaso nya gulivbe nandru. 16Khu guralo, a na livba esi a dzegidego wulangani nya guage, a wuya a engedzela gipandre nya livbandre nya tengo yoyo, a ningela satshavbo ga muphasi nya mhamba. Khavbo muphasi nya mhamba a na mu girelago phaso nya ditshedzo khu nvuta a ningedego gasi gu livba nandru, uye a na tsetseledwa. 17Muthu a gu ghoha khu guphazama, nasiri kha gwenye a gira gilo gimwegyo nya esi si himbedzedwago khu Pfhumu Nungungulu, uye nuye ghohide, gambe a na rwala nandru waye. 18A na ningela ga muphasi nya mhamba matune nya nvuta nyamba hasa, yi hathidwego tshambini gwaye nya tengo wu na pimwago khu muphasi a ta gira phaso nya gulivbe nandru. Muphasi nya mhamba a na mu girela phaso nya guditshedzwe gihoso a gi giridego khu guphazama, khu guralo a na tsetseledwa nandru yoyo. 19Phaso nya gulivbe nandru. Kholu mahoni ga Pfhumu Nungungulu muthu yoyo a di ghohide kamwe khu lisine.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.